ନୂଆଦିଲ୍ଲୀ, 16 ଜାନୁଆରି (ହି.ସ.)- ତିରୁଭଲ୍ଲୁଭର ଦିବସ ଅବସରରେ ମହାନ ତାମିଲ ସନ୍ଥ,
କବି ଓ
ଦାର୍ଶନିକ ତିରୁଭଲ୍ଲୁଭରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର
ମୋଦୀ, ଲୋକସଭା ଅଧ୍ୟକ୍ଷ ଓମ ବିର୍ଲା, କେନ୍ଦ୍ରୀୟ ଗୃହମନ୍ତ୍ରୀ
ଅମିତ ଶାହ ସହିତ ବିରୋଧୀ ଦଳମାନେ ଶୁକ୍ରବାର ତାଙ୍କର ଅବଦାନକୁ ସ୍ମରଣ କରି ନମନ କରିଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତିରୁଭଲ୍ଲୁଭର ଦିବସରେ ଶ୍ରଦ୍ଧାଞ୍ଜଳି ଅର୍ପଣ କରି
କହିଛନ୍ତି ଯେ ତିରୁଭଲ୍ଲୁଭର ବହୁମୁଖୀ ପ୍ରତିଭାର ଅଧିକାରୀ ଥିଲେ,
ତାଙ୍କର
କାର୍ଯ୍ୟ ଓ ଆଦର୍ଶ ଅସଂଖ୍ୟ ଲୋକଙ୍କୁ ପ୍ରେରଣା ଦେଇଆସୁଛି। ସେ କହିଛନ୍ତି ଯେ ତିରୁଭଲ୍ଲୁଭର ଏକ
ସହଯୋଗୀ ଓ କରୁଣାମୟ ସମାଜରେ ବିଶ୍ୱାସ କରୁଥିଲେ ଏବଂ ସେ ତାମିଲ ସଂସ୍କୃତିର ସର୍ବୋତ୍ତମ
ପ୍ରତିନିଧି ଥିଲେ। ପ୍ରଧାନମନ୍ତ୍ରୀ ଲୋକମାନଙ୍କୁ ‘ତିରୁକ୍କୁରଲ’
ପଢ଼ିବାକୁ
ଆହ୍ୱାନ କରି କହିଛନ୍ତି ଯେ ଏହା ମହାନ ତିରୁଭଲ୍ଲୁଭରଙ୍କ ଉତ୍କୃଷ୍ଟ ବୁଦ୍ଧିମତାର ଝଲକ ପ୍ରଦାନ
କରେ।
ଲୋକସଭା ଅଧ୍ୟକ୍ଷ ଓମ ବିର୍ଲା ତିରୁଭଲ୍ଲୁଭରଙ୍କୁ ମହାନ ତାମିଲ ସନ୍ଥ,
କବି ଓ
ଦାର୍ଶନିକ ଭାବେ ବର୍ଣ୍ଣନା କରି କହିଛନ୍ତି ଯେ ତାଙ୍କର ଅମର କୃତି ‘ତିରୁକ୍କୁରଲ’
ମାଧ୍ୟମରେ
ସେ ପୃଥିବୀକୁ ନୀତି, ଶାସନ, ଧାର୍ମିକତା ଏବଂ କରୁଣା ବିଷୟରେ ଗଭୀର
ମାର୍ଗଦର୍ଶନ ଦେଇଛନ୍ତି। ସେ କହିଛନ୍ତି ଯେ ତିରୁଭଲ୍ଲୁଭରଙ୍କ ଶିକ୍ଷା ସମୟ,
ଧର୍ମ
ଓ ଭୂଗୋଳର ସୀମାକୁ ଅତିକ୍ରମ କରି ମାନବତାକୁ ନୀତିମୟ ଆଚରଣ, ସାମାଜିକ ସମ୍ମିଳନ ଓ ମାନବ
ଗରିମାର ମୂଲ୍ୟବୋଧ ସହ ନିରନ୍ତର ପ୍ରେରିତ କରିଆସୁଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
