Bhubneshwar, 16 ଜାନୁଆରି (ହି.ସ.)
କୋଲକାତା-ବିଚାରପତି ସୁଜୟ ପଲ୍ ଶୁକ୍ରବାର କୋଲକାତା ଉଚ୍ଚ ନ୍ୟାୟାଳୟର ମୁଖ୍ୟ
ନ୍ୟାୟାଧୀଶ ଭାବେ ପଦ ଏବଂ ଗୋପନୀୟତାର ଶପଥ ଗ୍ରହଣ କରିଛନ୍ତି। ସେ ଜୁନ୍ ୨୦୨୬ ମାସରେ ଅବସର
ଗ୍ରହଣ କରିବେ। ସୁପ୍ରିମ କୋର୍ଟ କଲେଜିୟମର ସୁପାରିଶ ଏବଂ ଭାରତ ସରକାରଙ୍କ ଅଧିସୂଚନା ପରେ,
୧୬
ଜାନୁଆରୀ ୨୦୨୬ ଠାରୁ ସେ କଲକାତା ଉଚ୍ଚ ନ୍ୟାୟାଳୟର ୪୪ତମ ମୁଖ୍ୟ ନ୍ୟାୟାଧୀଶ ଭାବେ ନିଯୁକ୍ତ ହୋଇଛନ୍ତି।
ଶପଥ ଗ୍ରହଣ ସମାରୋହ ପଶ୍ଚିମବଙ୍ଗର ରାଜ୍ୟପାଳ ସି.ଭି. ଆନନ୍ଦ ବୋଷଙ୍କ ଉପସ୍ଥିତିରେ
ସମ୍ପନ୍ନ ହୋଇଥିଲା। ଏହି ଅବସରରେ ବର୍ତ୍ତମାନ ଏବଂ ପୂର୍ବତନ ନ୍ୟାୟାଧୀଶ,
ବିଭିନ୍ନ
ଉଚ୍ଚ ନ୍ୟାୟାଳୟର ମୁଖ୍ୟ ନ୍ୟାୟାଧୀଶ, ରାଜ୍ୟ ସରକାରର ମନ୍ତ୍ରୀ ଏବଂ ବରିଷ୍ଠ
ନ୍ୟାୟିକ ଅଧିକାରୀ ଉପସ୍ଥିତ ଥିଲେ।
ଉଲ୍ଲେଖନୀୟ ଯେ, ବିଚାରପତି ସୁଜୟ ପଲ୍ ୧୮ ଜୁଲାଇ ୨୦୨୫ ରେ କୋଲକାତା ଉଚ୍ଚ
ନ୍ୟାୟାଳୟର ନ୍ୟାୟାଧୀଶ ଭାବେ ନିଯୁକ୍ତ ହୋଇଥିଲେ। ତାପରେ ସେ ୮ ଅକ୍ଟୋବର ୨୦୨୫ ଠାରୁ ୧୫
ଜାନୁଆରୀ ୨୦୨୬ ପର୍ଯ୍ୟନ୍ତ କାର୍ଯ୍ୟବାହକ ମୁଖ୍ୟ ନ୍ୟାୟାଧୀଶ ଭାବେ ଦାୟିତ୍ୱ ପାଳନ କରିଥିଲେ।
ଏହା ପୂର୍ବରୁ ସେ ତେଲେଙ୍ଗାନା ଉଚ୍ଚ ନ୍ୟାୟାଳୟରେ ନ୍ୟାୟାଧୀଶ ଏବଂ ପରେ ସେଠାରେ କାର୍ଯ୍ୟବାହକ
ମୁଖ୍ୟ ନ୍ୟାୟାଧୀଶ ଭାବେ ମଧ୍ୟ କାର୍ଯ୍ୟ କରିଥିଲେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
