ସୁବର୍ଣ୍ଣପୁର, 19 ଜାନୁଆରି (ହି.ସ.) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ସୁବଳୟା ଥାନା ଅନ୍ତର୍ଗତ ଦୂରଦୁରା ଛକ ନିକଟରେ ବିପୁଳ ପରିମାଣ ର ଗଞ୍ଜେଇ ସହ ବ୍ୟବହୃତ କଣ୍ଟେନର ଟ୍ରକ କୁ ଜବତ କରିଛି ସୁବଳୟା ପୋଲିସ l ଏଥିରେ ସମ୍ପୃକ୍ତ ଦୁଇଜଣ ଅଭିଯୁକ୍ତ ଙ୍କୁ ଗିରଫ କରିଛି l ଗତ 18/01/26 ରବିବାର ସକାଳ ପ୍ରାୟ 7.30 ଘଣ୍ଟା ସମୟ ରେ ସୁବଳୟା ଥାନା ର IIC ସୁଶାନ୍ତ କୁମାର ପ୍ରଧାନ ଓ ଥାନା ର ଅନ୍ୟ କର୍ମଚାରୀ ଙ୍କ ସହିତ ସୁବଳୟା ଏବଂ ଦୂରଦୁରା ଛକ ନିକଟ ରେ ପେଟ୍ରୋଲିଙ୍ଗ କରୁଥିବା ସମୟ ରେ ସନ୍ଧେହ ଜନକ ଭାବରେ ସମ୍ବଲପୁର କଦଳୀଗଡ଼ ରୁ ସୁବଳୟା ଥାନା ଅନ୍ତର୍ଗତ ଦୂରଦୁରା ଛକ ଗଞ୍ଜେଇ ବୋଝେଇ ହୋଇଥିବା ଏକ କଣ୍ଟେନର ଟ୍ରକ ( ନମ୍ବର ପ୍ଲେଟ - ଏନ ଏଲ -O1 ଏନ 6914 ) କୁ ସନ୍ଧେହ ଜନକ ଭାବରେ ଅଟକାଇଥିଲେ l ଏହା ପରେ ଏନ ଡି ପି ଏସ ଆଇନ ର ପ୍ରଚଳିତ ନିୟମ ଅନୁସରଣ କରି ସାକ୍ଷୀ ଏବଂ କାର୍ଯ୍ୟନିର୍ବାହୀ ମାଜିଷ୍ଟ୍ରେଟ ଙ୍କ ଉପସ୍ଥିତି ରେ ଚୋରା ଗଞ୍ଜେଇ ସହିତ କଣ୍ଟେନର ଟ୍ରକ, ଦୁଇଟି ମୋବାଇଲ ଫୋନ, 8700 ନଗଦ ଟଙ୍କା ଜବତ କରାଯାଇଥିଲା l ତଲାସୀ ସମୟ ରେ ମୋଟ 20 ଟି ବଡ଼ ବ୍ୟାଗ ଚିହ୍ନଟ ହୋଇଥିଲା l ଉକ୍ତ 20 ଟି ବଡ଼ ବ୍ୟାଗ ଖୋଲିବା ପରେ ମାଟିଆ ରଙ୍ଗର ସେଲୋ ଟେପ ସହିତ ଗୁଡ଼ାଯାଇଥିବା 607 ଟି ଛୋଟ ପ୍ୟାକେଟ ମିଳିଥିଲା ଏବଂ ଗଞ୍ଜେଇ ର ମୋଟ ଓଜନ 5 କୁଇଣ୍ଟାଲ 93 କେଜି ଥିଲା l ସରକାରୀ ମୂଲ୍ୟାଙ୍କନ ଅନୁସାରେ ଜବତ ଗଞ୍ଜେଇ ର ଆନୁମାନିକ ମୂଲ୍ୟ 5930000/ ଟଙ୍କା ହେବ l ଏହି ମାମଲା ରେ ସମ୍ପୃକ୍ତ ଥିବା ବିହାର ରାଜ୍ୟ ର ଭୋଜପୁର ଜିଲ୍ଲା ଶାହାପୁର ଥାନା ଅନ୍ତର୍ଗତ ସୋନାବର୍ଷା ଗ୍ରାମ ର ଅନିଲ ଯାଦବ ( 28 ) ଓ ଝାରଖଣ୍ଡ ରାଜ୍ୟ ର ଧାନବାଦ ଜିଲ୍ଲା ର ଝରିଆ ତେତଲମରି ଗ୍ରାମ ର ବିନୁ ମଲ୍ଲହ (35 ) ଙ୍କୁ ଗିରଫ କରାଯାଇଛି l ଏ ସମ୍ପର୍କ ରେ ସୁବଳୟା PS କେସ ନମ୍ବର 14/18/01/2026 U/s-20 ( b )(ii) C NDPS ଆକ୍ଟ ରେ ଏକ ମାମଲା ରୁଜୁ ହୋଇଛି ବୋଲି ଆଜି ସୁବର୍ଣ୍ଣପୁର ଜିଲ୍ଲା ପୋଲିସ ମୁଖ୍ୟାଳୟ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ବିଳନୀ ରେ ଆରକ୍ଷୀ ଅଧିକ୍ଷକ ନାରାୟଣ ନାୟକ ସୂଚନା ଦେଇଛନ୍ତି l ବୀରମହାରାଜପୁର SDPO ହେମନ୍ତ କୁମାର ରାଓ ଚୋରା ଗଞ୍ଜେଇ ର ଉତ୍ସ ଏବଂ ଅଭିଯୁକ୍ତ ମାନଙ୍କ ବିଷୟ ରେ ଅଧିକ ତଦନ୍ତ କରୁଥିବା ସୂଚନା ମିଳିଛି l

ହିନ୍ଦୁସ୍ଥାନ ସମାଚାର / ଗୋପବନ୍ଧୁ