ନୂଆଦିଲ୍ଲୀ, 04 ଜାନୁଆରି (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର କହିଛନ୍ତି ଯେ

ଭଲିବଲ୍ ଖେଳ ସନ୍ତୁଳନ, ସମନ୍ୱୟ ଏବଂ

ସଂକଳ୍ପଶକ୍ତିର ପରୀକ୍ଷା। ଖେଳାଳିମାନଙ୍କର ମୂଳମନ୍ତ୍ର ‘ଟିମ୍ ଫର୍ଷ୍ଟ’ ହୋଇଥାଏ, ଯେଉଁଠାରେ

ଭିନ୍ନ-ଭିନ୍ନ କୌଶଳ ଥିଲେ ମଧ୍ୟ ପ୍ରତ୍ୟେକ ଖେଳାଳି ଟିମ୍‌ର ବିଜୟ ପାଇଁ ଖେଳେ। ଭଲିବଲ୍ ଓ ଦେଶର

ଉନ୍ନତି ମଧ୍ୟରେ ସମାନତା ଉଲ୍ଲେଖ କରି ସେ କହିଛନ୍ତି ଯେ କୌଣସି ବିଜୟ ଏକାକି ହୋଇନଥାଏ, ଏହା ସମନ୍ୱୟ, ବିଶ୍ୱାସ, ସମର୍ପଣ ଏବଂ ଟିମ୍‌ର

ସତର୍କତା ଉପରେ ନିର୍ଭର କରେ। ଦେଶ ମଧ୍ୟ ଏହି ଟିମ୍ ଭାବନା ଓ ଦାୟିତ୍ୱବୋଧ ସହିତ ଆଗକୁ ବଢ଼ୁଛି।

ପ୍ରଧାନମନ୍ତ୍ରୀ ମୋଦି ଏହା ଭିଡିଓ କନଫରେନ୍ସିଂ ମାଧ୍ୟମରେ

ବାରାଣସୀରେ ୭୨ତମ ଜାତୀୟ ଭଲିବଲ୍ ଟୁର୍ଣ୍ଣାମେଣ୍ଟର ଉଦଘାଟନ ସମୟରେ କହିଛନ୍ତି। ଏହି ଅବସରରେ

ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଉପସ୍ଥିତ ଥିଲେ। ଟୁର୍ଣ୍ଣାମେଣ୍ଟରେ

୨୮ଟି ରାଜ୍ୟ ଓ ସଂସ୍ଥାକୁ ପ୍ରତିନିଧିତ୍ୱ କରୁଥିବା ୫୮ଟି ଦଳର ୧,୦୦୦ରୁ ଅଧିକ

ଖେଳାଳି, ମୋଟ ୧,୦୦୦ରୁ ଅଧିକ

ଜାତୀୟସ୍ତରର ପ୍ରତିଭାଗୀ, ଅଂଶଗ୍ରହଣ

କରୁଛନ୍ତି। ଏହି ଆୟୋଜନ ୪ ରୁ ୧୧ ଜାନୁଆରୀ ୨୦୨୬ ପର୍ଯ୍ୟନ୍ତ ବାରାଣସୀର ଡା. ସମ୍ପୂର୍ଣ୍ଣାନନ୍ଦ

ସ୍ପୋର୍ଟସ୍ ଷ୍ଟେଡିୟମରେ ଆୟୋଜିତ ହେବ, ଯାହାର ନିର୍ମାଣ କାର୍ଯ୍ୟ ସମ୍ପ୍ରତି ସମ୍ପୂର୍ଣ୍ଣ ହୋଇଛି।

ପ୍ରଧାନମନ୍ତ୍ରୀ କହିଛନ୍ତି ଯେ କାଶୀରେ ଭଲିବଲ୍ ଚ୍ୟାମ୍ପିୟନଶିପର

ଶୁଭାରମ୍ଭ ‘ଏକ ଭାରତ ଶ୍ରେଷ୍ଠ ଭାରତ’ର ଏକ ସୁନ୍ଦର ଚିତ୍ର ପ୍ରସ୍ତୁତ କରୁଛି। ବନାରସୀ ଶୈଳୀରେ

ସେ କହିଛନ୍ତି ଯେ, “ବନାରସକୁ ଜାଣିବାକୁ

ହେଲେ ବନାରସକୁ ଆସିବାକୁ ପଡ଼ିବ।” ବାରାଣସୀ ଖେଳପ୍ରେମୀମାନଙ୍କର ଏକ ନଗର, ଯେଉଁଠାରେ କୁସ୍ତି, ବକ୍ସିଂ, ନୌକାୟାନ, କବାଡ଼ି ପରି ଖେଳ

ଲୋକପ୍ରିୟ ଏବଂ ବନାରସ ଅନେକ ଜାତୀୟ ଖେଳାଳି ଦେଇଛି। କାଶୀ ହିନ୍ଦୁ ବିଶ୍ୱବିଦ୍ୟାଳୟ, ୟୁପି କଲେଜ୍, କାଶୀ ବିଦ୍ୟାପୀଠ

ପରି ସଂସ୍ଥାଗୁଡ଼ିକର ଖେଳ ପରମ୍ପରା ଉଲ୍ଲେଖ କରି ସେ କହିଛନ୍ତି ଯେ କାଶୀ ହଜାର ହଜାର ବର୍ଷ ଧରି

ବିଜ୍ଞାନ ଓ କଳାର ସାଧନାକୁ ସ୍ୱାଗତ କରିଆସୁଛି। ସେ କହିଛନ୍ତି ଯେ ଜାତୀୟ ଭଲିବଲ୍

ଚ୍ୟାମ୍ପିୟନଶିପ ସମୟରେ ବାରାଣସୀର ଉତ୍ସାହ ଚରମ ସୀମାରେ ରହିବ ଏବଂ ଖେଳାଳିମାନେ କାଶୀର ଆତିଥ୍ୟ

ପରମ୍ପରାକୁ ଅନୁଭବ କରିବାର ସୁଯୋଗ ପାଇବେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା