କୋଲକାତା, 08 ଜାନୁଆରି (ହି.ସ.)- ତୃଣମୂଳ
କଂଗ୍ରେସ ସହ ଜଡିତ ରଣନୈତିକ ସଂସ୍ଥା ଆଇ-ପ୍ୟାକ୍ର କାର୍ଯ୍ୟାଳୟ ଏବଂ ଏହାର ପ୍ରମୁଖ ପ୍ରଶାନ୍ତ
ଜେନଙ୍କ ନିବାସରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦ୍ୱାରା ହୋଇଥିବା ରେଡକୁ ନେଇ
ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଏକ ଚମତ୍କାରକ ପଦକ୍ଷେପ ନେଇଛନ୍ତି। ରେଡ୍ ସମୟରେ
ସେ ନିଜେ ତଲାସୀ ଚାଲୁଥିବା କାର୍ଯ୍ୟାଳୟ ଭିତରକୁ ପ୍ରବେଶ କରି ଅନେକ ଫାଇଲ୍ ନେଇ
ବାହାରିଆସିଥିଲେ।
ମମତା ବାନାର୍ଜୀ ଦାବି
କରିଛନ୍ତି ଯେ ସେହି ଫାଇଲ୍ଗୁଡ଼ିକରେ ତାଙ୍କ ଦଳ ସହ ସମ୍ପର୍କିତ ଦଲିଲ୍ ରହିଛି। କିନ୍ତୁ
ଅଭିଯୋଗ ହେଉଛି ଯେ ସେହି ଫାଇଲ୍ଗୁଡ଼ିକରେ କୋଇଲା ଚୋରାଚାଲା ଏବଂ ଅନ୍ୟାନ୍ୟ ଦୁର୍ନୀତି ସହିତ
ସମ୍ପର୍କିତ ଅନେକ ପ୍ରମାଣ ଥିଲା। ମମତା ବାନାର୍ଜୀ କେନ୍ଦ୍ର ସରକାର ଉପରେ ଗୁରୁତର ଅଭିଯୋଗ
ଲଗାଇଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ ଏହି କାର୍ଯ୍ୟାନୁଷ୍ଠାନର ଉଦ୍ଦେଶ୍ୟ ତୃଣମୂଳ
କଂଗ୍ରେସ ସହ ସଂପୃକ୍ତ ଗୋପନୀୟ ଫାଇଲ୍ଗୁଡ଼ିକୁ ହାସଲ କରିବା ଥିଲା।
ଗୁରୁବାର ଦ୍ୱିପ୍ରହରରେ
ରେଡର ସୂଚନା ମିଳିବା ସହିତ ମୁଖ୍ୟମନ୍ତ୍ରୀ ବାନାର୍ଜୀ ନିଜେ କୋଲକାତାର ଲାଉଡନ୍ ଷ୍ଟ୍ରିଟ୍
ସ୍ଥିତ ପ୍ରଶାନ୍ତ ଜେନଙ୍କ ବାସଭବନରେ ପହଞ୍ଚିଥିଲେ। ସେଠାରୁ ସେ ସିଧାସଳଖ ଆଇ-ପ୍ୟାକ୍ର
କାର୍ଯ୍ୟାଳୟ ଭିତରକୁ ଯାଇଥିଲେ ଏବଂ ତଦନ୍ତ ସମୟରେ ଥିବା ଫାଇଲ୍, ହାର୍ଡ ଡିସ୍କ ଏବଂ ଗୋଟିଏ ଲ୍ୟାପଟପ୍ ସହ ନେଇ ବାହାରିଆସିଥିଲେ।
ବାହାରୁ ଆସିବା ବେଳେ ମୁଖ୍ୟମନ୍ତ୍ରୀଙ୍କ ହାତରେ ଅନେକ ଦଲିଲ୍ ସ୍ପଷ୍ଟ ଭାବେ ଦେଖାଯାଉଥିଲା।
ମମତା ବାନାର୍ଜୀ କହିଛନ୍ତି
ଯେ ଏହି ସମସ୍ତ ଫାଇଲ୍ ତାଙ୍କ ଦଳ ସହ ସମ୍ପର୍କିତ ଏବଂ ସେଗୁଡ଼ିକୁ ଜବତ କରିବାକୁ ଚେଷ୍ଟା
କରାଯାଉଥିଲା। ତାଙ୍କ ଅଭିଯୋଗ ଅନୁସାରେ, କେନ୍ଦ୍ର ସରକାର ରାଜ୍ୟରେ ଚାଲୁଥିବା ବିଭିନ୍ନ ତଦନ୍ତ ଏବଂ ଦୁର୍ନୀତି
ସହ ସମ୍ପର୍କିତ ସତ୍ୟତଥ୍ୟକୁ ଲୁଚାଇବା ପାଇଁ ଏପରି କାର୍ଯ୍ୟକଳାପର ସହାୟତା ନେଉଛି।
ମୁଖ୍ୟମନ୍ତ୍ରୀ ସ୍ପଷ୍ଟ ଭାବେ କହିଛନ୍ତି ଯେ ଯେଉଁ ଫାଇଲ୍ଗୁଡ଼ିକୁ ନେବାକୁ ଚେଷ୍ଟା
କରାଯାଉଥିଲା, ସେଗୁଡ଼ିକରେ
ତାଙ୍କ ଦଳର ରଣନୀତି ଲେଖା ଥିବାରୁ ସେ ନିଜେ କାର୍ଯ୍ୟାଳୟ ଭିତରକୁ ଯାଇ ଦଲିଲ୍ଗୁଡ଼ିକୁ
ସୁରକ୍ଷିତ କରିବାକୁ ବାଧ୍ୟ ହୋଇଥିଲେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
