ରାଜନୈତିକ ଲାଭ ପାଇଁ ସାମ୍ବିଧାନିକ ଅନୁଷ୍ଠାନଗୁଡ଼ିକର ବିଶ୍ୱସନୀୟତା ଉପରେ ପ୍ରଶ୍ନ ଉଠାଇଛି କଂଗ୍ରେସ- ଲଲନ ସିଂହ

ନୂଆଦିଲ୍ଲୀ, ୧୩ ଅକ୍ଟୋବର(ହି.ସ.) – ବରିଷ୍ଠ ବିଜେପି ନେତା ତଥା କେନ୍ଦ୍ରମନ୍ତ୍ରୀ ପୀୟୁଷ ଗୋୟଲ ନିର୍ବାଚନ ଆୟୋଗଙ୍କ ନିରପେକ୍ଷତା ବିଷୟରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଅଭିଯୋଗ ଉପରେ କହିଛନ୍ତି ଯେ ତାଙ୍କ ଅଭିଯୋଗକୁ ସମର୍ଥନ କରିବା ପାଇଁ ସେ ମଧ୍ୟ ପ୍ରମାଣ ଉପସ୍ଥାପନ କରିବା ଉଚିତ। ଗୋୟଲ ଏହି ପ୍ରସଙ୍ଗରେ ରାହୁଲ ଗାନ୍ଧୀଙ୍କୁ ୧୦ଟି ପ୍ରଶ୍ନ ମଧ୍ୟ ପଚାରିଥିଲେ। ଏହି ସମୟରେ ଲଲନ ସିଂହ ରାହୁଲ ଏବଂ କଂଗ୍ରେସକୁ ଟାର୍ଗେଟ୍ କରି କହିଥିଲେ ଯେ ଦେଶରେ ସମ୍ବିଧାନ ସର୍ବୋଚ୍ଚ, କୌଣସି ପରିବାର ନୁହେଁ। ରାଜନୈତିକ ଲାଭ ପାଇଁ କଂଗ୍ରେସ ସାମ୍ବିଧାନିକ ଅନୁଷ୍ଠାନଗୁଡ଼ିକର ବିଶ୍ୱସନୀୟତା ଉପରେ ପ୍ରଶ୍ନ ଉଠାଇଛି ବୋଲି ସେ ଅଭିଯୋଗ କରିଥିଲେ।

ମଙ୍ଗଳବାର ଦିନ ବିଜେପି ମୁଖ୍ୟାଳୟରେ ଏକ ସାମ୍ବାଦିକ ସମ୍ମିଳନୀରେ ବରିଷ୍ଠ ଜେଡିୟୁ ନେତା ତଥା କେନ୍ଦ୍ରମନ୍ତ୍ରୀ ରାଜୀବ ରଞ୍ଜନ ସିଂହ ଓରଫ ଲଲନ ସିଂହଙ୍କ ଉପସ୍ଥିତିରେ ଗୋୟଲ ଗାନ୍ଧୀଙ୍କ କାର୍ଯ୍ୟଶୈଳୀକୁ ସମାଲୋଚନା କରିଥିଲେ। ସେ କହିଛନ୍ତି ଯେ ଗତ କିଛିଦିନ ଧରି ତାଙ୍କ ଆଚରଣ ଏବଂ ବିବୃତିରେ ଦ୍ୱୈତ ମାନଦଣ୍ଡ ଦୃଶ୍ୟମାନ ହୋଇଛି। ସେ ଅଭିଯୋଗ କରିଛନ୍ତି ଯେ କଂଗ୍ରେସ ନିର୍ବାଚନ ଆୟୋଗଙ୍କ ନିରପେକ୍ଷତା ଉପରେ ପ୍ରଶ୍ନ ଉଠାଇଛି କିନ୍ତୁ ଏହାର ରାଜନୈତିକ ଆଚରଣ ଏବଂ ଅତୀତ ରେକର୍ଡ଼ ବିଷୟରେ ଆଲୋଚନା କରୁନାହିଁ।

ଗୋୟଲ କହିଛନ୍ତି ଯେ ପୂର୍ବରୁ ନିର୍ବାଚନ କମିଶନରମାନେ ସରକାରଙ୍କ ଦ୍ୱାରା ନିଯୁକ୍ତ ହୋଇଥିଲେ ଏବଂ ଚୟନ ପ୍ରକ୍ରିୟାରେ ଅନ୍ୟ କୌଣସି ଦଳ ସହିତ ପରାମର୍ଶ କିମ୍ବା ଆଲୋଚନା ହୋଇନଥିଲା। ସେ ଦାବି କରିଛନ୍ତି ଯେ ମୋଦୀ ସରକାର ୨୦୨୩ ରେ ଏକ ନୂତନ ଆଇନ ଆଣି ଚୟନ ପ୍ରକ୍ରିୟାକୁ ପରିବର୍ତନ କରିଥିଲେ ଏବଂ ଏଥିରେ ବିରୋଧୀ ଦଳ ନେତାଙ୍କୁ ଅନ୍ତର୍ଭୁକ୍ତ କରିଥିଲେ।

ଗୋଏଲଙ୍କ କହିବା ଅନୁଯାୟୀ, ବର୍ତମାନ ପ୍ରଧାନମନ୍ତ୍ରୀ ଏବଂ ଲୋକସଭାରେ ବିରୋଧୀ ଦଳ ନେତା ନିର୍ବାଚନ କମିଶନର ଏବଂ ମୁଖ୍ୟ ନିର୍ବାଚନ କମିଶନରଙ୍କ ନିଯୁକ୍ତି ସମ୍ବନ୍ଧୀୟ ନିଷ୍ପତି ନେବା ପାଇଁ ଚୟନ କମିଟିରେ ଯୋଗ ଦେଉଛନ୍ତି। ବର୍ତମାନର ବ୍ୟବସ୍ଥାରେ ଚୟନ ପ୍ରକ୍ରିୟାରେ ବିରୋଧୀ ଦଳକୁ ମଧ୍ୟ ମତାମତ ଦିଆଯାଇଛି।

ପିୟୁଷ ଗୋୟଲ କହିଛନ୍ତି ଯେ ମୋଦୀ ସରକାର ନିର୍ବାଚନ ଆୟୋଗଙ୍କୁ ସ୍ୱାଧିନ ଭାବରେ କାର୍ଯ୍ୟ କରିବାକୁ ସୁଯୋଗ ଦେଇଛନ୍ତି। ସେ ଦାବି କରିଛନ୍ତି ଯେ ସରକାର ଆଇନଗତ ବ୍ୟବସ୍ଥାର ବିପରୀତରେ ନିର୍ବାଚନ କମିଶନରମାନଙ୍କୁ ରାଜନୈତିକ ପଦବୀ ଦେବାକୁ ଚେଷ୍ଟା କରିନାହାଁନ୍ତି।

ସେ କହିଛନ୍ତି ଯେ ସେ ରାହୁଲ ଗାନ୍ଧୀଙ୍କୁ ୧୦ଟି ପ୍ରଶ୍ନ ପଚାରିବାକୁ ଚାହୁଁଛନ୍ତି ଏବଂ ସେ ସେଗୁଡ଼ିକର ଉତର ଦେବା ଉଚିତ୍। ସେ ଅଭିଯୋଗ କରିଛନ୍ତି ଯେ ରାହୁଲ ନିର୍ବାଚନରେ ଭୋଟ୍ ଚୋରି ଅଭିଯୋଗ କରନ୍ତି, ନିର୍ବାଚନ ଆୟୋଗଙ୍କୁ ସମାଲୋଚନା କରନ୍ତି। କିନ୍ତୁ ତାଙ୍କ ଦାବିକୁ ସମର୍ଥନ କରିବା ପାଇଁ ସତ୍ୟପାଠ ଦାଖଲ କରନ୍ତି ନାହିଁ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି