ନାଗୋୟା, ୦୨ ଅକ୍ଟୋବର (ହି.ସ.)- ଭାରତୀୟ ପହିଲମାନ ସୁଜିତ କଲକଲ ଶୁକ୍ରବାର ଏସିଆଇ ଖେଳ-୨୦୨୬ରେ ପୁରୁଷମାନଙ୍କ ୬୫ କିଗ୍ରା ଫ୍ରିଷ୍ଟାଇଲ କୁସ୍ତି ପ୍ରତିଯୋଗିତାର ସ୍ୱର୍ଣ୍ଣ ପଦକ ଜିତିଛନ୍ତି। ଫାଇନାଲରେ ସୁଜିତ ତାଜିକିସ୍ତାନର ଅବ୍ଦୁଲମଜିଦ କୁଡିଏଭଙ୍କୁ ୧୦-୯ରେ ପରାସ୍ତ କରିଥିଲେ। ମୁକାବିଲାରେ ଏକ ସମୟରେ ୨-୯ରେ ପଛୁଆ ଥିବା ସୁଜିତ କ୍ରମାଗତ ୮ ପଏଁଟ ହାସଲ କରି ଚମତ୍କାର ପ୍ରତ୍ୟାବର୍ତନ କରିଥିଲେ।
ସୁଜିତ ସ୍ୱର୍ଣ୍ଣ ପଦକର ପଥରେ ଅନେକ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀଙ୍କୁ ପରାସ୍ତ କରିଥିଲେ। ସେ ଅଭିଯାନର ଆରମ୍ଭ ଆଫଗାନିସ୍ତାନର ସୟଦ ଉମର ଜାଜଇଙ୍କ ବିରୋଧରେ ୧୩-୩ର ବୈଷୟିକ ଶ୍ରେଷ୍ଠତାର ବିଜୟରୁ କରିଥିଲେ। କ୍ୱାର୍ଟର ଫାଇନାଲରେ ସେ ଇରାନର ଅବ୍ୱାସ ଇବ୍ରାହିମଜାଦେସବାଦକୌହିଙ୍କୁ କୌଣସି ପଏଁଟ ନହରାଇ ବୈଷୟିକ ଶ୍ରେଷ୍ଠତା ଆଧାରରେ ପରାସ୍ତ କରିଥିଲେ। ସେମିଫାଇନାଲରେ ସୁଜିତଙ୍କ ସାମ୍ନା ଜାପାନର ଅଲିମ୍ପିକ ଚାମ୍ପିଅନ କୋଟାରୋ କିୟୋକାଙ୍କ ସହ ହୋଇଥିଲା। କଡ଼ା ମୁକାବିଲାରେ ସୁଜିତ ୩-୩ର ସମାନତା ପରେ ମାନଦଣ୍ଡ ଆଧାରରେ ବିଜୟ ହାସଲ କରି ଫାଇନାଲରେ ସ୍ଥାନ ପକ୍କା କରିଥିଲେ।
୨୩ ବର୍ଷୀୟ ସୁଜିତଙ୍କ ପାଇଁ ଏହା ପ୍ରଥମ ଏସିଆଇ ଖେଳ ସ୍ୱର୍ଣ୍ଣ ପଦକ। ସେ ଏସିଆଇ ଖେଳରେ ପୁରୁଷମାନଙ୍କ ୬୫ କିଗ୍ରା ଫ୍ରିଷ୍ଟାଇଲ କୁସ୍ତିରେ ସ୍ୱର୍ଣ୍ଣ ଜିତିଥିବା ଭାରତର ତୃତୀୟ ପହିଲମାନ ହୋଇଛନ୍ତି। ତାଙ୍କ ପୂର୍ବରୁ ଯୋଗେଶ୍ୱର ଦତ ୨୦୧୪ ଏବଂ ବଜରଙ୍ଗ ପୁନିଆ ୨୦୧୮ରେ ଏହି ବର୍ଗରେ ସ୍ୱର୍ଣ୍ଣ ପଦକ ଜିତିଥିଲେ। ଏହା ୨୦୨୬ ଏସିଆଇ ଖେଳରେ କୁସ୍ତିରେ ଭାରତର ପ୍ରଥମ ସ୍ୱର୍ଣ୍ଣ ପଦକ ମଧ୍ୟ ଅଟେ।
-----------------
---------------
ହିନ୍ଦୁସ୍ଥାନ ସମାଚାର / ଗଗନ
