ମୁମ୍ବାଇ, ଅକ୍ଟୋବର ୨ (ହି.ସ.) - ମିଠି ନଦୀରେ ଡେସିଲ୍ଟିଂ ଏବଂ ସଫେଇ କାର୍ଯ୍ୟରେ ଆôର୍ଥକ ଅନିୟମିତତା ଅଭିଯୋଗରେ ଚଳଚ୍ଚିତ୍ର ଅଭିନେତା ଡିନୋ ମୋରିଆଙ୍କୁ ଶୁକ୍ରବାର ଦିନ ମୁମ୍ବାଇ ପୋଲିସର ଅର୍ଥନୈତିକ ଅପରାଧ ଶାଖା (ଇଓଡବ୍ଲୁ) ଦ୍ୱାରା ଗିରଫ କରାଯାଇଛି।

ମୋରିଆଙ୍କ ଆôର୍ଥକ କାରବାର ଏବଂ ମୁଖ୍ୟ ଅଭିଯୁକ୍ତ କେତନ କଦମଙ୍କ ସହ ତାଙ୍କର କଥିତ ଆôର୍ଥକ ସମ୍ପର୍କ ମାମଲାର ତଦନ୍ତ ସମୟରେ ସାମ୍ନାକୁ ଆସିଥିଲା। ଇଓଡବ୍ଲୁ ଟିମ୍ ଏହି ପ୍ରସଙ୍ଗରେ ବିସ୍ତୃତ ତଦନ୍ତ କରୁଛି।

ଏହି ମାମଲାର ତଦନ୍ତ କରୁଥିବା ପୋଲିସ ଅଧିକାରୀ କହିଛନ୍ତି ଯେ ସେମାନେ ପୂର୍ବରୁ ଡିନୋ ମୋରିଆ ଏବଂ ତାଙ୍କ ଭାଇ ସାଂଟିନୋ ମୋରିଆଙ୍କୁ ଅନେକ ଘଂଟା ଧରି ପଚରାଉଚରା କରିଥିଲେ। ତଦନ୍ତ ଏଜେନ୍ସି ଏହି ଯୋଡ଼ିଙ୍କ ସହ ଜଡିତ ଆôର୍ଥକ ନେଣଦେଣ କାଗଜପତ୍ର ଏବଂ ବ୍ୟାଙ୍କ ଆକାଉଂଟ ସୂଚନା ମଧ୍ୟ ଖୋଜି ବାହାର କରିଛି। ପରବର୍ତୀ ସମୟରେ, ମିଠି ନଦୀର ଡେସିଲ୍ଟିଂ କାର୍ଯ୍ୟରେ ପ୍ରାୟ ୬୫ କୋଟି ଟଙ୍କାର ଆôର୍ଥକ ଠକେଇ ହୋଇଥିବା ଅଭିଯୋଗ ହୋଇଛି। ଏହି ମାମଲାରେ ଅନେକ ଠିକାଦାର, ମଧ୍ୟସ୍ଥି ଏବଂ ମୁମ୍ବାଇ ମହାନଗର ନିଗମର ଅଧିକାରୀମାନେ ନଜରରେ ଅଛନ୍ତି। ଏପର?୍ୟ୍ୟନ୍ତ ୧୩ ଜଣଙ୍କ ବିରୋଧରେ ମାମଲା ରୁଜୁ ହୋଇଛି।

ଏପର୍ଯ୍ୟନ୍ତ ଅନୁସନ୍ଧାନରେ ୨୦୧୮ ରୁ ୨୦୨୨ ମଧ୍ୟରେ ଡିନୋ ମୋରିଆ ଏବଂ କେତନ କଦମଙ୍କ ମଧ୍ୟରେ କେତେକ ଆôର୍ଥକ କାରବାରର ଖୁଲାସା ହୋଇଛି। ଅଧିକାରୀଙ୍କ କହିବା ଅନୁଯାୟୀ, ଏହି କାରବାରରେ ଜଡ଼ିତ ପରିମାଣ ୧୪ ରୁ ୧୮ ଲକ୍ଷ ଟଙ୍କା ମଧ୍ୟରେ ଥିଲା। ଅନୁସନ୍ଧାନରୁ ଏହା ମଧ୍ୟ ଜଣାପଡ଼ିଛି ଯେ ମୋରିଆଙ୍କ ଭାଇଙ୍କ ସହ ଜଡିତ ଏକ କମ୍ପାନୀର ବ୍ୟାଙ୍କ ଆକାଉଂଟକୁ କଦମଙ୍କ ତରଫରୁ ୧୮ ଲକ୍ଷ ଟଙ୍କା ସ୍ଥାନାନ୍ତର କରାଯାଇଥିଲା। ଇଓଡବ୍ଲୁଏହି କାରବାର ଏବଂ ମିଠି ନଦୀ ପ୍ରକଳ୍ପ ସହିତ ସେମାନଙ୍କର ସମ୍ଭାବ୍ୟ ସଂଯୋଗ ଅନୁସନ୍ଧାନ କରୁଛି।

ହିନ୍ଦୁସ୍ଥାନ ସମାଚାର / ଭାନୁ ଚରଣ