ଭୁବନେଶ୍ୱର, 30 ଅକ୍ଟୋବର (ହି.ସ.)- ସ୍ୱାମୀ
ଦୟାନନ୍ଦ ସରସ୍ବତୀ ଓ ବୈଜ୍ଞାନିକ ଡ. ହୋମି ଜାହାଙ୍ଗୀର ଭାବାଙ୍କ ସ୍ମୃତିଚାରଣ କରିଛନ୍ତି
ଉପମୁଖ୍ୟମନ୍ତ୍ରୀ କେଭି ସିଂହଦେଓ ।
ମହର୍ଷି ଦୟାନନ୍ଦ ସରସ୍ୱତୀଙ୍କ ପୁଣ୍ୟତିଥି ଅବସରରେ ଏକ
ବାର୍ତ୍ତାରେ କେଭି ସିଂହଦେଓ କହିଛନ୍ତି ଯେ,ଆମେ ଆର୍ଯ୍ୟ ସମାଜର ପ୍ରତିଷ୍ଠାତା ତଥା ‘ଭାରତ ଭାରତୀୟଙ୍କ ପାଇଁ’ ଆହ୍ୱାନ ଦେଇଥିବା ସେହି ଦୂରଦ୍ରଷ୍ଟା ମହାତ୍ମାଙ୍କୁ ଭକ୍ତିପୂତ
ଶ୍ରଦ୍ଧାଞ୍ଜଳି ଅର୍ପଣ କରୁଛୁ। ସେ ବୈଦିକ ସତ୍ୟ, ସାମାଜିକ ସଂସ୍କାର ଏବଂ ଜାତୀୟ ଜାଗରଣର ଜଣେ ମହାନ ପ୍ରବକ୍ତା ଥିଲେ।
ତାଙ୍କର ମହାନ ଆଦର୍ଶ ଓ ଅବଦାନ ଆଜି ମଧ୍ୟ ଆମକୁ ପଥ ପ୍ରଦର୍ଶନ କରୁଛି।
ବୈଜ୍ଞାନିକ ଡ. ହୋମି
ଜାହାଙ୍ଗୀର ଭାବାଙ୍କୁ ଶ୍ରଦ୍ଧାଂଜଳି ଜଣାଇ ସୋସିଆଲ ମିଡିଆ ଏକ୍ସରେ କନକ ବର୍ଦ୍ଧନ ସିଂହଦେଓ
କହିଛନ୍ତି ଯେ, ପଦ୍ମଭୂଷଣ ସମ୍ମାନରେ ସମ୍ମାନିତ ତଥା ‘ଭାରତର ଆଣବିକ କାର୍ଯ୍ୟକ୍ରମର ଜନକ’ ଭାବେ ସୁପରିଚିତ ଡକ୍ଟର ହୋମି ଜାହାଙ୍ଗୀର ଭାବାଙ୍କ ଜନ୍ମବାର୍ଷିକୀ
ଅବସରରେ ଆମେ ଏହି ଦୂରଦ୍ରଷ୍ଟା ପଦାର୍ଥ ବିଜ୍ଞାନୀଙ୍କ ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ
କରୁଛୁ। ସେ ଟାଟା ମୌଳିକ ଗବେଷଣା ପ୍ରତିଷ୍ଠାନ ଏବଂ ଭାବା ପରମାଣୁ ଗବେଷଣା କେନ୍ଦ୍ରର
ପ୍ରତିଷ୍ଠାତା ଥିଲେ। ମହାଜାଗତିକ ରଶ୍ମି, କ୍ୱାଣ୍ଟମ୍ ଇଲେକ୍ଟ୍ରୋଡାଇନାମିକ୍ସ ଏବଂ ବୈଜ୍ଞାନିକ ଅନୁଷ୍ଠାନ ଗଠନ
କ୍ଷେତ୍ରରେ ତାଙ୍କର ଅଗ୍ରଣୀ ଅବଦାନ ଭାରତକୁ ବିଜ୍ଞାନ କ୍ଷେତ୍ରରେ ଆତ୍ମନିର୍ଭରଶୀଳ ହେବାର ପଥ
ଦେଖାଇଥିଲା। ଆଜି ଆମେ କେବଳ ବିଶ୍ୱସ୍ତରୀୟ ଖ୍ୟାତିସମ୍ପନ୍ନ ଜଣେ ବୈଜ୍ଞାନିକଙ୍କୁ ନୁହେଁ, ବରଂ ଜଣେ ରାଷ୍ଟ୍ରନିର୍ମାତାଙ୍କୁ ସ୍ମରଣ କରୁଛୁ, ଯାହାଙ୍କ ଦୂରଦୃଷ୍ଟି ଆଜି ମଧ୍ୟ ପିଢ଼ି ପରେ ପିଢ଼ିକୁ ପ୍ରେରଣା
ଯୋଗାଇ ଆସୁଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
30 Oct 2026
