ନେପାଳକୁ ଉତ୍ତରାଖଣ୍ଡ ଦେଇ ଏୟାର ରୁଟ୍ ଯୋଗାଇବାକୁ ରାଜି ଭାରତ, ବାଲେନ୍ଦ୍ର ଶାହଙ୍କ ଗସ୍ତ ସମୟରେ ହେବ ଚୁକ୍ତି
କାଠମାଣ୍ଡୁ, ୧୮ ନଭେମ୍ବର (ହି.ସ.)। ଦୀର୍ଘ ୧୨ ବର୍ଷରୁ ଅଧିକ ସମୟ ଧରି ଅପେକ୍ଷାରେ ଥିବା ଅତିରିକ୍ତ ବିମାନ ପ୍ରବେଶ ମାର୍ଗ (ଏୟାର ରୁଟ୍) ଯୋଗାଇ ଦେବା ପାଇଁ ଭାରତ ସକାରାତ୍ମକ ମନୋଭାବ ପୋଷଣ କରୁଥିବା ଦେଖାଯାଉଛି। ପ୍ରଧାନମନ୍ତ୍ରୀ ବାଲେନ୍ଦ୍ର ଶାହଙ୍କ ଆଗାମୀ ଭାରତ ଗସ୍ତ ସମୟରେ ନେପାଳ ପକ୍ଷରୁ ଉଠାଯି
नेपाल भारत का हवाई रुट


କାଠମାଣ୍ଡୁ, ୧୮ ନଭେମ୍ବର (ହି.ସ.)। ଦୀର୍ଘ ୧୨ ବର୍ଷରୁ ଅଧିକ ସମୟ ଧରି ଅପେକ୍ଷାରେ ଥିବା ଅତିରିକ୍ତ ବିମାନ ପ୍ରବେଶ ମାର୍ଗ (ଏୟାର ରୁଟ୍) ଯୋଗାଇ ଦେବା ପାଇଁ ଭାରତ ସକାରାତ୍ମକ ମନୋଭାବ ପୋଷଣ କରୁଥିବା ଦେଖାଯାଉଛି। ପ୍ରଧାନମନ୍ତ୍ରୀ ବାଲେନ୍ଦ୍ର ଶାହଙ୍କ ଆଗାମୀ ଭାରତ ଗସ୍ତ ସମୟରେ ନେପାଳ ପକ୍ଷରୁ ଉଠାଯିବାକୁ ଥିବା ପ୍ରମୁଖ ଚୁକ୍ତି ପ୍ରସଙ୍ଗଗୁଡ଼ିକ ମଧ୍ୟରେ ଏୟାର ରୁଟ୍ ମାମଲା ସାମିଲ ହେବା ପ୍ରାୟ ନିଶ୍ଚିତ ବୋଲି ମନେ କରାଯାଉଛି। ପ୍ରଧାନମନ୍ତ୍ରୀ ଶାହ ନଭେମ୍ବର ୨୨ ତାରିଖରେ ଭାରତ ଗସ୍ତରେ ଯିବାକୁ ପ୍ରସ୍ତୁତ ହେଉଛନ୍ତି।

ଏୟାର ରୁଟ୍ ପ୍ରସଙ୍ଗରେ ଆଲୋଚନା କରିବା ପାଇଁ ସଂସ୍କୃତି, ପର୍ଯ୍ୟଟନ ଓ ବେସାମରିକ ବିମାନ ଚଳାଚଳ ମନ୍ତ୍ରଣାଳୟର ଯୁଗ୍ମ ସଚିବ ତଥା ପ୍ରଶାସନ ଓ ଯୋଜନା ବିଭାଗ ମୁଖ୍ୟ ଜୟନାରାୟଣ ଆଚାର୍ଯ୍ୟ, ବୈଦେଶିକ ମନ୍ତ୍ରଣାଳୟର ଯୁଗ୍ମ ସଚିବ ତଥା ଦକ୍ଷିଣ ଏସିଆ ବିଭାଗ ମୁଖ୍ୟ ଗେହେନ୍ଦ୍ର ରାଜଭଣ୍ଡାରୀ ଏବଂ ନେପାଳ ବେସାମରିକ ବିମାନ ଚଳାଚଳ ପ୍ରାଧିକରଣର ମହାନିର୍ଦ୍ଦେଶକ ମୁକେଶ ଡଙ୍ଗୋଲ ନୂଆଦିଲ୍ଲୀ ଗସ୍ତ କରିଥିଲେ। ନେପାଳ ବିଶେଷ କରି ଭୈରହୱା, ନେପାଳଗଞ୍ଜ, ମହେନ୍ଦ୍ରନଗର ଏବଂ ଜନକପୁର ପାଇଁ ଅତିରିକ୍ତ ବିମାନ ପ୍ରବେଶ ମାର୍ଗ ଯୋଗାଇ ଦେବାକୁ ଭାରତ ନିକଟରେ ଦାବି କରିଆସୁଛି।

ନିକଟରେ ନୂଆଦିଲ୍ଲୀରେ ହୋଇଥିବା ଆଲୋଚନା ପରେ ଉତ୍ତରାଖଣ୍ଡର ବନବାସା ଦେଇ ନେପାଳର ମହେନ୍ଦ୍ରନଗର ମାର୍ଗରେ ବିମାନଗୁଡ଼ିକୁ ପ୍ରବେଶ ଅନୁମତି ଦେବା ପାଇଁ ଭାରତ ସକାରାତ୍ମକ ମନୋଭାବ ଦେଖାଇଛି। ନୂଆଦିଲ୍ଲୀରୁ ଫେରିବା ପରେ ମହାନିର୍ଦ୍ଦେଶକ ଡଙ୍ଗୋଲ କହିଛନ୍ତି, “ଆଲୋଚନା ବେଶ୍ ସକାରାତ୍ମକ ରହିଥିଲା। ଆମେ ଆମର ଆବଶ୍ୟକତା ଏବଂ ବୈଷୟିକ ଦିଗଗୁଡ଼ିକ ଉପରେ ଆଲୋଚନା କରିଛୁ। ଏ ସମ୍ପର୍କରେ ଉଚ୍ଚସ୍ତରୀୟ ଆଲୋଚନା ପରେ ନିଷ୍ପତ୍ତି ନିଆଯିବ। ମହେନ୍ଦ୍ରନଗର ଦେଇ ଏୟାର ରୁଟ୍ ଯୋଗାଇବା ପ୍ରସଙ୍ଗରେ ଭାରତୀୟ ପକ୍ଷ ବେଶ୍ ସକାରାତ୍ମକ ମନୋଭାବ ପୋଷଣ କରିଛନ୍ତି।”

ହିନ୍ଦୁସ୍ଥାନ ସମାଚାର / ସ୍ୱାଗତିକା


 rajesh pande