ବିଧାନସଭା ଅପରାହ୍ନ 4ଟା ଯାଏ ମୁଲତବୀ
ଭୁବନେଶ୍ୱର, 18 ନଭେମ୍ବର (ହି.ସ.) ଆଜି ବିଧାନସଭାର ଶୀତକାଳୀନ ଅଧିବେଶନର ପ୍ରଥମ ଦିନରୁ ହଟ୍ଟଗୋଳ ଦେଖା ଦେଇଛି । ବିରୋଧୀ ଦଳ ବିଧାୟକ ମାନଙ୍କର ହଟ୍ଟଗୋଳ କାରଣରୁ ଆଜି ଗୃହରେ ନିର୍ଧାରିତ ପ୍ରଶ୍ନକାଳ ଓ ଶୂନ୍ୟକାଳ କାର୍ଯ୍ୟକ୍ରମ ହୋଇ ପାରି ନାହିଁ। ହଟ୍ଟଗୋଳ
ବିଧାନସଭା ଅପରାହ୍ନ 4ଟା ଯାଏ     ମୁଲତବୀ


ଭୁବନେଶ୍ୱର, 18

ନଭେମ୍ବର (ହି.ସ.) ଆଜି ବିଧାନସଭାର ଶୀତକାଳୀନ

ଅଧିବେଶନର ପ୍ରଥମ ଦିନରୁ ହଟ୍ଟଗୋଳ ଦେଖା ଦେଇଛି । ବିରୋଧୀ ଦଳ ବିଧାୟକ ମାନଙ୍କର ହଟ୍ଟଗୋଳ

କାରଣରୁ ଆଜି ଗୃହରେ ନିର୍ଧାରିତ ପ୍ରଶ୍ନକାଳ ଓ ଶୂନ୍ୟକାଳ କାର୍ଯ୍ୟକ୍ରମ ହୋଇ ପାରି ନାହିଁ।

ହଟ୍ଟଗୋଳ କାରଣରୁ ବାଚସ୍ପତି ସୁରମା ପାଢୀ ଗୃହକୁ ଅପରାହ୍ନ 4ଟା ଯାଏ ମୁଲତବୀ ଘୋଷଣା

କରିଛନ୍ତି ।

ଆଜି ଅଧିବେଶନ ଆରମ୍ଭ ହେବା

ପରେ ପ୍ରଥମେ ଶୋକ ପ୍ରସ୍ତାବ ପାରିତ ହୋଇଥିଲା । ଶୋକ ପ୍ରସ୍ତାବ ସୁରୁଖୁରୁରେ ପାରିତ ହେବା ପରେ

ବାଚସ୍ପତି ପ୍ରଶ୍ନକାଳ ଆରମ୍ଭ କରିବାକୁ ଚାହିଁଥିଲେ । ପ୍ରଥମେ ସେ ଖାଦ୍ୟ ଯୋଗାଣ ଓ ଖାଉଟି

କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କୁ ଉତ୍ତର ଦେବାକୁ ଡାକିଥିଲେ । ତେବେ ବିରୋଧୀ ବିଜେଡି

ଓ କଂଗ୍ରେସର ବିଧାୟକ ମାନେ ଗୃହର ମଧ୍ୟ ଭାଗକୁ ଆସି ନାବାବାଜୀ କରିବା ଆରମ୍ଭ କରି ଦେଇଥିଲେ ।

କଂଗ୍ରେସ ବିଧାୟକ ମାନେ କୋଟିଆ ପ୍ରସଙ୍ଗରେ ରାଜ୍ୟ ସରକାରଙ୍କୁ ଘେରିବାକୁ ଉଦ୍ୟମ କରିଥିବା ବେଳେ

ବିଜେଡି ବିଧାୟକ ମାନେ ବନ୍ୟା ମୁକାବିଲାରେ ରାଜ୍ୟ ସରକାର ବିଫଳ ହୋଇଥିବା ଅଭିଯୋଗ କରି

ନାରାବାଜୀ କରିଥିଲେ । କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ସଚିବଙ୍କ ଟେବୁଲ ଉପରେ ଚଢି

ଯାଇ ନାରାବାଜୀ କରୁଥିବା ଦେଖିବାକୁ ମିଳିଥିଲା । ଉଭୟ ବିରୋଧୀ ଦଳର ବିଧାୟକ ମାନଙ୍କ ହାତରେ

ପ୍ଲାକାର୍ଡ ଥିଲା । ବାଚସ୍ପତି ହଟ୍ଟଗୋଳ କରୁଥିବା ବିଧାୟକ ମାନଙ୍କୁ ଗୃହ କାର୍ଯ୍ୟରେ ସହଯୋଗ

କରିବାକୁ ବାରମ୍ବାର ନିବେଦନ କରିଥିଲେ । ହେଲେ ଏହାର କୌଣସି ପ୍ରକାର ପ୍ରଭାବ ବିରୋଧୀ ବିଧାୟକ

ମାନଙ୍କ ଉପରେ ପ଼଼ଡି ନ ଥିଲା । ତେଣୁ ଶେଷରେ ବାଚସ୍ପତି ଶ୍ରୀମତୀ ସୁରମା ପାଢୀ ଗୃହକୁ ଅପରାହ୍ନ

4ଟା ଯାଏ

ମୁଲତବୀ ରହିଲା ବୋଲି ଘୋଷଣା କରିଥିଲେ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା


 rajesh pande