ନୂଆଦିଲ୍ଲୀ, 24 ଫେବ୍ରୁଆରି (ହି.ସ.)- ପ୍ରଧାନମନ୍ତ୍ରୀ

ନରେନ୍ଦ୍ର ମୋଦି ମଙ୍ଗଳବାର ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜେ. ଜୟଲଳିତାଙ୍କ ଜୟନ୍ତୀ

ଅବସରରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ପ୍ରଧାନମନ୍ତ୍ରୀ ତାଙ୍କୁ ଜଣେ ଚମତ୍କାର ନେତୃତ୍ୱ ଓ

ଉତ୍କୃଷ୍ଟ ପ୍ରଶାସକ ଭାବେ ସ୍ମରଣ କରିଛନ୍ତି।

ପ୍ରଧାନମନ୍ତ୍ରୀ ମୋଦି

ଏକ୍ସ ପୋଷ୍ଟରେ ତାମିଲନାଡୁର ମୁଖ୍ୟମନ୍ତ୍ରୀ ଭାବେ ଜେ. ଜୟଲଳିତାଙ୍କ ପରିବର୍ତ୍ତନଶୀଳ

କାର୍ଯ୍ୟକାଳର ଉଲ୍ଲେଖ କରି କହିଛନ୍ତି ଯେ ସେ ମହିଳା ସଶକ୍ତିକରଣ, ସାମାଜିକ ନ୍ୟାୟ ଓ ସମାବେଶୀ ଉନ୍ନତି ଉପରେ ଦୃଢ଼ ଗୁରୁତ୍ୱ ଦେଇ

କଳ୍ୟାଣମୂଳକ ଶାସନକୁ ଶକ୍ତିଶାଳୀ ସମର୍ଥନ ଦେଇଥିଲେ।

ପ୍ରଧାନମନ୍ତ୍ରୀ ତାଙ୍କ

ସହିତ ହୋଇଥିବା ସାକ୍ଷାତକାରଗୁଡ଼ିକୁ ମଧ୍ୟ ସ୍ମରଣ କରିଥିଲେ। ଏହି ମାସର ‘ମନ କି ବାତ’ କାର୍ଯ୍ୟକ୍ରମରେ ମଧ୍ୟ ସେ ତାଙ୍କ ଜୀବନ ଓ କାର୍ଯ୍ୟ ସମ୍ବନ୍ଧରେ ନିଜ

ଭାବନା ସେୟାର କରିଥିଲେ।

ପ୍ରଧାନମନ୍ତ୍ରୀ ମୋଦୀ

ଏକ୍ସରେ ଲେଖିଛନ୍ତି, “ଜୟଲଳିତାଙ୍କ ଜୟନ୍ତୀରେ ତାଙ୍କୁ ସ୍ମରଣ କରୁଛି। ସେ ଜଣେ ଚମତ୍କାର ନେତୃତ୍ୱ ଓ ଉତ୍କୃଷ୍ଟ

ପ୍ରଶାସକ ଭାବେ ଅସଂଖ୍ୟ ଲୋକଙ୍କ ହୃଦୟ ଓ ମନରେ ସ୍ଥାନ ସୃଷ୍ଟି କରିଛନ୍ତି। ତାଙ୍କ ଜୀବନ ଅଦମ୍ୟ

ସାହସ ଓ ଦୃଢ଼ ସଂକଳ୍ପରେ ପୂର୍ଣ୍ଣ ଥିଲା। ତାମିଲନାଡୁର ମୁଖ୍ୟମନ୍ତ୍ରୀ ଭାବେ ସେ ମହିଳା

ସଶକ୍ତିକରଣ, ସାମାଜିକ

ନ୍ୟାୟ ଓ ସମାବେଶୀ ଉନ୍ନତିକୁ ଗୁରୁତ୍ୱ ଦେଇ କଳ୍ୟାଣମୂଳକ ଶାସନକୁ ନେତୃତ୍ୱ ଦେଇଥିଲେ। ସେ

କରୁଣାମୟୀ ଓ ଦୃଢ଼ସଙ୍କଳ୍ପ ନେଉଥିବା ବ୍ୟକ୍ତିତ୍ୱ ଥିଲେ। ତାଙ୍କ ସହିତ ହୋଇଥିବା

ସାକ୍ଷାତକାରଗୁଡ଼ିକୁ ସ୍ମରଣ କରି ମୋତେ ବହୁତ ଆନନ୍ଦ ଲାଗେ।”

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା