ୱାଶିଂଟନ, 25 ଫେବ୍ରୁଆରି (ହି.ସ.)- ମଧ୍ୟାବଧି

ନିର୍ବାଚନ ପୂର୍ବରୁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପମଙ୍ଗଳବାର ରାତିରେ “ଷ୍ଟେଟ୍ ଅଫ୍ ଦି ୟୁନିଅନ୍”କୁଉଦ୍ବୋଧନ ଦେଇଛନ୍ତି। ଏହି ଅବସରରେ ଟ୍ରମ୍ପ ତାଙ୍କ ଏକ ବର୍ଷର

ଶାସନକାଳର ସଫଳତାଗୁଡ଼ିକୁ ଉଲ୍ଲେଖ କରିଥିଲେ ଏବଂ ଭବିଷ୍ୟତ ନୀତି ଓ ଯୋଜନାଗୁଡ଼ିକୁ ସେୟାର

କରିଥିଲେ। ସେ କହିଥିଲେ, “ଏହା ଦେଶର ସ୍ୱର୍ଣ୍ଣଯୁଗ। ଏତେ ଭଲ ସମୟ ପୂର୍ବରୁ କେବେ ହୋଇନଥିଲା।”

ରାଷ୍ଟ୍ରପତି ଟ୍ରମ୍ପ

କହିଥିଲେ ଯେ ଆମେରିକାର ସ୍ୱାଧୀନତାର ୨୫୦ ବର୍ଷ ପୂର୍ଣ୍ଣ ହେବାକୁ ଯାଉଛି। ବିଶ୍ୱରେ ଆମେରିକା

ପରି କୌଣସି ଦେଶ ନାହିଁ। ସୀମାଗୁଡ଼ିକୁ ସୁରକ୍ଷିତ କରାଯାଇଛି ଏବଂ ଅନୁପ୍ରବେଶରେ ରୋକ

ଲଗାଯାଇଛି। ଏହି ସମୟରେ ଡେମୋକ୍ରାଟ୍ ସାଂସଦମାନେ ଟ୍ରମ୍ପଙ୍କ ଭାଷଣର ବିରୋଧରେ ସଦନ ଛାଡ଼ି

ବାହାରିଯାଇଥିଲେ। ଏହାର ଉତ୍ତରରେ ରିପବ୍ଲିକାନ୍ ସାଂସଦମାନେ ନାରାବାଜି କରିଥିଲେ।

ସିବିଏସ ନ୍ୟୁଜରିପୋର୍ଟ ଅନୁସାରେ, ଡୋନାଲ୍ଡ ଟ୍ରମ୍ପତାଙ୍କ ଦ୍ୱିତୀୟ କାର୍ଯ୍ୟକାଳର ପ୍ରଥମ ଔପଚାରିକ “ଷ୍ଟେଟ୍ ଅଫ୍ ଦି ୟୁନିଅନ୍”କୁଉଦ୍ବୋଧନ ୟୁନାଇଟେଡ ଷ୍ଟେଟସ କ୍ୟାପିଟାଲର ହାଉସ୍ ଚେମ୍ବରରେ

ଦେଇଥିଲେ। ରାଷ୍ଟ୍ରପତି କହିଥିଲେ ଯେ ଆମେରିକାରେ ଅପରାଧ କମିଛି ଏବଂ ଏକ ବର୍ଷରେ ସମଗ୍ର ଦେଶ

ପରିବର୍ତ୍ତିତ ହୋଇଯାଇଛି। ସେ କହିଥିଲେ ଯେ ଏପରି କାମ ପୂର୍ବରୁ କେହି କରିନଥିଲେ। ମହଙ୍ଗା

ନିୟନ୍ତ୍ରଣରେ ଆସିଛି, ଲୋକମାନଙ୍କ ଆୟ ବଢ଼ିଛି ଏବଂ ଅର୍ଥନୀତି ଆହୁରି ସୁଦୃଢ଼ ହେଉଛି। ଶତ୍ରୁମାନେ ଭୟଭୀତ

ହୋଇପଡ଼ିଛନ୍ତି। ସେ ଦାବି କରିଥିଲେ ଯେ ଗତ ନଅ ମାସରେ ଗୋଟିଏ ମଧ୍ୟ ବେଆଇନ ଅନୁପ୍ରବେଶ ଘଟଣା

ଘଟିନାହିଁ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା