ନୂଆ ଦିଲ୍ଲୀ, ୨୬ ଫେବୃଆରୀ (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ଦିନ ମହାନ ବିପ୍ଳବୀ ବିନାୟକ ଦାମୋଦର ସାଭରକରଙ୍କ ପୁଣ୍ୟତିଥିରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ଭାରତ ମାତାର ପରିଶ୍ରମୀ ପୁତ୍ର ବୀର ସାଭରକରଙ୍କ ଜୀବନ ଆମକୁ ପ୍ରତିକୂଳ ପରିସ୍ଥିତିରେ ମଧ୍ୟ ଆମର ସଂକଳ୍ପରେ ସ୍ଥିର ରହିବାକୁ ପ୍ରେରଣା ଦିଏ।ପ୍ରଧାନମନ୍ତ୍ରୀ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ବାର୍ତ୍ତା ଦେଇ କହିଛନ୍ତି ଯେ ସାବରକରଙ୍କ ସାହସ, ଏବଂ ମାତୃଭୁମି ପ୍ରତି ସମର୍ପଣ ଭାବ ସବୁବେଳେ ଦେଶବାସୀଙ୍କ ପଥପ୍ରଦର୍ଶନ କରିବ।ସେ ସଂସ୍କୃତର ଏକ ଶ୍ଲୋକ ଉଦ୍ଧୃତ କରି କହିଛନ୍ତି ଯେ

“ଧୀରଃ ଶୋକମ୍ ତରିଷ୍ୟନ୍ତି ଲଭନ୍ତେ ସିଦ୍ଧିମୁତ୍ତମମ୍। ଧୀରୈଃ ସମ୍ପ୍ରାପ୍ୟତେ ଲକ୍ଷ୍ମୀର୍ଧୈର୍ୟ୍ୟମ୍ ସର୍ବତ୍ର ସାଧନମ୍।”ଅର୍ଥ) ଜଣେ ଧୈର୍ଯ୍ୟବାନ ବ୍ୟକ୍ତି ଦୁଃଖ ଏବଂ କଷ୍ଟକୁ ଦୂର କରି ମହାନ ସଫଳତା ହାସଲ କରନ୍ତି। ସମୃଦ୍ଧି (ଲକ୍ଷ୍ମୀ) କେବଳ ଧୈର୍ଯ୍ୟ ଦ୍ୱାରା ହାସଲ ହୁଏ। ଅର୍ଥାତ୍, ଧୈର୍ଯ୍ୟ ହେଉଛି ସବୁଠି ଏବଂ ପ୍ରତ୍ୟେକ କାର୍ଯ୍ୟରେ ସଫଳତାର ଚାବିକାଠି।ପ୍ରଧାନମନ୍ତ୍ରୀ କହିଛନ୍ତି ଯେ ବୀର ସାଭରକର ଦେଶକୁ ଦାସତ୍ୱର ଶୃଙ୍ଖଳରୁ ମୁକ୍ତ କରିବା ପାଇଁ ତାଙ୍କ ଜୀବନ ଉତ୍ସର୍ଗ କରିଥିଲେ। ତାଙ୍କର ବ୍ୟକ୍ତିତ୍ୱ ଏବଂ କାର୍ଯ୍ୟ ପ୍ରତ୍ୟେକ ପିଢ଼ିକୁ ରାଷ୍ଟ୍ର ସେବା କରିବା ପାଇଁ ପ୍ରେରଣା ଦେଇ ଚାଲିବ।

---------------

ହିନ୍ଦୁସ୍ଥାନ ସମାଚାର / ରଶ୍ମିତା