ସୁରତ, ୨୭ ଫେବୃଆରୀ (ହି.ସ.)- ଗୁରୁବାର ଦିନ ସୁରତର ହଜିରା ସ୍ଥିତ ଏଏମ/ଏନ ଏସ କମ୍ପାନୀରେ ଘଟିଥିବା ହିଂସାତ୍ମକ ଘଟଣା ପରେ, ଶୁକ୍ରବାର ସକାଳଠାରୁ ସମଗ୍ର ହଜିରା ଅଂଚଳ ପୋଲିସ ଛାଉଣୀରେ ପରିଣତ ହୋଇଛି । ଏଲ-ଆଣ୍ଡ-ଟି ର ଠିକା କର୍ମଚାରୀଙ୍କ ପଥର ମାଡ଼ ଏବଂ ଭଙ୍ଗାରୁଜା ପରେ, ପୋଲିସ ଯେକୌଣସି ଅପ୍ରୀତିକର ଘଟଣା ରୋକିବା ପାଇଁ ସମ୍ପୂର୍ଣ୍ଣ ସତର୍କ ରହିଛି । ବରିଷ୍ଠ ପୋଲିସ ଅଧିକାରୀଙ୍କ ନେତୃତ୍ୱରେ ସମସ୍ତ ଶିଳ୍ପ ୟୁନିଟ୍ ରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ଏବଂ ସଘନ କମ୍ବିଂ ଅପରେସନ୍ ଚାଲିଛି ।

ଏପରିକି ପୁଣି ଏକାଠି ହୋଇଥିବା ଶ୍ରମିକମାନଙ୍କୁ ପୋଲିସ ତୁରନ୍ତ ଘଉଡ଼ାଇ ଦେଇଥିଲା । ଗୁରୁବାର ଘଟଣାର ପ୍ରଭାବ ଶୁକ୍ରବାର ସକାଳେ ମଧ୍ୟ ଅନୁଭୂତ ହୋଇଥିଲା । ପୋଲିସର ସୂଚନା ଅନୁଯାୟୀ, ୫୦ ରୁ ଅଧିକ ଏଲଆଣ୍ଡଟି ଠିକା ଶ୍ରମିକ ପୁଣି ଏକାଠି ହୋଇଥିଲେ । ତଥାପି, ସେଠାରେ ନିୟୋଜିତ ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ସମସ୍ତଙ୍କୁ ଘଟଣାସ୍ଥଳରୁ ହଟାଇ ପରିସ୍ଥିତିକୁ ନିୟନ୍ତ୍ରଣକୁ ଆଣିଥିଲା ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ