ଜମ୍ମୁ, 01 ମାର୍ଚ୍ଚ (ହି.ସ.)- ଜମ୍ମୁ-କାଶ୍ମୀରର

ପୁଞ୍ଛ ଜିଲ୍ଲାରେ ଆଜି ସକାଳେ ନିୟନ୍ତ୍ରଣ ରେଖା (ଏଲଓସି) ପାର୍ କରି ଭାରତୀୟ ସୀମାଭିତରକୁ

ପ୍ରବେଶ କରୁଥିବା ପାକିସ୍ତାନର ଗୋଟିଏ ଡ୍ରୋନ୍କୁ ମାରି ଖସାଇବା ପାଇଁ ସେନା ଯବାନମାନେ ଗୁଳିବର୍ଷା

କରିଥିଲେ।ଅଧିକାରୀମାନେ କହିଛନ୍ତି ଯେ

ଡ୍ରୋନ୍ଟି କିଛି ସମୟ ଦିଗୱାର ଅଞ୍ଚଳରେ ବୁଲିବା ପରେ ପାକିସ୍ତାନ ଅଧିକୃତ କାଶ୍ମୀର (ପିଓକେ) କୁ

ଫେରିଯାଇଥିଲା। ଗତ ତିନି ଦିନରେ ଏହା ଦ୍ୱିତୀୟ ଘଟଣା, ଯେତେବେଳେ

ସୀମାପାରରୁ ଡ୍ରୋନ୍ ଚଳଚଳାହଟ ଚିହ୍ନଟ ହେବା ପରେ ସେନା ଗୁଳିବର୍ଷା କରିଛି।

ଅଧିକାରୀମାନେ କହିଛନ୍ତି ଯେ

ଆଗ୍ରଚୌକୀରେ ମୁତୟନ ଥିବା ସେନା ସକାଳ ପ୍ରାୟ ୬ଟା ୧୦ ମିନିଟ୍ ସମୟରେ ଶତ୍ରୁ ଡ୍ରୋନ୍କୁ

ଦେଖିଥିଲେ ଏବଂ ତାହାକୁ ଖସାଇବା ପାଇଁ ଏକ ଡଜନ୍ରୁ ଅଧିକ ଗୁଳି ଚଳାଇଥିଲେ। କିନ୍ତୁ ଡ୍ରୋନ୍ଟି

ଗୁଳିରୁ ବଞ୍ଚି ତୁରନ୍ତ ଫେରିଯାଇଥିଲା। ଅଧିକାରୀମାନେ କହିଛନ୍ତି ଯେ ଡ୍ରୋନ୍ରୁ କୌଣସି ଅସ୍ତ୍ର

କିମ୍ବା ମାଦକ ପଦାର୍ଥ ଫିଙ୍ଗାଯାଇନଥିବାକୁ ନିଶ୍ଚିତ କରିବା ପାଇଁ ଏକ ତଲାଶି ଅଭିଯାନ ଆରମ୍ଭ

କରାଯାଇଛି। ୨୭ ଫେବୃଆରୀରେ ମଧ୍ୟ ଏହି ଅଞ୍ଚଳରେ ସେନା ଗୋଟିଏ ପାକିସ୍ତାନୀ ଡ୍ରୋନ୍ ଉପରେ ଗୁଳିବର୍ଷା

କରିଥିଲେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା