ମାଲକାନଗିରି, ୧୨ ମାର୍ଚ୍ଚ (ହି.ସ.) - ରାଜ୍ୟ ବାର୍ କାଉନସିଲ ତରଫରୁ ସାରା ରାଜ୍ୟର ପଞ୍ଜିକୃତ ବାର୍ ମାନଙ୍କରେ ନିର୍ବାଚନ ପାଇଁ ମାର୍ଚ୍ଚ ୨୮ ତାରିଖ ଧାର୍ଯ୍ୟ ହୋଇଥିଲା । ଏହି ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ ମାର୍ଚ୍ଚ ୭ ରୁ ୯ ତାରିଖ ଥିଲା । ପ୍ରାର୍ଥୀପତ୍ର ଦାଖଲର ଶେଷ ତାରିଖ ୯ ତାରିଖ ସୁଦ୍ଧା ସଭାପତି, ଉପସଭାପତି, ସମ୍ପାଦକ, ସହ ସମ୍ପାଦକ, କୋଷାଧ୍ୟକ୍ଷ, ଓ ଛଅଜଣ ଏଗ୍ଜିକ୍ୟୁଟିଭ୍ ବଡି ମେମ୍ବର ପାଇଁ ସମସ୍ତ ପଦବି ପାଇଁ ଜଣେ ଜଣେ ପ୍ରାର୍ଥୀ ପତ୍ର ଦାଖଲ କରିଥିଲେ । ୧୧ ତାରିଖ ଦିନ ପ୍ରାର୍ଥୀ ପତ୍ର ଯାଂଚ ପ୍ରକ୍ରିୟା ଥିବା ବେଳେ ୧୨ ତାରିଖ ରେ ନାମାଙ୍କନ ପତ୍ର ଯାଂଚର ଫଳାଫଳ ନିର୍ବାଚନ ଅଧିକାରୀ ରଥିକୃଷ୍ଣ ପାତ୍ର ଘୋଷଣା କରିଥିଲୋ ତାଙ୍କ ପତ୍ର ସଂଖ୍ୟା ୦୬ /୨୬ରେ ସମସ୍ତ ପ୍ରାର୍ଥୀ ପତ୍ର କାୟମ ଥିବା ଜଣାଇଥିଲୋ ଉକ୍ତ ପ୍ରାର୍ଥୀପତ୍ର ଯାଂଚ ଫଳାଫଳ ଅନୁ ଯାୟୀ ସଭାପତି ଭାବେ ପ୍ରିତପଲ ସିଂ, ଉପସଭାପତି ଭାବେ ସରୋଜ କୁମାର ମହାନ୍ତି, ସମ୍ପାଦକ ଭାବେ ନୃସିଂହ ଚରଣ ମହାନ୍ତି, ସହ ସମ୍ପାଦକ ଭାବେ ସାଗର ପାଣିଗ୍ରାହି, କୋଷାଧକ୍ଷ ଭାବେ ବିଭୁ ଆସିଦାନ ସଗରିଆ ଓ ଏଗ୍ଜିକ୍ୟୁଟିଭ ବଡି ମେମ୍ବର ଭାବେ ଜୟନ୍ତୀ ବିଶ୍ୱାସ, ନିଳକଣ୍ଠ ବିଶ୍ୱାସ, ରୁମ୍ପା ଦେବନାଥ, ଶୈଳବାଳା ପଣ୍ଡା, ନରେନ୍ଦ୍ର କୁମାର ଛତ୍ରି, ରମେଶ ଦୁଆରି ବିନା ପ୍ରତିଦ୍ୱନ୍ଦିରେ ନିର୍ବାଚିତ ହୋଇଛନ୍ତି । ତେବେ ରାଜ୍ୟ ବାର କାଉନସିଲର ନିର୍ଦେଶ ଅନୁଯାୟୀ ଆସନ୍ତା ମାର୍ଚ୍ଚ ୨୮ ତାରିଖ ଦିନ ନିର୍ବାଚନ ହେବାକୁ ଥିବା ବେଳେ ମାଲକାନଗିରି ଜିଲ୍ଲା ବାର ଆସୋସିଏସନର ସମସ୍ତ ନିର୍ବାଚିତ ପ୍ରାର୍ଥୀ ମାନଙ୍କ ନାମ ଘୋଷଣା କରା ଯିବ ବୋଲି ନିର୍ବାଚନ ଅଧିକାରୀ ଶ୍ରୀ ପାତ୍ର ସୂଚନା ଦେଇଛନ୍ତିା ଆଜି ନାମାଙ୍କନ ପତ୍ର ଯାଂଚ ଫଳାଫଳ ବାହାରିବା ପରେ ବାର୍ ର ସମସ୍ତ ସଦସ୍ୟ, ବରିଷ୍ଠ ଆଇନଜୀବି ସମେତ ନୂତନ ନିର୍ବାଚିତ ପ୍ରତିନିଧି ମାନଙ୍କୁ ଫୁଲମାଳ ଦେଇ ସ୍ୱାଗତ କରିଥିଲେ ଏବଂ ଯେହେତୁ ଏକ ବର୍ଷିଆ ନିର୍ବାଚନ କରିବା ପାଇଁ ବାର କାଉନସିଲ ନିର୍ଦେଶ ଦେଇଛନ୍ତି ମାଲକାନଗିରିରେ ଚଳିତ ବର୍ଷ ନିର୍ବାଚନ ପ୍ରତିଦ୍ୱନ୍ଦିତା ନ ହୋଇ ଆପସ ବୁଝାମଣାରେ ବିନା ପ୍ରତିଦ୍ୱନ୍ଦିରେ ହୋଇଥିବାରୁ ବାର୍ ର ଉନ୍ନତି ଓ ଆଇନଜୀବି ମାନଙ୍କର ସୁରକ୍ଷା ଏବଂ ସମସ୍ତ ସୁବିଧା ଓ ଅସୁବିଧା ଭଲରେ ହୋଇପାରିବ ବୋଲି ବରିଷ୍ଠ ଆଇନଜୀବି ମାନେ ପ୍ରକାଶ କରିଛନ୍ତି ।
ହିନ୍ଦୁସ୍ଥାନ ସମାଚାର / ଶିବବ୍ରତ
