ନୂଆଦିଲ୍ଲୀ,୧୨ ମାର୍ଚ୍ଚ (ହି.ସ.): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର (୧୩-୧୪ ମାର୍ଚ୍ଚ) ପର୍ଯ୍ୟନ୍ତ ଆସାମ ଏବଂ ପଶ୍ଚିମବଙ୍ଗକୁ ଦୁଇ ଦିନିଆ ଗସ୍ତରେ ଯିବେ। ଏହି ଗସ୍ତ ସମୟରେ, ପ୍ରଧାନମନ୍ତ୍ରୀ ଆସାମରେ ୪୭,୬୦୦ କୋଟି ଟଙ୍କା ଏବଂ ପଶ୍ଚିମବଙ୍ଗରେ ୧୮,୬୮୦ କୋଟି ଟଙ୍କା ମୂଲ୍ୟର ବିଭିନ୍ନ ବିକାଶମୂଳକ ପ୍ରକଳ୍ପର ଉଦଘାଟନ ଏବଂ ଭିତିପ୍ରସ୍ତର ସ୍ଥାପନ କରିବେ।
ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଅନୁଯାୟୀ, ପ୍ରଧାନମନ୍ତ୍ରୀ ଶୁକ୍ରବାର ଆସାମରେ ପହଂଚିବେ, ଯେଉଁଠାରେ ସେ ୪୭,୬୦୦ କୋଟି ଟଙ୍କାରୁ ଅଧିକ ମୂଲ୍ୟର ଅନେକ ବିକାଶମୂଳକ ପ୍ରକଳ୍ପର ଉଦଘାଟନ କରିବେ। ପ୍ରଧାନମନ୍ତ୍ରୀ କୋକ୍ରାଝାରରେ ଅପରାହ୍ନ ୧:୩୦ ରେ, ଗୌହାଟୀରେ ଅପରାହ୍ନ ୫ ଟାରେ ଏବଂ ସିଲଚରରେ ସକାଳ ୧୦:୪୫ ରେ ଅନେକ ପ୍ରକଳ୍ପର ଭିତିପ୍ରସ୍ତର ସ୍ଥାପନ କରିବେ।
ଏହା ବ୍ୟତୀତ, ପ୍ରଧାନମନ୍ତ୍ରୀ ଶନିବାର ଅପରାହ୍ନ ୨ ଟାରେ କୋଲକାତାରେ ଅମୃତ ଭାରତ ଷ୍ଟେସନ ଯୋଜନା ଅଧୀନରେ ପୁନଃବିକଶିତ ଛଅଟି ପ୍ରମୁଖ ରେଳ ଷ୍ଟେସନର ଉଦଘାଟନ କରିବେ। ଏହି ପ୍ରକଳ୍ପଗୁଡ଼ିକ କେବଳ ସଂଯୋଗୀକରଣକୁ ସୁଗମ କରିବ ନାହିଁ ବରଂ ଜାହାଜ ଚଳାଚଳ ଏବଂ ରେଳବାଇ କ୍ଷେତ୍ରରେ ଭାରତର କ୍ଷମତାକୁ ମଧ୍ୟ ପ୍ରଦର୍ଶନ କରିବ। ଏହି ପଦକ୍ଷେପଗୁଡ଼ିକ ପଶ୍ଚିମବଙ୍ଗ ଏବଂ ପୂର୍ବ ଭାରତରେ ଭିତିଭୂମିକୁ ସୁଦୃଢ଼ କରିବା, ସଂଯୋଗୀକରଣ ବୃଦ୍ଧି କରିବା ଏବଂ ଆର୍ôଥକ ଅଭିବୃଦ୍ଧିକୁ ତ୍ୱରାନ୍ୱିତ କରିବା ପାଇଁ ସରକାରଙ୍କ ନିରନ୍ତର ପ୍ରତିବଦ୍ଧତାକୁ ପ୍ରତିଫଳିତ କରେ।
-------------
---------------
ହିନ୍ଦୁସ୍ଥାନ ସମାଚାର / ଗଗନ
