ଭୁବନେଶ୍ୱର, ୧୩ ମାର୍ଚ୍ଚ (ହି.ସ)- ମହିଳା ଓ ଶିଶୁ ବିକାଶ ବିଭାଗର ଅଧିକାରୀ ଏବଂ କର୍ମଚାରୀମାନଙ୍କ ପାଇଁ ପ୍ରମ୍ପ୍ଟ ଇଞ୍ଜିନିୟରିଂ, ଡାଟା ଆନାଲିଟିକ୍ସ ଏବଂ ଏଆଇ ମାଧ୍ୟମରେ ପିପିଟି ପ୍ରସ୍ତୁତି, ବିଭିନ୍ନ ଏଆଇ ମଡେଲ ବ୍ୟବହାର କରି ଗଭୀର ଅନୁସନ୍ଧାନ ଶୀର୍ଷକ ଏକ ପ୍ରଶିକ୍ଷଣ କାର୍ଯ୍ୟକ୍ରମ ଶୁକ୍ରବାର ଲକ୍ଷ୍ମୀସାଗର, ଭୁବନେଶ୍ୱରସ୍ଥିତ ରାଜ୍ୟ ମହିଳା ଓ ଶିଶୁ ପ୍ରତିଷ୍ଠାନ ଠାରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ମହିଳା ଓ ଶିଶୁ ବିକାଶ ବିଭାଗର ନିର୍ଦ୍ଦେଶିକା ଶ୍ରୀମତୀ ମୋନିଷା ବାନାର୍ଜୀଙ୍କ ସମେତ ପ୍ରାୟ ୧୦୦ ଜଣ ଅଧିକାରୀ ଓ କର୍ମଚାରୀ ଅଂଶଗ୍ରହଣ କରିଥିଲେ।
ଏହି ପ୍ରଶିକ୍ଷଣରେ ପ୍ରମ୍ପ୍ଟ ଇଞ୍ଜିନିୟରିଂ, ନିଷ୍ପତି ଗ୍ରହଣ ପାଇଁ ଡାଟା ଆନାଲିଟିକ୍ସ ଏବଂ ଏଆଇ ଟୁଲ୍ସ ବ୍ୟବହାର କରି ପ୍ରେଜେେଂଟସନ୍ ପ୍ରସ୍ତୁତି ପରି ଗୁରୁତ୍ୱପୂର୍ଣ୍ଣ ଦିଗଗୁଡିକ ଅନ୍ତର୍ଭୁକ୍ତ କରାଯାଇଥିଲା। ଏହି ଅଧିବେଶନରେ ବିଭିନ୍ନ ଏଆଇ ପ୍ଲାଟଫର୍ମ ବ୍ୟବହାରର ପ୍ରାୟୋଗିକ ଅଭିଜ୍ଞତା ପ୍ରଦାନ କରାଯାଇଥିଲା ଏବଂ କିପରି ଏହି ଜ୍ଞାନକୌଶଳ ଅଧିକାରୀମାନଙ୍କୁ ରିପୋର୍ଟ ପ୍ରସ୍ତୁତି, ତଥ୍ୟ ବିଶ୍ଳେଷଣ, ଅନୁସନ୍ଧାନ ଏବଂ ଉପସ୍ଥାପନାକୁ ଅଧିକ ଦ୍ରୁତ ଓ ସଂଗଠିତ ଭାବରେ କରିବାରେ ସାହାଯ୍ୟ କରିପାରିବ, ତାହା ପ୍ରଦର୍ଶନ କରାଯାଇଥିଲା।
ଏହି ପ୍ରଶିକ୍ଷଣ କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା ବିଭାଗୀୟ ଅଧିକାରୀଙ୍କ ମଧ୍ୟରେ ଡିଜିଟାଲ୍ ଦକ୍ଷତା ବୃଦ୍ଧି କରିବା, ଯାହାଫଳରେ ସେମାନେ ସେମାନଙ୍କର ଦୈନନ୍ଦିନ ପ୍ରଶାସନିକ କାର୍ଯ୍ୟରେ ଏଆଇ-ଭିତିକ ସାଧନଗୁଡିକୁ ପ୍ରଭାବଶାଳୀ ଭାବରେ ବ୍ୟବହାର କରିପାରିବେ। ଏହା ଦ୍ୱାରା ସରକାରୀ ସେବାଗୁଡ଼ିକ ଲୋକଙ୍କ ପାଖରେ ଅଧିକ ସଠିକ୍ ଓ ଶୀଘ୍ର ପହଂଚିପାରିବ। ପ୍ରଶାସନିକ ପ୍ରକ୍ରିୟାକୁ ସହଜ କରିବା ଏବଂ ଲୋକଙ୍କ ପାଖରେ ସେବାକୁ ଅଧିକ ପ୍ରଭାବଶାଳୀ ଭାବରେ ପହିଂାଇବା ଏହି କର୍ମଶାଳାର ମୁଖ୍ୟ ଉଦ୍ଦେଶ୍ୟ ଥିଲା ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
