ଜୟପୁର, ୧୩ ମାର୍ଚ୍ଚ (ହି.ସ.)- ଜୟପୁର ଯୁବତୀକୁ ଦୁଷ୍କର୍ମ କରିଥିବା ଅଭିଯୋଗରେ ଅଭିଯୁକ୍ତକୁ ଗିରଫ କରିଛି ଜୟପୁର ମହିଳା ପୋଲିସ । ଗିରଫ ଅଭିଯୁକ୍ତ ଜଣକ ହେଲା ଜୟପୁର ସଦର ଥାନା ଅନ୍ତର୍ଗତ ମୁଣ୍ଡିଗୁଡା ନିକଟରେ ଓସିସି କଲୋନୀର ଜଗା ମାଝୀ (୨୧) ।
ପୋଲିସ ସୂଚନା ଅନୁଯାୟୀ, ଅଭିଯୁକ୍ତ ଜଗା ମାଝୀ ସୋସିଆଲ ମିଡିଆ ଇନଷ୍ଟାଗ୍ରାମ ମାଧ୍ୟମରେ ଯୁବତୀଙ୍କ ସହିତ ଯୋଗାଯୋଗ କରିଥିଲେ। ଏହା ପରେ ଅଭିଯୁକ୍ତ ଜଗା ତାଙ୍କୁ ଫୋନରେ ମେସେଜ ପଠାଇ କହିଥିଲେ ଯେ ସେ ତାଙ୍କୁ ଭଲ ପାଉଛନ୍ତି। ତାଙ୍କୁ ମନା କରାଯିବା ପରେ ଜଗା ମାଝୀ ତାଙ୍କୁ ବହୁତ ହଇରାଣ କରୁଥିଲେ। ଗୋଟିଏ ଦିନ ଜଗା ତାଙ୍କୁ ଏକ ଲଜ୍ କୁ ନେଇଯାଇଥିଲେ ଏବଂ ସେଠାରେ ତାଙ୍କ ସହ ତାଙ୍କର ସମ୍ମତି ବିନା ଶାରୀରିକ ସମ୍ପର୍କ ରଖିଥିଲେ। ଫଳସ୍ୱରୂପ ସେ ଗର୍ଭବତୀ ହୋଇଥିଲେ, ବିବାହ ପାଇଁ ଏହା ପ୍ରଲୋଭିତ ଜାଣି ମେଡିକାଲକୁ ନେଇ ଗର୍ଭପାତ କରିବାକୁ ଚେଷ୍ଟା କଲେ। ସେ ତାଙ୍କର ଗର୍ଭ ନଷ୍ଟ କରିବା ପାଇଁ ଔଷଧ ଦେଇଥିଲେ କିନ୍ତୁ ସେ ତାହା ନେବାକୁ ମନା କରିଦେଲେ। କ୍ରୋଧରେ ସେ ତାଙ୍କୁ ନିର୍ମମ ଭାବରେ ଆକ୍ରମଣ କରୁଥିଲେ। ପରେ ତାଙ୍କୁ ନବରଙ୍ଗପୁର ମେଡିକାଲକୁ ନେଇଗଲେ ଏବଂ ସେଠାରେ କୋରାପୁଟ ମେଡିକାଲରେ ଗର୍ଭପାତ ପାଇଁ ଔଷଧ ଦେଲେ କିନ୍ତୁ ତାଙ୍କୁ ଔଷଧ ଖାଇବାକୁ ମନା କରିଦିଆଗଲା। ଅଭିଯୁକ୍ତଙ୍କ ଭଉଣୀ ଜୋରଜବରଦସ୍ତି କଦଳୀ ଭିତରେ ଔଷଧ ପକାଇ ଦେଇଥିଲେ ଯାହା ଫଳରେ ସେ ବାନ୍ତି କରି ତାଙ୍କ ଚେତାଶୂନ୍ୟ ହୋଇଗଲେ। ଏହାପରେ ଅଭିଯୁକ୍ତର ମାଆ, ବାପା ଏବଂ ଭଉଣୀ ମିଳିତ ଭାବରେ ତାଙ୍କୁ ଆକ୍ରମଣ କରିଥିଲେ ଏବଂ ବେକ ଚାପି ଜୀବନରେ ମାରିଦେବାକୁ ଧମକ ଦେଇଥିଲେ। ବର୍ତମାନ ସେ ୩ ମାସର ଗର୍ଭବତୀ। ତେଣୁ ସେମାନଙ୍କ ବିରୁଦ୍ଧରେ ଆବଶ୍ୟକୀୟ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଥାନାରେ ଅଭିଯୋଗ କରିଥିଲେ ଯୁବତୀ । ଏହି ଅଭିଯୋଗକୁ ଭିତି କରି ଜୟପୁର ମହିଳା ପୋଲିସ ମାମଲା ନଂ. ୧୭୯ ରୁଜୁ କରି ତଦନ୍ତ ଆରମ୍ଭ କରିଥିଲା । ଅଭିଯୋଗକୁ ଭିତି କରି ଅଭିଯୁକ୍ତ ଜଗାକୁ ନବରଙ୍ଗପୁରରୁ ଗିରଫ କରାଯାଇ କୋର୍ଟଚାଲାଣ କରାଯାଇଥିବା ଜୟପୁର ମହିଳା ପୋଲିସ ତରଫରୁ ସୂଚନା ଦିଆଯାଇଛି ।
ହିନ୍ଦୁସ୍ଥାନ ସମାଚାର / ପିକେପି
