ୱାଶିଂଟନ, 13 ମାର୍ଚ୍ଚ (ହି.ସ.)- ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ଇରାନର
ଫୁଟବଲ୍ ଦଳ ଆସନ୍ତା 2026ଫିଫା ୱାର୍ଲ୍ଡ କପରେ ଅଂଶଗ୍ରହଣ କରିବା ଉଚିତ୍ ନୁହେଁ, କାରଣ ଏହା ଖେଳାଳିମାନଙ୍କର
“ଜୀବନ ଓ ସୁରକ୍ଷା” ପାଇଁ ବିପଦ ସୃଷ୍ଟି କରିପାରେ।
ଟ୍ରମ୍ପଙ୍କର ଏହି ମତାମତ ତାଙ୍କ ପୂର୍ବତନ ବକ୍ତବ୍ୟର ଦୁଇ ଦିନ ପରେ
ଆସିଛି, ଯେଉଁଥିରେ ସେ
ବିଶ୍ୱ ଫୁଟବଲ୍ ସଂଘ ଫିଫାର ଅଧ୍ୟକ୍ଷ ଜିଆନୀ ଇନଫେନ୍ଟନୋଙ୍କୁ କହିଥିଲେ ଯେ ଇରାନର ଦଳକୁ ଏହି
ପ୍ରତିଯୋଗିତାରେ ସ୍ୱାଗତ କରାଯିବ।
ଟ୍ରମ୍ପତାଙ୍କ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ ସୋସିଆଲରେ ଲେଖିଛନ୍ତି
ଯେ ଇରାନର ଜାତୀୟ ଫୁଟବଲ୍ ଦଳକୁ ବିଶ୍ୱ କପ୍ରେ ସ୍ୱାଗତ ଅଛି, କିନ୍ତୁ
ଖେଳାଳିମାନଙ୍କର ସୁରକ୍ଷାକୁ ଭାବିଲେ ସେମାନେ ସେଠାକୁ ଯିବା ଉଚିତ୍ ନୁହେଁ।
28 ଫେବୃଆରୀରେ ଆମେରିକାଓ ଇସ୍ରାଏଲଦ୍ୱାରା
କରାଯାଇଥିବା ଆକ୍ରମଣ ପରେ ଆରମ୍ଭ ହୋଇଥିବା ଯୁଦ୍ଧ ହେତୁ ଏହି ବର୍ଷ ହେବାକୁ ଯାଉଥିବା ପୁରୁଷ
ଫୁଟବଲ୍ ବିଶ୍ୱକପ୍ରେ ଇରାନର ଅଂଶଗ୍ରହଣକୁ ନେଇ ଅନିଶ୍ଚିତତା ସୃଷ୍ଟି ହୋଇଛି। ଏହି
ପ୍ରତିଯୋଗିତା କାନାଡା, ମେକ୍ସିକୋ, ଆମେରିକାର ସଂଯୁକ୍ତ ଆତିଥ୍ୟରେ ଆୟୋଜିତ ହେବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
