ନୂଆଦିଲ୍ଲୀ, 22 ମାର୍ଚ୍ଚ (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ଲଗାତାର

8,931 ଦିନ ସରକାରର ମୁଖ୍ୟ ଭାବେ ସେବା ଦେଇ ଏକ ନୂତନ କୀର୍ତ୍ତିମାନ ସୃଷ୍ଟି କରିଛନ୍ତି। ସେ

ପବନ କୁମାର ଚାମଲିଙ୍ଗଙ୍କ 8,930 ଦିନର ପୂର୍ବତନ ରେକର୍ଡକୁ ପଛରେ ଛାଡ଼ିଦେଇଛନ୍ତି।

ଅମିତ ଶାହ, ରାଜନାଥ ସିଂହ ଏବଂ ରେଖା ଗୁପ୍ତା ସହିତ ବିଜେପିର ବରିଷ୍ଠ ନେତାମାନେ

ଏହି ସଫଳତାକୁ ଅତୁଟ ପ୍ରତିବଦ୍ଧତା ଏବଂ ଜନସେବାର ଏକ ମାଇଲଷ୍ଟୋନ୍ ବୋଲି ବର୍ଣ୍ଣନା

କରିଛନ୍ତି। ଏଥିରେ ଗୁଜରାଟର ମୁଖ୍ୟମନ୍ତ୍ରୀ ଭାବେ ତାଙ୍କର ତିନିଟି କାର୍ଯ୍ୟକାଳ ଏବଂ

ପ୍ରଧାନମନ୍ତ୍ରୀ ଭାବେ ବର୍ତ୍ତମାନର ତୃତୀୟ କାର୍ଯ୍ୟକାଳ ସମ୍ମିଳିତ ଅଛି। 24 ବର୍ଷରୁ ଅଧିକ ଏହି

ଦୀର୍ଘ ଯାତ୍ରାରେ ସେ ଗୋଟିଏ ଦିନ ମଧ୍ୟ ଛୁଟି ନେଇନାହାନ୍ତି।

ଗୃହମନ୍ତ୍ରୀ ଅମିତ ଶାହ ଏକ୍ସରେ କହିଛନ୍ତି, “ଏହି ରେକର୍ଡ ସେବା, ପରିଶ୍ରମ ଏବଂ ଅତୁଟ

ପ୍ରତିବଦ୍ଧତାର ଭିତିରେ ତିଆରି ହୋଇଛି। ମୋଦୀଙ୍କ 8,931 ଦିନ ରାଷ୍ଟ୍ର-ପ୍ରଥମ ଶାସନ ଏବଂ

କାର୍ଯ୍ୟରେ ସତ୍ୟନିଷ୍ଠାକୁ ପ୍ରକାଶ କରେ। ସେ ଛୁଟି ବିନା ରାଷ୍ଟ୍ରକୁ ସେବା କରିଛନ୍ତି, ଯାହାର ଫଳରେ ସେ

ଜନତାଙ୍କର ଅପୂର୍ବ ସ୍ନେହ ପାଇଛନ୍ତି।”

ରକ୍ଷାମନ୍ତ୍ରୀ ରାଜନାଥ ସିଂହ ଅଭିନନ୍ଦନ ଜଣାଇ କହିଛନ୍ତି ଯେ

ପ୍ରଧାନମନ୍ତ୍ରୀ ମୋଦି ବର୍ତ୍ତମାନ ଭାରତରେ ସବୁଠାରୁ ଦୀର୍ଘ ସମୟ ସେବା କରୁଥିବା ସରକାରର ମୁଖ୍ୟ

ହୋଇଛନ୍ତି। ଗୁଜରାଟର ମୁଖ୍ୟମନ୍ତ୍ରୀ ଠାରୁ ଦେଶର ପ୍ରଧାନମନ୍ତ୍ରୀ ପର୍ଯ୍ୟନ୍ତ ତାଙ୍କ ଜୀବନ

ନିରନ୍ତର ସେବାର ପଥ ରହିଛି। ଏହି ସଫଳତା ତାଙ୍କର ସମର୍ପିତ ନେତୃତ୍ୱ ଏବଂ ଦେଶ ପ୍ରତି ତାଙ୍କର

ନିବେଶର ପ୍ରମାଣ।

ଦିଲ୍ଲୀର ମୁଖ୍ୟମନ୍ତ୍ରୀ ରେଖା ଗୁପ୍ତା ଏହାକୁ ‘ଅନ୍ତ୍ୟୋଦୟ’ର

ସଂକଳ୍ପର ସିଦ୍ଧି ବୋଲି କହିଛନ୍ତି। ସେ କହିଛନ୍ତି ଯେ ମୋଦି ବିକାଶର ଏକ ନୂତନ ପରିଭାଷା

ଗଢ଼ିଛନ୍ତି। ତାଙ୍କର ଦୂରଦର୍ଶୀ ଏବଂ ସାହସିକ ସିଦ୍ଧାନ୍ତଗୁଡ଼ିକ କୋଟି କୋଟି ଦେଶବାସୀଙ୍କର

ଭରସା ଜିତିଛି, ଯାହା ଆମ ସମସ୍ତଙ୍କ

ପାଇଁ ପ୍ରେରଣାସ୍ରୋତ ଅଟେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା