କାଠମାଣ୍ଡୁ, ୨୮ ମାର୍ଚ୍ଚ (ହି.ସ.)। ନେପାଳର ପୂର୍ବତନ ପ୍ରଧାନମନ୍ତ୍ରୀ କେ.ପି.

ଶର୍ମା ଓଲିଙ୍କୁ କାଠମାଣ୍ଡୁର ଶିକ୍ଷଣ ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କୁ ହସ୍ପିଟାଲର

‘ଏନେକ୍ସ ୱାନ୍’ର ୫୦୧ ନମ୍ବର ବେଡ୍ରେ ରଖାଯାଇଛି। ଆଜି ସକାଳେ ଗିରଫ ପରେ ସ୍ୱାସ୍ଥ୍ୟ ପରୀକ୍ଷା

ପାଇଁ ତାଙ୍କୁ ହସ୍ପିଟାଲକୁ ନେଇଯାଇଥିଲା।

ଆରମ୍ଭରେ ତାଙ୍କୁ ହସ୍ପିଟାଲର

‘ରେଡ୍ ଜୋନ୍’ର ୨୭ ନମ୍ବର ବେଡ୍ରେ ରଖାଯାଇଥିଲା, ଯେଉଁଠାରେ

ନେଫ୍ରୋଲୋଜି ଟିମ୍ର ଡାକ୍ତର ରବିନ୍ ନେପାଳୀ ସହିତ ଅନ୍ୟ ଗୋଟିଏ ଟିମ୍ ତାଙ୍କ ସ୍ୱାସ୍ଥ୍ୟ

ପରୀକ୍ଷା କରିଥିଲେ। ହୃଦ୍ରୋଗ ବିଶେଷଜ୍ଞମାନେ ମଧ୍ୟ ତାଙ୍କୁ ଯାଞ୍ଚ କରିଥିଲେ। ହସ୍ପିଟାଲର

ବିବୃତ୍ତି ଅନୁଯାୟୀ, “ରକ୍ତ ପରୀକ୍ଷା, ଭିଡିଓ ଏକ୍ସ-ରେ ସହିତ ବିଭିନ୍ନ ଯାଞ୍ଚ ପରେ ଓଲିଙ୍କୁ ଏନେକ୍ସ ୱାନ୍ର

୫୦୧ ନମ୍ବର ବେଡ୍ରେ ଭର୍ତ୍ତି କରାଯାଇଛି।”

୫୦୧ ନମ୍ବର ବେଡ୍ ଥିବା

ଭବନକୁ ଓଲିଙ୍କୁ ସିଧାସଳଖ ତାଙ୍କ ଗାଡ଼ିରେ ନିଆଯାଇଥିଲା। ଶିକ୍ଷଣ ହସ୍ପିଟାଲର ୫୦୧ ନମ୍ବର ବେଡ୍

କିଡନୀ ପ୍ରତ୍ୟାରୋପଣ ହୋଇଥିବା ରୋଗୀମାନଙ୍କ ପାଇଁ ସଂରକ୍ଷିତ ରହେ। ଓଲି ପୂର୍ବରୁ କିଡନୀ

ପ୍ରତ୍ୟାରୋପଣ କରାଇଥିବା ସହ ତାଙ୍କର ଦୁଇଥର କିଡନୀ ଟ୍ରାନ୍ସପ୍ଲାଣ୍ଟ ହୋଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା