ନୋଏଡା, 28 ମାର୍ଚ୍ଚ (ହି.ସ.)। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପଶ୍ଚିମ

ଏସିଆ ସଙ୍କଟ ସମ୍ପର୍କରେ କହିଛନ୍ତି ଯେ ଆଜି ସମ୍ପୂର୍ଣ୍ଣ ବିଶ୍ୱ ଚିନ୍ତିତ ଅଛି। ପଶ୍ଚିମ

ଏସିଆରେ ଗତ ଏକ ମାସ ଧରି ଯୁଦ୍ଧ ଚାଲିଛି। ଏହି ଯୁଦ୍ଧର କାରଣରୁ ଅନେକ ଦେଶରେ ଖାଦ୍ୟପଦାର୍ଥ, ପେଟ୍ରୋଲ, ଡିଜେଲ, ଗ୍ୟାସ, ସାର ଭଳି ଅନେକ

ଆବଶ୍ୟକ ବସ୍ତୁର ଅଭାବ ସୃଷ୍ଟି ହୋଇଛି। ପ୍ରତ୍ୟେକ ଦେଶ ଏହି ସଙ୍କଟକୁ ମୁକାବିଲା କରିବାକୁ

ଚେଷ୍ଟା କରୁଛି। ଆମ ଭାରତ ମଧ୍ୟ ପୂର୍ଣ୍ଣ ଶକ୍ତି ସହ ଏହାକୁ ସମ୍ମୁଖୀନ ହେଉଛି।

ପ୍ରଧାନମନ୍ତ୍ରୀ ଶନିବାର ନୋଏଡା ଆନ୍ତର୍ଜାତୀୟ ବିମାନବନ୍ଦରର ପ୍ରଥମ

ପର୍ଯ୍ୟାୟର ଉଦ୍ଘାଟନ ପରେ କାର୍ଯ୍ୟକ୍ରମକୁ ସମ୍ବୋଧନ କରି ଦେଶବାସୀଙ୍କୁ ଧନ୍ୟବାଦ ଜଣାଇ କହିଛନ୍ତି

ଯେ ଆପଣମାନଙ୍କର ଶକ୍ତିରେ ଭରସା କରି ଭାରତ ଏହି ଚ୍ୟାଲେଞ୍ଜକୁ ସମ୍ପୂର୍ଣ୍ଣ ଶକ୍ତି ସହ

ସମ୍ମୁଖୀନ କରୁଛି। ସେ କହିଛନ୍ତି ଯେ ଆମ ସରକାର ପ୍ରତ୍ୟେକ ସେହି ପଦକ୍ଷେପ ନେଉଛି ଯାହା ଫଳରେ

ସାଧାରଣ ପରିବାର, ଆମ ଚାଷୀମାନଙ୍କ

ଉପରେ ଏହି ସଙ୍କଟର ଭାର ନ ପଡ଼େ। ସଙ୍କଟର ଏହି ସମୟରେ ମଧ୍ୟ ଭାରତ ତାହାର ଦ୍ରୁତ ବିକାଶକୁ ଜାରି

ରଖିଛି। ପ୍ରଧାନମନ୍ତ୍ରୀ ଦେଶବାସୀ ଓ ରାଜନୈତିକ ଦଳମାନଙ୍କୁ ଏକାସାଥିରେ ଏହି ସଙ୍କଟକୁ

ମୁକାବିଲା କରିବାକୁ ଆହ୍ୱାନ କରିଥିଲେ।

ପ୍ରଧାନମନ୍ତ୍ରୀ ଆଗକୁ କହିଛନ୍ତି ଯେ ଆଜି ଯେତେଦୂର ଦୃଷ୍ଟି ପଡ଼ୁଛି

ସେଠାରେ ଯୁବମାନଙ୍କର ଉତ୍ସାହ ଦେଖିବାକୁ ମିଳୁଛି। ଆଜି ଯେଉର୍ କାମ ହେଉଛି, ସେଗୁଡ଼ିକ ନୂତନ

ଉଡ଼ାଣ ନେଉଛି। ଆଜିଠାରୁ ଉତ୍ତର ପ୍ରଦେଶ ସର୍ବାଧିକ ଆନ୍ତର୍ଜାତୀୟ ବିମାନବନ୍ଦର ଥିବା ରାଜ୍ୟ

ହୋଇଯାଇଛି। ମୋ ପାଇଁ ଏହା ଦୁଇଟି କାରଣରୁ ଖୁସିର କଥା — ପ୍ରଥମ, ଏହି ବିମାନବନ୍ଦରର

ଶିଳାନ୍ୟାସ କରିବାର ସୁଯୋଗ ମୋତେ ମିଳିଥିଲା ଏବଂ ଏହାର ଉଦ୍ଘାଟନ କରିବାର ସୁଯୋଗ ମଧ୍ୟ ମୋତେ

ମିଳିଛି। ଦ୍ୱିତୀୟ, ଯେଉଁ ଉତ୍ତର

ପ୍ରଦେଶ ମୋତେ ପ୍ରତିନିଧି କରିଛି, ସାଂସଦ କରିଛି, ସେହି ଉତ୍ତର ପ୍ରଦେଶର ପରିଚୟ ସହ ଏହି ଭବ୍ୟ ବିମାନବନ୍ଦରର ନାମ ମଧ୍ୟ

ଯୋଡି ହୋଇଛି।

ସେ କହିଛନ୍ତି ଯେ ଏଠାରୁ ବିମାନଗୁଡ଼ିକ ସମଗ୍ର ବିଶ୍ୱକୁ ଯିବା ସହିତ

ଉତ୍ତର ପ୍ରଦେଶ ମଧ୍ୟ ନୂତନ ଉଡ଼ାଣ ନେବ। ବିଶେଷ କରି ପଶ୍ଚିମ ଉତ୍ତର ପ୍ରଦେଶର ଲୋକମାନଙ୍କୁ ସେ

ଅଭିନନ୍ଦନ ଜଣାଇଥିଲେ। ସେ କହିଥିଲେ ଯେ ଏହି ସମସ୍ତ ପ୍ରକଳ୍ପ ଉତ୍ତର ପ୍ରଦେଶର ବିକାଶ ପାଇଁ

ଡବଲ୍ ଇଞ୍ଜିନ ସରକାରର ଶ୍ରେଷ୍ଠ ଉଦାହରଣ। ସେମିକଣ୍ଡକ୍ଟର କାରଖାନା, ନମୋ ଭାରତ ଟ୍ରେନ୍ ଏବଂ

ଏବେ ଏହି ଜେଵର ବିମାନବନ୍ଦର ସମଗ୍ର ବିଶ୍ୱକୁ ଯୋଡ଼ୁଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା