ଭୁବନେଶ୍ୱର, 28 ମାର୍ଚ୍ଚ (ହି.ସ.)- ପ୍ରଥମ ଖେଲୋ
ଇଣ୍ଡିଆ ଜନଜାତି କ୍ରୀଡ଼ା ୨୦୨୬ରେ ଓଡ଼ିଶାର କ୍ରୀଡ଼ାବିତ୍ମାନଙ୍କ ସଫଳତାକୁ ପ୍ରଶଂସା
କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଏନେଇ ସୋସିଆଲ ମିଡିଆ ଏକ୍ସରେ ମୁଖ୍ୟମନ୍ତ୍ରୀ
କହିଛନ୍ତି ଯେ, ଛତିଶଗଡ଼ରେ ଚାଲିଥିବା ପ୍ରଥମ ଖେଲୋ ଇଣ୍ଡିଆ ଜନଜାତି କ୍ରୀଡ଼ା ୨୦୨୬ରେ ଓଡ଼ିଶାର
କ୍ରୀଡ଼ାବିତ୍ମାନଙ୍କ ଅସାଧାରଣ ସଫଳତା ରାଜ୍ୟ ପାଇଁ ଗୌରବର ବିଷୟ। ଏଯାବତ ସନ୍ତରଣକ୍ଷେତ୍ରରେ ୪ଟି ସ୍ୱର୍ଣ୍ଣ ଓ ୭ଟି କାଂସ୍ୟ ସହ ମୋଟ ୧୧ଟି ପଦକ ଏବଂ
ଭାରୋତ୍ତୋଳନକ୍ଷେତ୍ରରେ ୨ଟି ସ୍ୱର୍ଣ୍ଣ, ୨ଟି ରୌପ୍ୟ ଓ ୨ଟି କାଂସ୍ୟ ସହ ମୋଟ ୬ଟି ପଦକ ଜିତି ଆମର
ପ୍ରତିଭାମାନେ ନିଜର ଶ୍ରେଷ୍ଠତା ପ୍ରତିପାଦନ କରିଛନ୍ତି।
ଜାତୀୟ ସ୍ତରର ଏହି
ପ୍ରତିଯୋଗିତାରେ ଆମ ରାଜ୍ୟର ଜନଜାତି କ୍ରୀଡ଼ାବିତ୍ମାନଙ୍କ ଏହି ଉଲ୍ଲେଖନୀୟ ପ୍ରଦର୍ଶନ
ସେମାନଙ୍କ ନିଷ୍ଠା ଓ କଠିନ ପରିଶ୍ରମର ପ୍ରତିଫଳନ। ଏହି କୃତିତ୍ୱ ପାଇଁ ମୁଁ ସମସ୍ତ ବିଜୟୀ
କ୍ରୀଡ଼ାବିତ୍ଙ୍କୁ ଆନ୍ତରିକ ଅଭିନନ୍ଦନ ଜଣାଉଛି। ସମସ୍ତ କ୍ରୀଡ଼ାବିତ୍ଙ୍କର ଉତ୍ତରୋତ୍ତର
ଉନ୍ନତି ଓ ଉଜ୍ଜ୍ୱଳ ଭବିଷ୍ୟତ କାମନା କରୁଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
