ମୁମ୍ବାଇ, ୧୧ ଏପ୍ରିଲ (ହି.ସ.)। ସ୍ୱରର ମଲ୍ଲିକା ଓ ପ୍ରସିଦ୍ଧ ପାର୍ଶ୍ୱଗାୟିକା

ଆଶା ଭୋସଲେଙ୍କୁ କାର୍ଡିଆକ୍ ଆରେଷ୍ଟ ପରେ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି

କରାଯାଇଛି। ୯୨ ବର୍ଷୀୟା ଏହି ଗାୟିକାଙ୍କ ହଠାତ୍ ଅସୁସ୍ଥତା ହେବା ପରେ ୧୧ ଏପ୍ରିଲରେ ତାଙ୍କୁ

ତୁରନ୍ତ ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ତାଙ୍କୁ ଇମରଜେନ୍ସି ମେଡିକାଲ ସର୍ଭିସେଜ୍ ୟୁନିଟ୍ରେ

ରଖାଯାଇଛି। ଡାକ୍ତରମାନଙ୍କ ଏକ ବିଶେଷଜ୍ଞ ଦଳ ତାଙ୍କୁ ନିରନ୍ତର ନିରୀକ୍ଷଣ କରୁଛନ୍ତି ଏବଂ

ଚିକିତ୍ସା ଚାଲିଛି।

ହସ୍ପିଟାଲ ସୂତ୍ର ଅନୁସାରେ, ଆଶା ଭୋସଲେଙ୍କୁ ଅତ୍ୟଧିକ କ୍ଲାନ୍ତି ଓ ଛାତିରେ ସଂକ୍ରମଣ ଅଭିଯୋଗ

ପରେ ଭର୍ତ୍ତି କରାଯାଇଛି। ତାଙ୍କ ନାତୁଣୀ ଜନାଇ ଭୋସଲେ ଜାରି କରିଥିବା ବିବୃତ୍ତିରେ କହିଛନ୍ତି

ଯେ, ବର୍ତ୍ତମାନ ତାଙ୍କର

ଚିକିତ୍ସା ଚାଲିଛି ଏବଂ ପରିବାର ସକାରାତ୍ମକ ସୁଧାରର ଆଶା ରଖିଛି।

ଭାରତୀୟ ସଙ୍ଗୀତ ଜଗତର ସବୁଠାରୁ ପ୍ରତିଷ୍ଠିତ କଣ୍ଠମାନଙ୍କ ମଧ୍ୟରୁ

ଗଣ୍ୟ ଆଶା ଭୋସଲେ ସାତ ଦଶକରୁ ଅଧିକ ଦୀର୍ଘ କ୍ୟାରିୟରରେ ଅସଂଖ୍ୟ ହିଟ୍ ଗୀତ ଦେଇଛନ୍ତି। ତାଙ୍କୁ

ଦାଦା ସାହେବ ଫାଲ୍କେ ପୁରସ୍କାର ଓ ପଦ୍ମ ବିଭୂଷଣ ଭଳି ଉଚ୍ଚ ସମ୍ମାନରେ ସମ୍ମାନିତ କରାଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା