ପାଟଣା, ୧୨ ଏପ୍ରିଲ (ହି.ସ.)। ବିହାରର କଟିହାର ଜିଲ୍ଲାର କୋଢା ଥାନା

ଅନ୍ତର୍ଗତ ଜାତୀୟ ରାଜପଥ ସଂଖ୍ୟା-୩୧ ଉପରେ ଶନିବାର ସନ୍ଧ୍ୟାରେ ଘଟିଥିବା ସଡ଼କ ଦୁର୍ଘଟଣାରେ

ଏପର୍ଯ୍ୟନ୍ତ ୧୩ ଜଣଙ୍କ ମୃତ୍ୟୁ ହୋଇଛି।

ଏହି ଦୁର୍ଘଟଣା ବସଗଡା ଛକ ନିକଟରେ ଦାତପୁର ମୁସହରୀ ଛକ ପାଖରେ

ଘଟିଥିଲା। ହରଦାରୁ ପୂର୍ଣ୍ଣିଆକୁ ଯାଉଥିବା ଏକ ଦ୍ରୁତ ଗତିର ବସ ସାମ୍ନାରୁ ଆସୁଥିବା ଏକ ପିକଅପ୍

ଭ୍ୟାନ ସହ ମୁହାଁମୁହିଁ ଧକ୍କା ଖାଇଥିଲା। ଦୁର୍ଘଟଣା ଏତେ ଭୟାନକ ଥିଲା ଯେ ପାଖରୁ ଯାଉଥିବା

ଦୁଇଟି ମୋଟରସାଇକେଲ ମଧ୍ୟ ଏଥିରେ ପଡ଼ିଯାଇଥିଲା। ଏହି ଘଟଣାରେ ଘଟଣାସ୍ଥଳରେ ୧୦ ଜଣଙ୍କ ମୃତ୍ୟୁ

ହୋଇଥିଲା, ଯେତେବେଳେ ୧୭ ଜଣ

ଗୁରୁତର ଆହତ ହୋଇଥିଲେ। ଦୁର୍ଘଟଣାରେ ଉଭୟ ଯାନ ଭୟଙ୍କର ଭାବରେ କ୍ଷତିଗ୍ରସ୍ତ ହୋଇଥିଲା।

ରାଷ୍ଟ୍ରପତିଙ୍କ ଦୁଃଖ ପ୍ରକାଶ

ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ଦୁର୍ଘଟଣାକୁ ନେଇ ଦୁଃଖ ପ୍ରକାଶ

କରି ସୋସିଆଲ ମିଡିଆରେ ଲେଖିଛନ୍ତି, “ବିହାରର କଟିହାରରେ ଘଟିଥିବା ସଡ଼କ ଦୁର୍ଘଟଣାରେ ଲୋକମାନଙ୍କ ମୃତ୍ୟୁର

ଖବର ଅତ୍ୟନ୍ତ ବିଦାରକ। ମୁଁ ଶୋକାକୁଳ ପରିବାରସଦସ୍ୟମାନଙ୍କ ପ୍ରତି ଗଭୀର ସମବେଦନା ଜଣାଉଛି ଏବଂ

ଆହତମାନେ ଶୀଘ୍ର ସୁସ୍ଥ ହେଉନ୍ତୁ ବୋଲି ପ୍ରାର୍ଥନା କରୁଛି।”

ପ୍ରଧାନମନ୍ତ୍ରୀ ମୋଦିଙ୍କର ସମବେଦନା ପ୍ରକାଶ

ପ୍ରଧାନମନ୍ତ୍ରୀ କାର୍ଯ୍ୟାଳୟ (ପିଏମଓ)ର ଔପଚାରିକ ଏକ୍ସ ହ୍ୟାଣ୍ଡେଲରେ

ଜାରି ବିବୃତ୍ତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, “ବିହାରର କଟିହାରରେ

ଘଟିଥିବା ଦୁର୍ଘଟଣା ଅତ୍ୟନ୍ତ ବିଦାରକ। ପରିଜନଙ୍କୁ ହରାଇଥିବା ସମସ୍ତଙ୍କ ପ୍ରତି ଗଭୀର

ସମବେଦନା। ଆହତମାନଙ୍କର ଶୀଘ୍ର ସୁସ୍ଥତା କାମନା କରୁଛି। ପ୍ରତ୍ୟେକ ମୃତକଙ୍କ ପରିବାରକୁ

ପ୍ରଧାନମନ୍ତ୍ରୀ ଜାତୀୟ ସହାୟତା ନିଧି (ପିଏମଏନଆରଏଫ)ରୁ ୨ ଲକ୍ଷ ଟଙ୍କାର ଅନୁଗ୍ରହ ରାଶି

ଦିଆଯିବ। ଆହତମାନଙ୍କୁ ୫୦,୦୦୦ ଟଙ୍କା

ଦିଆଯିବ।”

ମୁଖ୍ୟମନ୍ତ୍ରୀଙ୍କ ଶୋକ ପ୍ରକାଶ

ମୁଖ୍ୟମନ୍ତ୍ରୀ ନୀତିଶ କୁମାର ଏହି ଦୁର୍ଘଟଣା ଉପରେ ଗଭୀର ସମବେଦନା

ପ୍ରକାଶ କରିଛନ୍ତି। ସେ କହିଛନ୍ତି ଯେ, ଏହି ଘଟଣା ବହୁତ ଦୁଃଖଦ ଓ ମୁଁ ଏଥିରେ ମର୍ମାହତ। ମୁଖ୍ୟମନ୍ତ୍ରୀ

ମୃତକମାନଙ୍କ ଆଶ୍ରିତଙ୍କୁ ମୁଖ୍ୟମନ୍ତ୍ରୀ ରିଲିଫ କୋଷରୁ ପ୍ରତିଜଣଙ୍କୁ ୨-୨ ଲକ୍ଷ ଟଙ୍କା ଏବଂ

ଆହତମାନଙ୍କୁ ୫୦-୫୦ ହଜାର ଟଙ୍କା ଅନୁଗ୍ରହ ଅନୁଦାନ ଦେବାକୁ ନିର୍ଦେଶ ଦେଇଛନ୍ତି।

ମୁଖ୍ୟମନ୍ତ୍ରୀଙ୍କ ନିର୍ଦେଶରେ ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ରିଲିଫ ଓ ଉଦ୍ଧାର

କାର୍ଯ୍ୟରେ ଲାଗିଛନ୍ତି। ସେ ଦୁର୍ଘଟଣାରେ ଆହତ ଲୋକମାନଙ୍କର ଶୀଘ୍ର ସୁସ୍ଥତା କାମନା କରିଥିବା

ସହ ସମ୍ପୂର୍ଣ୍ଣ ଚିକିତ୍ସା ବ୍ୟବସ୍ଥା କରିବାକୁ ନିର୍ଦେଶ ଦେଇଛନ୍ତି।

ବିପକ୍ଷ ନେତା ତେଜସ୍ୱୀ ଯାଦବ ମଧ୍ୟ ଏହି ଘଟଣା ଉପରେ ଦୁଃଖ ପ୍ରକାଶ

କରିଛନ୍ତି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା