ବଲାଙ୍ଗିର, 15 ଏପ୍ରିଲ୍ (ହି.ସ.)ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଟିଟିଲାଗଡ ସାହିତ୍ୟ ସଂସ୍କୃତି ବିଷୁବ ମିଳନ ଉତ୍ସବ ପାଳିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଡ. ଘନଶ୍ୟାମ ଜୈନ, ମୁଖ୍ୟବକ୍ତା ଭାବେ ରାଜେନ୍ଦ୍ର କଲେଜର ଡ. ଶ୍ୟାମ ଭୋଇ, ସାହିତ୍ୟ ସଂସ୍କୃତିର ସଭାପତି ଜ୍ୟୋତି ପ୍ରକାଶ ଗଡ଼ତିଆ ଓ ସଂପାଦକ ପ୍ରମୋଦ ପାଲ ମଞ୍ଚାସିନ ଥିଲେ । ସାହିତ୍ୟ ସଂସ୍କୃତି ସଂସ୍ଥା ଗଠନର ଉଦ୍ଦେଶ୍ୟ ଉପରେ ପ୍ରକାଶ କରିଥିଲେ ରାଜୀବ ଲୋଚନ ପାଢ଼ୀ ଏବଂ ମଞ୍ଚ ପରିଚାଳନା କରିଥିଲେ ସତ୍ୟବ୍ରତ ପଣ୍ଡା । ସଭାକାର୍ଯ୍ୟ ଆରମ୍ଭ ପୂର୍ବରୁ ସରସ୍ଵତୀ ଶିଶୁ ମନ୍ଦିର ବିଦ୍ୟାର୍ଥୀମାନେ ସ୍ୱାଗତ ସଙ୍ଗୀତ ପରିବେଷଣ କରିଥିଲେ । ଏହି ଅବସରରେ ସଂସ୍ଥା ତରଫରୁ ସ୍ମରଣିକା ଅତିଥିଙ୍କ ଦ୍ଵାରା ଉନ୍ମୋଚିତ କରାଯାଇଥିଲା । ଏହି ଅବସରରେ ବିଷୁବ ସମ୍ମାନରେ ଦୁର୍ବାଦଳ ମେହେର, ଶିକ୍ଷା କ୍ଷେତ୍ରରେ ସରିତା ରାଣୀ ସିଂଦେଓ, ଶିଳ୍ପୀ ସମ୍ମାନ ସ୍ଵାତୀ ସୁଚରିତା ଗୁରୁ, କୁଶଳୀ କଳା କ୍ଷେତ୍ରରେ ଡ.ବ୍ରଜ ମୋହନ ମେହେରଙ୍କୁ ମାନପତ୍ର ଓ ସାଲ ପ୍ରଦାନ କରି ସମ୍ମାନିତ କରାଯାଇଥିଲା । ସଭା ଶେଷରେ ଧନ୍ୟବାଦ ଅର୍ପଣ କରିଥିଲେ ଜଗନ୍ନାଥ ପଣ୍ଡା । ସଂସ୍ଥା ତରଫରୁ ବିଷୁବ ସଂକ୍ରାନ୍ତି ଉପଲକ୍ଷେ ପଣା ଓ ରାତ୍ରି ଭୋଜନର ବ୍ୟବସ୍ଥା ମଧ୍ୟ କରାଯାଇଥିଲା ।
---------------
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
15 Apr 2026
