କୋଲକାତା , 29 ଏପ୍ରିଲ (ହି.ସ)- ପଶ୍ଚିମବଙ୍ଗରେ ବୁଧବାର ଦିନ ଦ୍ୱିତୀୟ ପର୍ଯ୍ୟାୟରେ ବିଧାନସଭା ନିର୍ବାଚନ ମଣ୍ଡଳୀର ୧୪୨ଟି ଆସନରେ ମତଦାନ ଆରମ୍ଭ ହୋଇଛି । ନିରପେକ୍ଷ, ଶାନ୍ତିପୂର୍ଣ୍ଣ ଏବଂ ସ୍ୱଚ୍ଛ ମତଦାନ ସୁନିଶ୍ଚିତ କରିବା ପାଇଁ ସମ୍ବେଦନଶୀଳ ଏବଂ ଅତି ସମ୍ବେଦନଶୀଳ ଅଂଚଳରେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏହି ପର୍ଯ୍ୟାୟରେ ୩୨.୧ କୋଟିରୁ ଅଧିକ ଭୋଟର ସେମାନଙ୍କ ମତାଧିକାର ସାବ୍ୟସ୍ତ କରୁଛନ୍ତି ।
ଦ୍ୱିତୀୟ ପର୍ଯ୍ୟାୟରେ ମୋଟ ୩,୨୧,୭୩,୮୩୭ ଜଣ ଭୋଟର ଅଛନ୍ତି । ଏମାନଙ୍କ ମଧ୍ୟରୁ ୧,୬୪,୩୫,୬୨୭ ଜଣ ପୁରୁଷ, ୧,୫୭,୩୭,୪୧୮ ଜଣ ମହିଳା ଏବଂ ୭୯୨ ଜଣ ତୃତୀୟ ଲିଙ୍ଗ ଭୋଟର ଅଛନ୍ତି । ୧୮ ରୁ ୧୯ ବର୍ଷ ବୟସର ୪,୧୨,୬୬୮ ଜଣ ନୂଆ ଭୋଟର ପ୍ରଥମ ଥର ପାଇଁ ମତଦାନ କରିବେ ।
ନିର୍ବାଚନ ଆୟୋଗ ୮୫ ବର୍ଷରୁ ଅଧିକ ବୟସର ୧,୯୬,୮୦୧ ଜଣ ଭୋଟରଙ୍କୁ ଚିହ୍ନଟ କରିଛନ୍ତି । ଇତି ମଧ୍ୟରେ, ୩,୨୪୩ ଜଣ ଭୋଟର ୧୦୦ ବର୍ଷ ବୟସ ଅତିକ୍ରମ କରିଛନ୍ତି । ଏହା ବ୍ୟତୀତ ୫୭,୭୮୩ ଜଣ ଦିବ୍ୟାଙ୍ଗ ଭୋଟର ମଧ୍ୟ ଗଣତନ୍ତ୍ରର ଏହି ବିଶାଳ ଉତ୍ସବରେ ଅଂଶଗ୍ରହଣ କରିବେ ।
ଏହି ପର୍ଯ୍ୟାୟରେ ୧,୨୨୮ ଜଣ ପୁରୁଷ ଏବଂ ୨୨୦ ଜଣ ମହିଳାଙ୍କ ସମେତ ମୋଟ ୧,୪୪୮ ଜଣ ପ୍ରାର୍ଥୀ ପ୍ରତିଦ୍ୱନ୍ଦ୍ୱିତା କରୁଛନ୍ତି । ସବୁଠାରୁ ଚର୍ଚ୍ଚିତ ନିର୍ବାଚନ ମଣ୍ଡଳୀ ହେଉଛି ଦକ୍ଷିଣ ୨୪ ପ୍ରଗଣା ଜିଲ୍ଲାର ଭାଙ୍ଗର, ଯେଉଁଠାରେ ୧୯ ଜଣ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି । ଏଥି ସହିତ, ହୁଗୁଳି ଜିଲ୍ଲାର ଗୋଘାଟରେ କେବଳ ୫ ଜଣ ପ୍ରାର୍ଥୀଙ୍କ ସର୍ବନିମ୍ନ ପ୍ରତିଦ୍ୱନ୍ଦିତା ହେବ ।
ଉତର ୨୪ ପ୍ରଗଣାର ୩୩ ଟି ଆସନରେ ଏଥର ଏକ ଉଚ୍ଚ ସ୍ତରୀୟ ନିର୍ବାଚନୀ ଲଢ଼େଇ ଦେଖିବାକୁ ମିଳିବ, ଯେଉଁଥିରେ ୭୧ ଲକ୍ଷରୁ ଅଧିକ ଭୋଟର ବଙ୍ଗଳାର ରାଜନୈତିକ ଗତିପଥ ସ୍ଥିର କରିବେ ।
କ୍ଷେତ୍ରଫଳ ଦୃଷ୍ଟିରୁ ଜୋରାସାଙ୍କୋ ହେଉଛି କୋଲକାତାର ସବୁଠାରୁ ଛୋଟ ବିଧାନସଭା ନିର୍ବାଚନ ମଣ୍ଡଳୀ, ଯାହାର କ୍ଷେତ୍ରଫଳ ମାତ୍ର ୩.୪୮ ବର୍ଗ କି. ମି. । ଏଥି ସହିତ, ନଦୀଆ ଜିଲ୍ଲାର କଲ୍ୟାଣୀ ବିଧାନସଭା ନିର୍ବାଚନ ମଣ୍ଡଳୀ ହେଉଛି ୧୩୫ ବର୍ଗ କିଲୋମିଟର ବିଶିଷ୍ଟ ସର୍ବବୃହତ ନିର୍ବାଚନ ମଣ୍ଡଳୀ । ଭୋଟରଙ୍କ ସଂଖ୍ୟା ଦୃଷ୍ଟିରୁ, ଭାଟପାରା ସର୍ବନିମ୍ନ ୧୧୭,୧୯୫ ଥିବାବେଳେ ହୁଗ୍ଲିର ଚୁଂଚୁରାରେ ସର୍ବାଧିକ ୨୭୫,୭୧୫ ଅଛନ୍ତି ।
---------------
ହିନ୍ଦୁସ୍ଥାନ ସମାଚାର / ସମନ୍ୱୟ