ନୂଆଦିଲ୍ଲୀ, ୨୯ ଏପ୍ରିଲ୍(ହି.ସ.) – ମଧ୍ୟପ୍ରାଚ୍ୟରେ ଉତେଜନା କାରଣରୁ ବିମାନ ଚଳାଚଳ ସ୍ଥଗିତ ହେବା ପରେ ଦେଶର ବଜେଟ୍ ଏୟାର୍ଲାଇନ୍ ଇଣ୍ଡିଗୋ ଗବଚ୍ଚ ୧ ରୁ ଦୋହା ଅଭିମୁଖେ ବିମାନ ଚଳାଚଳ ଆରମ୍ଭ କରିବ।
ଇଣ୍ଡିଗୋ ବୁଧବାର ଏକ ବିବୃତିରେ କହିଛି ଯେ ମଧ୍ୟପ୍ରାଚ୍ୟ ସଙ୍କଟ ହେତୁ ମଧ୍ୟପ୍ରାଚ୍ୟର କିଛି ଅଂଶରେ ଆକାଶମାର୍ଗ ଖୋଲିବା ପରେ ଭାରତର ବିଭିନ୍ନ ସହରକୁ ଦୋହା ସହିତ ସଂଯୋଗ କରୁଥିବା ଏହାର ସମସ୍ତ ବିମାନ ୧ ମଇରୁ ପୁଣି ଆରମ୍ଭ ହେବ। ଏହି ଅଂଚଳରେ ଭୂ-ରାଜନୈତିକ ବିକାଶ ହେତୁ ଆକାଶମାର୍ଗ ବନ୍ଦ ଥିବାରୁ କତାର ସମେତ ମଧ୍ୟପ୍ରାଚ୍ୟକୁ ବିମାନ ଚଳାଚଳ ସାମୟିକ ଭାବେ ସ୍ଥଗିତ ରଖାଯାଇଥିଲା।
ଇଣ୍ଡିଗୋ ବର୍ତମାନ ଦୋହା ପାଇଁ ୬୦ ରୁ ଅଧିକ ସାପ୍ତାହିକ ବିମାନର ନିୟମିତ କାର୍ଯ୍ୟସୂଚୀ ପୁନର୍ବାର ଆରମ୍ଭ କରିବ ବୋଲି ଏୟାରଲାଇନ୍ କହିଛି। ବର୍ତମାନର ଆକାଶସୀମା ସ୍ଥିତି ଏବଂ ସମ୍ପୃକ୍ତ କର୍ତୃପକ୍ଷଙ୍କ ନିର୍ଦ୍ଦେଶାବଳୀ ଅନୁଯାୟୀ, ଇଣ୍ଡିଗୋ ବେଙ୍ଗାଲୁରୁ, ଚେନ୍ନାଇ, ଦିଲ୍ଲୀ, ହାଇଦ୍ରାବାଦ, କନ୍ନୁର, କୋଚି ଏବଂ ମୁମ୍ବାଇ ଭଳି ୭ଟି ଘରୋଇ ସହରରୁ ଦୋହା ପାଇଁ ୬୦ରୁ ଅଧିକ ସାପ୍ତାହିକ ବିମାନ ଉଡ଼ାଣର ନିୟମିତ କାର୍ଯ୍ୟସୂଚୀକୁ ପୁନର୍ବାର ଆରମ୍ଭ କରୁଛି।
ହିନ୍ଦୁସ୍ଥାନ ସମାଚାର/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ବୀଣାପାଣି