ବୌଦ୍ଧ, 30 ଏପ୍ରିଲ୍ (ହି.ସ.) ବାଘ ଛାଲ ବିକ୍ରି ଉଦ୍ୟମ ବେଳେ ବୌଦ୍ଧ ଜିଲା କରଞ୍ଜକଟା ନିକଟରୁ ଦୁଇ ଜଣ ଶିକାରୀ କୁ ବୌଦ୍ଧ ବନ ବିଭାଗ ଦ୍ୱାରା ଗିରଫ କରାଯାଇଛି l ସୂଚନା ପ୍ରକାରେ ବୌଦ୍ଧ ବନ ବିଭାଗ ଅନ୍ତର୍ଗତ ପୁରୁଣାକଟକ ଫରେଷ୍ଟ ରେଞ୍ଜ ଅଂଚଳରୁ ବାଘ ଛାଲ ବିକ୍ରି ଉଦ୍ୟମ ବେଳେ ବନ ବିଭାଗ ବାଘ ଛାଲ ଜବତ କରିବା ସହ ଦୁଇ ଜଣ ଶିକାରୀ କୁ ଗିରଫ କରିଛି l ଗିରଫ ହୋଇଥିବା ଶିକାରୀ ଦୁଇଜଣ ହେଲେ ପୁରୁଣାକଟକ ଥାନା ଅନ୍ତର୍ଗତ କରଞ୍ଜକଟା ଗ୍ରାମର ଅଭୟ ନାୟକ ଓ ବାଇସପଡ଼ା ଗ୍ରାମର ନୀଳକଣ୍ଠ କହଁର l ଚଢ଼ାଉ କରାଯାଇ ତା ପାଖରୁ ଗୋଟିଏ ବାଘ ଛାଲ ଓ ଅନ୍ୟାନ୍ୟ ସାମଗ୍ରୀ ଜବତ କରାଯାଇଥିଲା । ଏନେଇ ବନ୍ୟପ୍ରାଣୀ (ସୁରକ୍ଷା) ଆଇନ ଅନୁଯାୟୀ ଏକ ମାମଲା ରୁଜୁ କରାଯାଇଛି l ଶିକାରୀ ଦୁଇ ଜଣଙ୍କୁ ଗିରଫ କରି ଅଧିକ ତଦନ୍ତ ଜାରି ରଖିଛି ବନ ବିଭାଗ ।

---------------

ହିନ୍ଦୁସ୍ଥାନ ସମାଚାର / ସମ୍ପତ