କଲିକତା, ୧୧ ମେ (ହି.ସ.) - ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ବ୍ୟକ୍ତିଗତ ସହାୟକ (ପିଏ) ଚନ୍ଦ୍ରନାଥ ରଥଙ୍କ ହତ୍ୟା ମାମଲାରେ ବିହାର ଏବଂ ଉତର ପ୍ରଦେଶରୁ ତିନି ଜଣ ଶାର୍ପ ସୁଟରଙ୍କୁ ପୋଲିସ ଗିରଫ କରିଛି। ଅଭିଯୁକ୍ତମାନଙ୍କୁ ସୋମବାର ଦିନ ଉତର ୨୪ ପ୍ରଗଣା ଜିଲ୍ଲାର ବାରାସାତ ଏସିଜେଏମ କୋର୍ଟରେ ହାଜର କରାଯାଇଥିଲା, ଯେଉଁଠାରେ କୋର୍ଟ ସେମାନଙ୍କୁ ୧୩ ଦିନିଆ ସିଆଇଡି ହେପାଜତକୁ ପଠାଇଥିଲେ। ହତ୍ୟା ଷଡ଼ଯନ୍ତ୍ର, ପାଣ୍ଠି ଯୋଗାଣ, ଅସ୍ତ୍ରଶସ୍ତ୍ର ଯୋଗାଣ ଏବଂ ସମ୍ଭାବ୍ୟ ମାଷ୍ଟରମାଇଣ୍ଡ ବିଷୟରେ ସୂଚନା ସଂଗ୍ରହ କରିବା ପାଇଁ ସିଆଇଡି ଅଭିଯୁକ୍ତମାନଙ୍କୁ ପଚରାଉଚରା କରିବ। ଅଭିଯୁକ୍ତମାନଙ୍କ ମଧ୍ୟରୁ ଜଣକୁ ବିହାରର ବକ୍ସର ଜିଲ୍ଲାର ମୁଫାସିଲ ଥାନା ଅଂଚଳରୁ ଗିରଫ କରାଯାଇଥିବା ବେଳେ ଦୁଇଜଣଙ୍କୁ ଉତର ପ୍ରଦେଶରୁ ଗିରଫ କରାଯାଇଛି। ପଶ୍ଚିମବଙ୍ଗ ପୋଲିସ, ବିହାର ପୋଲିସ ଏବଂ ଉତର ପ୍ରଦେଶ ପୋଲିସ ମିଳିତ ଭାବେ ଏହି ମାମଲାର ତଦନ୍ତ କରୁଛନ୍ତି। ଅନୁସନ୍ଧାନରୁ ଏହା ମଧ୍ୟ ଜଣାପଡ଼ିଛି ଯେ ଅଭିଯୁକ୍ତ ଟୋଲ ପ୍ଲାଜାରେ ଅନଲାଇନ୍ ପେମେଂଟ କରିଥିଲା। ଏହି ଡିଜିଟାଲ କାରବାର ଆଧାରରେ ପୋଲିସ ଅଭିଯୁକ୍ତଙ୍କ ନିକଟରେ ପହଂଚିବାରେ ସକ୍ଷମ ହୋଇଥିଲା। ସୂତ୍ର ଅନୁଯାୟୀ, ଗିରଫ ଅଭିଯୁକ୍ତମାନେ ପେଶାଦାର ସାର୍ପ ସୁଟର, ଯେଉଁମାନେ ଅସ୍ତ୍ରଶସ୍ତ୍ର ପରିଚାଳନା ପାଇଁ ସ୍ୱତନ୍ତ୍ର ତାଲିମ ନେଇଛନ୍ତି।

ପୋଲିସ ବିଶ୍ୱାସ କରେ ଯେ ହତ୍ୟାକାଣ୍ଡକୁ କାର୍ଯ୍ୟକାରୀ କରିବା ପୂର୍ବରୁ ଏକ ରେକି କରାଯାଇଥିଲା ଏବଂ ସମଗ୍ର ଘଟଣା ଅତ୍ୟନ୍ତ ଯୋଜନାବଦ୍ଧ ଢଙ୍ଗରେ କରାଯାଇଥିଲା । ହାଇ-ପ୍ରୋଫାଇଲ୍ ହତ୍ୟାକାଣ୍ଡରେ ବ୍ୟବହୃତ ହୋଇଥିବା ଅଭିଯୁକ୍ତମାନଙ୍କଠାରୁ ଉଦ୍ଧାର ହୋଇଥିବା କିଛି ସାମଗ୍ରୀ ଏବଂ ଡକ୍ୟୁମେଂଟ ମଧ୍ୟ ଯାଂଚ କରାଯାଉଛି।

ହିନ୍ଦୁସ୍ଥାନ ସମାଚାର / ଭାନୁ ଚରଣ