କୋଲକାତା,୧୧ ମେ (ହି.ସ.)।

ପଶ୍ଚିମବଙ୍ଗର ନବଗଠିତ ବିଜେପି ସରକାରର ପ୍ରଥମ କ୍ୟାବିନେଟ୍ ବୈଠକ ସୋମବାର ରାଜ୍ୟ ସଚିବାଳୟ

ନବାନ୍ନରେ ଅନୁଷ୍ଠିତ ହୋଇଯାଇଛି। ବୈଠକ ପରେ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ରାଜ୍ୟର

ପ୍ରଶାସନିକ ଦିଗ, ସୁଶାସନ, ସୀମା ସୁରକ୍ଷା, କେନ୍ଦ୍ରୀୟ ଯୋଜନାର

କାର୍ଯ୍ୟାନ୍ୱୟନ ଏବଂ ସଂବିଧାନିକ ଶାସନ ବ୍ୟବସ୍ଥାକୁ ନେଇ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି

ଘୋଷଣା କରିଛନ୍ତି।

ପ୍ରଥମ କ୍ୟାବିନେଟ୍ ବୈଠକରେ ମୁଖ୍ୟମନ୍ତ୍ରୀ ଶୁଭେନ୍ଦୁ ଅନେକ ବଡ଼ ନିଷ୍ପତ୍ତି ନେଇଛନ୍ତି।

ସେଥିରେ ସୀମା ସୁରକ୍ଷା ବଳ (ବିଏସଏଫ୍)କୁ ସୀମାରେ ୪୫ ଦିନ ମଧ୍ୟରେ ଜମି ହସ୍ତାନ୍ତର ପ୍ରକ୍ରିୟା

ସମ୍ପୂର୍ଣ୍ଣ କରିବାର ବଡ଼ ନିଷ୍ପତ୍ତି ମଧ୍ୟ ରହିଛି।

ମୁଖ୍ୟମନ୍ତ୍ରୀ କହିଛନ୍ତି ଯେ, ପଶ୍ଚିମବଙ୍ଗରେ “ସୁଶାସନ, ସୁରକ୍ଷା ଏବଂ ଡବଲ୍

ଇଞ୍ଜିନ୍ ସରକାର”ର ନୂଆ ଯାତ୍ରା ଆରମ୍ଭ ହୋଇଛି, ଯାହା ଦେଶର ଅନ୍ୟ ଭାଜପା ଶାସିତ ରାଜ୍ୟମାନଙ୍କ ବିକାଶ ମଡେଲକୁ

ଅନୁସରଣ କରିବ। ସେ ସଂବିଧାନ ନିର୍ମାତା ବିଆର ଆମ୍ବେଦକରଙ୍କ “ଜନତାଙ୍କ ପାଇଁ, ଜନତାଙ୍କ ଦ୍ୱାରା ଏବଂ

ଜନତାଙ୍କ ସରକାର” ଆଦର୍ଶକୁ ଅନୁସରଣ କରିବାର

ପ୍ରତିବଦ୍ଧତା ବ୍ୟକ୍ତ କରିଛନ୍ତି। ସେ କହିଛନ୍ତି ଯେ, ନୂଆ

ସରକାର ଲୋକଙ୍କ ସୁରକ୍ଷା, ବିଶ୍ୱାସ ଏବଂ ବିକାଶକୁ

ସର୍ବୋଚ୍ଚ ପ୍ରାଥମିକତା ଦେବ।

ବୈଠକରେ ରାଜ୍ୟର ମତଦାତା, ପ୍ରଶାସନ ଏବଂ ନିର୍ବାଚନ

ପ୍ରକ୍ରିୟା ସହ ଜଡିତ ସମସ୍ତଙ୍କୁ ଧନ୍ୟବାଦ ଏବଂ ଅଭିନନ୍ଦନ ଜଣାଯାଇଥିଲା। ଏହା ସହିତ ରାଜନୈତିକ

ହିଂସା ସମୟରେ ପ୍ରାଣ ହରାଇଥିବା ଦଳର ୩୨୧ ଜଣ କର୍ମୀଙ୍କୁ ଶ୍ରଦ୍ଧାଞ୍ଜଳି ଦିଆଯାଇଥିଲା।

ମୁଖ୍ୟମନ୍ତ୍ରୀ କହିଛନ୍ତି ଯେ, ସରକାର ଏହି ସମସ୍ତ

ପରିବାରକୁ ସମ୍ଭବ ସମସ୍ତ ସହାୟତା ପ୍ରଦାନ କରିବ ଏବଂ ରାଜନୈତିକ ହତ୍ୟାରେ ଜଡିତ ଲୋକଙ୍କ

ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯିବ।

ବୈଠକରେ ସୀମା ସୁରକ୍ଷାକୁ ସର୍ବୋଚ୍ଚ ପ୍ରାଥମିକତା ଦେଇ ବିଏସଏଫ୍କୁ ଆବଶ୍ୟକ ଜମି

ହସ୍ତାନ୍ତର ପ୍ରକ୍ରିୟା ତୁରନ୍ତ ଆରମ୍ଭ କରିବାକୁ ନିଷ୍ପତ୍ତି ହୋଇଥିଲା। ଭୂମି ଏବଂ ରାଜସ୍ୱ

ସଚିବ ତଥା ମୁଖ୍ୟ ସଚିବଙ୍କୁ ଆଗାମୀ ୪୫ ଦିନ ମଧ୍ୟରେ ଏହି ପ୍ରକ୍ରିୟା ସମ୍ପୂର୍ଣ୍ଣ କରିବାକୁ

ନିର୍ଦ୍ଦେଶ ଦିଆଯାଇଛି।

କ୍ୟାବିନେଟ୍ ବୈଠକରେ ପଶ୍ଚିମବଙ୍ଗ ସରକାର ଆଧିକାରିକ ଭାବରେ ଆୟୁଷ୍ମାନ ଭାରତଯୋଜନା ସହ ଯୋଡ଼ିବାକୁ ମଧ୍ୟ ନିଷ୍ପତ୍ତି ନେଇଛି। ସ୍ୱାସ୍ଥ୍ୟ ସଚିବ ଏବଂ ମୁଖ୍ୟମନ୍ତ୍ରୀ

କାର୍ଯ୍ୟାଳୟର ପରାମର୍ଶଦାତାଙ୍କୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସହ ଆବଶ୍ୟକ ଚୁକ୍ତିଗୁଡ଼ିକ

ଶୀଘ୍ର ସମ୍ପୂର୍ଣ୍ଣ କରିବାକୁ ନିର୍ଦ୍ଦେଶ ଦିଆଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା