ବିଧାନନଗର ମ୍ୟୁନିସିପାଲ କର୍ପୋରେସନର ନୂଆ କମିଶନର ଭାବେ ରବି ଅଗ୍ରୱାଲ ନିଯୁକ୍ତ
କୋଲକାତା, ୨୨ ମଇ(ହି.ସ.) – ପଶ୍ଚିମବଙ୍ଗ ସରକାର ରାଜ୍ୟ ପ୍ରଶାସନରେ ଏକ ବଡ଼ ଅଦଳବଦଳ କରି ୧୭ ଜଣ ଭାରତୀୟ ପ୍ରଶାସନିକ ସେବା(ଆଇଏଏସ୍) ଅଧିକାରୀଙ୍କୁ ବଦଳି କରିଛନ୍ତି। ଶୁକ୍ରବାର ଦିନ ରାଜ୍ୟର କାର୍ମିକ ଏବଂ ପ୍ରଶାସନିକ ସଂସ୍କାର ବିଭାଗ ଦ୍ୱାରା ଜାରି ହୋଇଥିବା ଏକ ବିଜ୍ଞପ୍ତିରେ ବିଭିନ୍ନ ଜିଲ୍ଲାର ବିଭାଗୀୟ ସଚିବ, ମ୍ୟୁନିସିପାଲିଟି କମିଶନର ଏବଂ ଅତିରିକ୍ତ ଜିଲ୍ଲା ମାଜିଷ୍ଟ୍ରେଟଙ୍କ ସ୍ଥାନାନ୍ତର ସୂଚନା ଦିଆଯାଇଛି।
ଜାରି କରାଯାଇଥିବା ଆଦେଶ ଅନୁଯାୟୀ, ୨୦୧୦ ବ୍ୟାଚ୍ ଆଇଏଏସ୍ ଅଧିକାରୀ ସୁଜୟ ସରକାରଙ୍କୁ ବିଧାନନଗର ମ୍ୟୁନିସିପାଲ କର୍ପୋରେସନର କମିଶନର ପଦରୁ ହଟାଇ ଦିଆଯାଇଛି ଏବଂ ରାଜ୍ୟ ବୟନ ଶିଳ୍ପ ଓ ରେଶମ ବିଭାଗର କମିଶନର ତଥା ରାଷ୍ଟ୍ରାୟତ କମ୍ପାନୀ ତନ୍ତୁଜାର ପରିଚାଳନା ନିର୍ଦ୍ଦେଶକ ଭାବେ ନିଯୁକ୍ତ କରାଯାଇଛି। ତାଙ୍କ ସ୍ଥାନରେ ୨୦୧୭ ବ୍ୟାଚର ଆଇଏଏସ୍ ଅଧିକାରୀ ରବି ଅଗ୍ରୱାଲଙ୍କୁ ବିଧାନନଗର ମ୍ୟୁନିସିପାଲ କର୍ପୋରେସନର ନୂତନ କମିଶନର ଭାବରେ ନିଯୁକ୍ତ କରାଯାଇଛି। ରବି ଅଗ୍ରୱାଲ ପୂର୍ବରୁ ପୁରୁଲିଆରେ ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ୍ ଭାବେ କାର୍ଯ୍ୟ କରୁଥିଲେ।
ହିନ୍ଦୁସ୍ଥାନ ସମାଚାର/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ବୀଣାପାଣି
