ସ୍ୱତନ୍ତ୍ର ସାକ୍ଷାତକାର

ଇନ୍ଦ୍ରାଣୀ ସରକାର । ହିନ୍ଦୁସ୍ଥାନ ସମାଚାର

ନୂଆଦିଲ୍ଲୀ/ହାଇଦ୍ରାବାଦ, ୨୬ ମେ (ହି.ସ.): ହିନ୍ଦୁସ୍ଥାନ ସମାଚାର

ସହିତ ବିଶେଷ ଆଲୋଚନାରେ ତେଲଙ୍ଗାନାର ରାଜସ୍ୱ ଏବଂ ଆବାସ ମନ୍ତ୍ରୀ ପୋଙ୍ଗୁଲେଟି ଶ୍ରୀନିବାସ

ରେଡ୍ଡି ନିର୍ବାଚନୀ ପ୍ରତିଶ୍ରୁତିର କାର୍ଯ୍ୟାନ୍ବୟନ, ଭୂ-ଭାରତୀ ସୁଧାର,

ରାଜସ୍ୱ

ଡିଜିଟାଲାଇଜେସନ୍, ଶତ୍ରୁ ସମ୍ପତ୍ତିର ସୁରକ୍ଷା, ଇନ୍ଦିରମ୍ମା ଆବାସ ଯୋଜନା,

ପୁଞ୍ଜିନିବେଶ,

ରୋଜଗାର,

ହାଇଦ୍ରାବାଦ

ବିସ୍ତାର, ବିମାନବନ୍ଦର ଉନ୍ନୟନ, କୃଷକ କଲ୍ୟାଣ ଏବଂ

ତେଲଙ୍ଗାନାର ରାଜନୈତିକ ଦୃଷ୍ଟିକୋଣ ଉପରେ ବିସ୍ତୃତ ଆଲୋଚନା କରିଥିଲେ। ଏଠାରେ ସେହି ଆଲୋଚନାର

ମୁଖ୍ୟ ଅଂଶଗୁଡ଼ିକ ପ୍ରସ୍ତୁତ କରାଯାଇଛି।

…

ମୁଖ୍ୟ ବିନ୍ଦୁ

ଭୂ-ଭାରତୀ ଅଧିନିୟମ ଦେଶ ପାଇଁ ଏକ ମାର୍ଗଦର୍ଶକ ମଡେଲ୍ ଭାବେ ଉଭା ହୋଇଛି।

ତେଲଙ୍ଗାନାରେ ୧୦,୦୦୦ କୋଟି ମୂଲ୍ୟର ଶତ୍ରୁ ସମ୍ପତ୍ତିର

ସୁରକ୍ଷା ପାଇଁ କଡା ପଦକ୍ଷେପ ଗ୍ରହଣ କରାଯାଇଛି।

ଇନ୍ଦିରମ୍ମା ଆବାସ ଯୋଜନା ଅନ୍ତର୍ଗତ ଘର ନିର୍ମାଣ କାମରେ ତ୍ୱରାନ୍ୱିତତା ଆଣାଯାଇଛି।

ପୁଞ୍ଜିନିବେଶ, ଆଧାରଭୂତ ସଂରଚନା ଏବଂ ରୋଜଗାର ବିସ୍ତାର ଉପରେ ତେଲଙ୍ଗାନାର ବିଶେଷ

ଗୁରୁତ୍ୱ ରହିଛି।

“ରାଜ୍ୟରେ ବିଆରଏସ୍ର ଅଧ୍ୟାୟ ସମାପ୍ତ ହୋଇସାରିଛି।”

ନିର୍ବାଚନୀ ପ୍ରତିଶ୍ରୁତିର କ୍ରିୟାନ୍ୱୟନ

ପ୍ରଶ୍ନ: ତେଲଙ୍ଗାନାରେ ଆପଣଙ୍କ ଢାଇ ବର୍ଷର ଶାସନକାଳରେ ନିର୍ବାଚନୀ ପ୍ରତିଶ୍ରୁତିଗୁଡ଼ିକୁ

କେତେଦୂର ପ୍ରୟୋଗ କରାଯାଇଛି?

ଉତ୍ତର: ନିର୍ବାଚନ ସମୟରେ କଂଗ୍ରେସ ପକ୍ଷରୁ ଦିଆଯାଇଥିବା ପ୍ରାୟ ୮୦ ପ୍ରତିଶ୍ରୁତିକୁ ଆମେ

କାର୍ଯ୍ୟକରୀ କରିଛୁ। ଏହା ସହିତ, ସେତେବେଳେ ସ୍ପଷ୍ଟ ଭାବେ ଘୋଷଣା ନ

ହୋଇଥିବା ଅନେକ ଯୋଜନାକୁ ମଧ୍ୟ ଆରମ୍ଭ କରାଯାଇଛି। ମୁଖ୍ୟମନ୍ତ୍ରୀ ରେଭନ୍ତ ରେଡ୍ଡି (ସେତେବେଳେ

ପ୍ରଦେଶ କଂଗ୍ରେସ ଅଧ୍ୟକ୍ଷ) ଏବଂ ଉପମୁଖ୍ୟମନ୍ତ୍ରୀ ଭଟ୍ଟି ବିକ୍ରମାର୍କଙ୍କ ପଦଯାତ୍ରା ସମୟରେ

ଦିଆଯାଇଥିବା ଆଶ୍ୱାସନଗୁଡ଼ିକୁ ସରକାର ଗଠନ ପରେ ସତ୍ବରା ଅମଲ କରାଯାଇଥିଲା।

ଏହି ପଦକ୍ଷେପମାନଙ୍କ ମଧ୍ୟରୁ ସବୁଠାରୁ ମୁଖ୍ୟ ଥିଲା ‘ଧରଣୀ’

ପୋର୍ଟାଲକୁ

ବନ୍ଦ କରିବା—ଯାହାର କାରଣରୁ ଲକ୍ଷାଧିକ ଚାଷୀ ଏବଂ ସାଧାରଣ ଲୋକ ଅସୁବିଧାର

ସମ୍ମୁଖୀନ ହେଉଥିଲେ। ଏହାର ସ୍ଥାନରେ ସମାଜର ସମସ୍ତ ଶ୍ରେଣୀର ପରାମର୍ଶ ଓ ମତାମତ ଆଧାରରେ ‘ଭୂ-ଭାରତୀ ଅଧିନିୟମ’

କାର୍ଯ୍ୟକରୀ

କରାଯାଇଛି। ଆଜି ଏହି ଅଧିନିୟମ ଦେଶର ଅନ୍ୟାନ୍ୟ ରାଜ୍ୟ ପାଇଁ ମଧ୍ୟ ଏକ ମାର୍ଗଦର୍ଶକ ମଡେଲ୍

ଭାବେ ପରିଣତ ହେଉଛି।

ଭୂ-ଭାରତୀ ଏବଂ ରାଜସ୍ୱ ଡିଜିଟାଲାଇଜେସନ୍

ପ୍ରଶ୍ନ: ଆପଣ ଭୂ-ଭାରତୀ ପୋର୍ଟାଲ୍ ଏବଂ ଏଥିସହ ଜଡିତ ସେବାଗୁଡ଼ିକ ବିଷୟରେ ବିସ୍ତାରରେ

କହିପାରିବେ କି?

ଉତ୍ତର: କୃଷକମାନଙ୍କୁ ପାରଦର୍ଶୀ ଏବଂ ସହଜ ସେବା ଯୋଗାଇବା ପାଇଁ ଭୂମି,

ସର୍ଭେ

ଏବଂ ପଞ୍ଜିକରଣ ବିଭାଗଗୁଡ଼ିକୁ ଏକତ୍ର କରି ‘ଭୂ-ଭାରତୀ’

ପୋର୍ଟାଲ୍

ବିକଶିତ କରାଯାଇଛି। ଏହି ପୋର୍ଟାଲ୍କୁ ଏପରି ଭାବରେ ପ୍ରସ୍ତୁତ କରାଯାଇଛି ଯେ,

କୃଷକମାନେ

ଭୂମି ସମ୍ବନ୍ଧୀୟ ସେବା ପାଇଁ ପୂର୍ବବତ୍ ସେବା କେନ୍ଦ୍ରଗୁଡ଼ିକୁ ଘୁରିବାକୁ ପଡ଼ିବ ନାହିଁ ଏବଂ

ସେମାନେ ଘରେ ବସି ସେବାର ଲାଭ ନେଇପାରିବେ।

ଭୂ-ଭାରତୀ ଅଧିନିୟମ ଅନୁସାରେ କୃଷି ଜମିର ପଞ୍ଜିକରଣ ସମୟରେ ସର୍ଭେ ମାନଚିତ୍ର ସଂଲଗ୍ନ

କରିବାକୁ ଅନିବାର୍ୟ କରାଯାଉଛି, ଯାହାଦ୍ୱାରା କ୍ରେତା ଓ ବିକ୍ରେତା

ଉଭୟଙ୍କୁ ସୁବିଧା ମିଳିବ। ପ୍ରତ୍ୟେକ ସର୍ଭେ ମାନଚିତ୍ର (ଏଲପିଏମ୍) କୁ ଏକ ବିଶିଷ୍ଟ ସଂଖ୍ୟା

ଏବଂ ପ୍ରତ୍ୟେକ ସର୍ଭେ ନମ୍ବରକୁ ଆଧାର ଭଳି ‘ଭୂଧାର’

ସଂଖ୍ୟା

ପ୍ରଦାନ କରାଯାଉଛି। ଏହାକୁ ପର୍ଯ୍ୟାୟକ୍ରମେ ସମଗ୍ର ରାଜ୍ୟରେ କାର୍ଯ୍ୟକରୀ କରାଯିବ। ଏହି ପାଇଁ

ପାଞ୍ଚଟି ମଣ୍ଡଳରେ ପାଇଲଟ୍ ପ୍ରକଳ୍ପ ଆରମ୍ଭ ହୋଇସାରିଛି।

ସାର୍ବଜନୀନ ସମ୍ପତ୍ତିର ସୁରକ୍ଷା: ଶତ୍ରୁ ସମ୍ପତ୍ତି ଉପରେ ବିଶେଷ ଗୁରୁତ୍ୱ

ପ୍ରଶ୍ନ: ଶତ୍ରୁ ସମ୍ପତ୍ତି ଏବଂ ବିବାଦୀୟ ସରକାରୀ ଜମି ବର୍ତ୍ତମାନ ଚର୍ଚ୍ଚାର ବିଷୟ

ହୋଇପଡ଼ିଛି। ସରକାର ଏହି ଦିଗରେ କେଉଁ ପଦକ୍ଷେପ ନେଉଛନ୍ତି?

ଉତ୍ତର: ତେଲଙ୍ଗାନାରେ ଅବସ୍ଥିତ ଶତ୍ରୁ ସମ୍ପତ୍ତିର ସୁରକ୍ଷା ଏବଂ ସେଗୁଡ଼ିକର ଅବୈଧ

ଅତିକ୍ରମଣ ରୋକିବା ରାଜସ୍ୱ ବିଭାଗର ପ୍ରାଥମିକତା ଅଟେ। ରାଜ୍ୟର ବିଭିନ୍ନ ଅଞ୍ଚଳରେ ପ୍ରାୟ ୧୦,୦୦୦ କୋଟି ମୂଲ୍ୟର ଶତ୍ରୁ

ସମ୍ପତ୍ତି ରହିଛି। ଏହି ସମ୍ପତ୍ତିଗୁଡ଼ିକର ବ୍ୟାପକ ଭୂ-ସର୍ଭେ କରିବା ଏବଂ ସମ୍ବନ୍ଧିତ

ରେକର୍ଡଗୁଡ଼ିକର ସୁସଂଗଠିତ ଡିଜିଟାଲାଇଜେସନ୍ କରିବା ପାଇଁ ଅଧିକାରୀମାନଙ୍କୁ ନିର୍ଦ୍ଦେଶ

ଦିଆଯାଇଛି।

ରାଜ୍ୟର ରାଜସ୍ୱ ବ୍ୟବସ୍ଥା ଏହି ସମ୍ପତ୍ତିଗୁଡ଼ିକର ପରିଚୟ ଏବଂ ସୁରକ୍ଷା ପ୍ରକ୍ରିୟାକୁ

ତ୍ୱରାନ୍ୱିତ କରିଛି ଏବଂ ଏହି କାର୍ଯ୍ୟ ପାଇଁ କେନ୍ଦ୍ର ସରକାର ଅଧୀନରେ କାର୍ଯ୍ୟରତ ‘କଷ୍ଟୋଡିଆନ୍ ଅଫ୍ ଏନିମି

ପ୍ରୋପର୍ଟି ଫର୍ ଇଣ୍ଡିଆ’ (ସିଇପିଆଇ) ଅଧିକାରୀମାନଙ୍କ ସହ ସମନ୍ୱୟ

କରାଯାଉଛି। ଏହି ପଦକ୍ଷେପମାନଙ୍କର ଉଦ୍ଦେଶ୍ୟ ହେଉଛି ଭୂମି ପ୍ରଶାସନକୁ ସୁଦୃଢ କରିବା,

ପାରଦର୍ଶିତା

ବଢ଼ାଇବା ଏବଂ ସାର୍ବଜନୀନ ସମ୍ପତ୍ତିର କାର୍ଯ୍ୟକାରୀ ସୁରକ୍ଷା ସୁନିଶ୍ଚିତ କରିବା।

କଲ୍ୟାଣକାରୀ ଯୋଜନା ଏବଂ ବିପକ୍ଷର ସମାଲୋଚନା

ପ୍ରଶ୍ନ: ବିରୋଧୀଙ୍କ ଅଭିଯୋଗ ହେଉଛି ଯେ ନିର୍ବାଚନୀ ପ୍ରତିଶ୍ରୁତିଗୁଡ଼ିକର ପୂର୍ଣ୍ଣ

କାର୍ଯ୍ୟାନ୍ବୟନ ହୋଇନାହିଁ?

ଉତ୍ତର: ପୂର୍ବତନ ବିଆରଏସ୍ ସରକାର ଆମକୁ ଏମିତି ଏକ ତେଲଙ୍ଗାନା ହସ୍ତାନ୍ତର କରିଥିଲା,

ଯାହା

କେବେକି ଅଧିକ ତହବିଲ୍ ଥିବା ରାଜ୍ୟ ଥିଲା, କିନ୍ତୁ ବର୍ତ୍ତମାନ ₹୮ ଲକ୍ଷ କୋଟିରୁ ଅଧିକ ଋଣର

ଭାର ତଳେ ଦବି ଯାଇଛି। ଏହାର ପରିଣାମସ୍ୱରୂପ, ଆମେ ବର୍ତ୍ତମାନ କେବଳ ସୁଦ

ଦେବା ପାଇଁ ପ୍ରତିମାସ ପ୍ରାୟ ₹୬,୫୦୦ କୋଟି ଖର୍ଚ୍ଚ କରୁଛୁ।

ତଥାପି, ଆର୍ଥିକ ଶୃଙ୍ଖଳା ରକ୍ଷା କରି ଆମେ ଲୋକମାନଙ୍କ ପର୍ଯ୍ୟନ୍ତ

କଲ୍ୟାଣକାରୀ ଯୋଜନା ଏବଂ ବିକାଶ କାର୍ଯ୍ୟକ୍ରମ ପହଞ୍ଚାଉଛୁ।

ଦେଶରେ କର୍ଣ୍ଣାଟକ ପରେ ମହିଳାମାନଙ୍କ ପାଇଁ ମାଗଣା ବସ୍ ଯାତ୍ରା ଯୋଜନା ଲାଗୁ କରିଥିବା

ଦ୍ୱିତୀୟ କଂଗ୍ରେସ ସରକାର ହେଉଛି ତେଲଙ୍ଗାନା ସରକାର। ଆମ ପରେ ଆନ୍ଧ୍ର ପ୍ରଦେଶ ସହିତ

ତାମିଳନାଡୁ, କେରଳ ଓ ପଶ୍ଚିମବଙ୍ଗ ଭଳି ଅନେକ ରାଜ୍ୟ ମଧ୍ୟ ଏହି ଯୋଜନାକୁ ଲାଗୁ

କରିଛନ୍ତି।

ଇନ୍ଦିରମ୍ମା ଆବାସ: ଘର ଏବଂ ବିଶ୍ୱାସର ନିର୍ମାଣ

ପ୍ରଶ୍ନ: ଆପଣ ପ୍ରାୟତଃ ଯେଉଁ ପ୍ରମୁଖ ଯୋଜନାମାନଙ୍କ ଉଲ୍ଲେଖ କରନ୍ତି,

ସେଥିରୁ

ସବୁଠାରୁ ଅଧିକ ଜନସମର୍ଥନ କେଉଁଠି ମିଳିଛି?

ଉତ୍ତର: ବର୍ତ୍ତମାନ ରାଜ୍ୟର ବିଭିନ୍ନ ବିଭାଗ ପ୍ରାୟ ୧୦୦ଟି ନୂତନ ଯୋଜନାକୁ କାର୍ଯ୍ୟକରୀ

କରୁଛନ୍ତି। ଏହାମାନଙ୍କ ମଧ୍ୟରେ ‘ଇନ୍ଦିରମ୍ମା ଆବାସ ଯୋଜନା’

ସମଗ୍ର

ଦେଶ ପାଇଁ ଏକ ଆଦର୍ଶ ଭାବେ ଉଭୁକି ଆସିଛି। ଆମେ ସେହି ଗରିବ ପରିବାରମାନଙ୍କୁ ଚିହ୍ନଟ କରୁଛୁ

ଯେଉଁମାନଙ୍କ ପାଖରେ ରହିବା ପାଇଁ ଘର ନାହିଁ, ଏବଂ ଯେଉଁମାନଙ୍କ ପାଖରେ

ପୂର୍ବରୁ ଜମି ଅଛି ସେମାନଙ୍କୁ ₹୫ ଲକ୍ଷ ଆର୍ଥିକ ସହାୟତା ଦେଇ ପକ୍କା ଘର

ନିର୍ମାଣରେ ସକ୍ଷମ କରାଯାଉଛି।

ବର୍ତ୍ତମାନ ଦେଶରେ ଏପରି ଦ୍ୱିତୀୟ କୌଣସି ଯୋଜନା ନାହିଁ। କେନ୍ଦ୍ର ସରକାରଙ୍କ ଆର୍ଥିକ

ସହାୟତା ବିନା ମଧ୍ୟ ଆମେ ରାଜ୍ୟ ସ୍ତରରେ ଧନ ବ୍ୟବସ୍ଥା କରୁଛୁ। ପ୍ରଥମ ବର୍ଷରେ ହିଁ ୩.୬୦ ଲକ୍ଷ

ଘରକୁ ଅନୁମୋଦନ ଦେଇ ଧନରାଶି ମୁକ୍ତ କରାଯାଇଛି। ଏହି ବିଭାଗର ମନ୍ତ୍ରୀ ଭାବେ ମୋତେ ଗର୍ବ

ଲାଗୁଛି ଯେ, କେବଳ ଗୋଟିଏ ବର୍ଷ ମଧ୍ୟରେ ୨ ଲକ୍ଷ ପରିବାର ଗୃହ ପ୍ରବେଶ

କରିସାରିଛନ୍ତି। ଆଗାମୀ ତିନୋଟି ପର୍ଯ୍ୟାୟରେ ଅତିରିକ୍ତ ଘରମାନଙ୍କୁ ମଞ୍ଜୁରି ଦିଆଯିବ। ଏହି

ଯୋଜନା ଏକ ନିରନ୍ତର ପ୍ରକ୍ରିୟା ଭାବେ ଚାଲୁ ରହିବ।

ମୁଖ୍ୟମନ୍ତ୍ରୀ ୨ ଜୁନ୍ରେ ଆସିଫାବାଦ ଜିଲ୍ଲାରେ ଇନ୍ଦିରମ୍ମା ଆବାସ ଯୋଜନାର ଦ୍ୱିତୀୟ

ପର୍ଯ୍ୟାୟର ଶୁଭାରମ୍ଭ କରିବେ।

ଇନ୍ଦିରମ୍ମା ଆବାସର ସଫଳତାର ରହସ୍ୟ

ପ୍ରଶ୍ନ: ଇନ୍ଦିରମ୍ମା ଆବାସ ଯୋଜନାର କାର୍ଯ୍ୟାନ୍ବୟନ ଏବଂ ସଫଳତାର ପ୍ରମୁଖ କାରଣ କ’ଣ?

ଉତ୍ତର: ଏହି ଯୋଜନାକୁ କାର୍ଯ୍ୟକରୀ କରିବା ସମୟରେ ଅନେକ ଏପରି ଘଟଣା ଘଟିଛି,

ଯାହା

ମନକୁ ଭାବବିହ୍ୱଳ କରିଦିଏ। ବର୍ଷଧରି ଭଡ଼ା ଘରରେ ରହୁଥିବା ମହିଳାମାନଙ୍କ ଆଖିରେ ନିଜ ଘର ପ୍ରତି

ଦେଖାଯାଉଥିବା ଖୁସି ଆମ ପାଇଁ ସବୁଠାରୁ ବଡ଼ ପ୍ରେରଣା ହୋଇଛି।

ଆଜି ମଧ୍ୟ ମୋତେ ଜଣେ ବୃଦ୍ଧା ମହିଳାଙ୍କ କଥା ମନେ ଅଛି, ସେ କହିଥିଲେ—“ମୁଁ କେବେ ଭାବିନଥିଲି ଯେ

ଜୀବନ ସମାପ୍ତ ହେବା ପୂର୍ବରୁ ମୋ ନାମରେ ମଧ୍ୟ ଗୋଟିଏ ଘର ହେବ।”

ମୁଖ୍ୟମନ୍ତ୍ରୀ ରେଭନ୍ତ ରେଡ୍ଡିଙ୍କ ଫଟୋ ହାତରେ ଧରି ଗୃହ ପ୍ରବେଶ କରୁଥିବା

ଲାଭାନ୍ବିତମାନଙ୍କ ଦୃଶ୍ୟ ଆଜି ମଧ୍ୟ ସ୍ମରଣୀୟ। ଆମକୁ ଏହା ଦେଖି ମଧ୍ୟ ଖୁସି ଲାଗିଲା ଯେ

କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ଏହି ଯୋଜନାରେ ବିଶେଷ ଆଗ୍ରହ ଦେଖାଇଥିଲେ।

ସମ୍ପ୍ରତି ମୋର ପାଲେର ନିର୍ବାଚନ କ୍ଷେତ୍ରରେ ଆୟୋଜିତ ପ୍ରଜା ଦରବାରରେ ମିଳିଥିବା

ଆବେଦନମାନଙ୍କ ମଧ୍ୟରୁ ୫୨ ପ୍ରତିଶତ ଆବେଦନ ଇନ୍ଦିରମ୍ମା ଆବାସ ପାଇଁ ଥିଲା। ଏଥିରୁ ସ୍ପଷ୍ଟ ଯେ

ଏହି ଯୋଜନା ଲୋକମାନଙ୍କ ପାଇଁ କେତେ ଉପଯୋଗୀ ଏବଂ ପ୍ରାସଙ୍ଗିକ। ବିଆରଏସ୍ ସରକାରର ଦଶ ବର୍ଷ

ଶାସନକାଳରେ ଗରିବମାନଙ୍କ ଆବାସ ଆବଶ୍ୟକତାକୁ ଅନଦେଖା କରାଯାଇଥିଲା ଏବଂ ବର୍ତ୍ତମାନ ଲୋକମାନେ

ଏହି ଜନ-ସରକାର ଠାରୁ ନିଜ ଘରର ସ୍ୱପ୍ନ ପୂରଣ ହେବାର ଆଶା ରଖୁଛନ୍ତି।

ତେଲଙ୍ଗାନା ରାଇଜିଂ: ପୁଞ୍ଜିନିବେଶ ଏବଂ ଆର୍ଥିକ ବିସ୍ତାର

ପ୍ରଶ୍ନ: ଦେଶ ଓ ବିଦେଶର ଧ୍ୟାନ ଆକର୍ଷଣ ପାଇଁ ଆୟୋଜିତ ‘ତେଲଙ୍ଗାନା ରାଇଜିଂ’

କାର୍ଯ୍ୟକ୍ରମରୁ

କୌଣସି ଠୋସ ଲାଭ ଦେଖିବାକୁ ମିଳିଛି କି?

ଉତ୍ତର: ତେଲଙ୍ଗାନାକୁ ଦେଶର ଭବିଷ୍ୟତ ଆର୍ଥିକ ଶକ୍ତି ଭାବେ ବିକଶିତ କରିବା ଉଦ୍ଦେଶ୍ୟରେ ୮

ଏବଂ ୯ ଡିସେମ୍ବରରେ ହାଇଦ୍ରାବାଦର ଭାରତ ଫ୍ୟୁଚର ସିଟିରେ ‘ତେଲଙ୍ଗାନା ରାଇଜିଂ

ଗ୍ଲୋବାଲ ସମିଟ୍–୨୦୨୫’ର ସଫଳ ଆୟୋଜନ କରାଯାଇଥିଲା। ଏହି

ସମ୍ମିଳନୀ ବିଭିନ୍ନ କ୍ଷେତ୍ରରେ ବିଶ୍ୱସ୍ତରୀୟ ପୁଞ୍ଜିନିବେଶ ଆକର୍ଷଣ କରିବାରେ ଏକ ଗୁରୁତ୍ୱପୂର୍ଣ୍ଣ

ମଞ୍ଚ ସାବ୍ୟସ୍ତ ହୋଇଛି।

ସମ୍ମିଳନୀ ସମୟରେ ୧୦୦ରୁ ଅଧିକ ସମଝୌତା ସ୍ମାରକ ଉପରେ ସ୍ୱାକ୍ଷର ହୋଇଥିଲା। ଏହି ସମଝୌତା

ମାଧ୍ୟମରେ ପ୍ରାୟ ₹୫.୭୫ ଲକ୍ଷ କୋଟିର ପୁଞ୍ଜିନିବେଶ ରୁଚି ପ୍ରକାଶ ପାଇଥିଲା। ଏହାର

ପରିଣାମରେ ବେସରକାରୀ କ୍ଷେତ୍ରରେ ଲକ୍ଷାଧିକ ରୋଜଗାର ସୁଯୋଗ ସୃଷ୍ଟି ହେବାର ସମ୍ଭାବନା ରହିଛି।

ରୋଜଗାର ଏବଂ ପ୍ରଶାସନିକ ସୁଧାର

ପ୍ରଶ୍ନ: ବେରୋଜଗାର ଯୁବକମାନଙ୍କ ପାଇଁ ରୋଜଗାର ଏବଂ ରାଜସ୍ୱ ସୁଧାର ପ୍ରୟାସ କିପରି ଆଗକୁ

ବଢ଼ୁଛି?

ଉତ୍ତର: ତେଲଙ୍ଗାନାରେ ସରକାର ଗଠନ ପରେ ଆମେ ନିଯୁକ୍ତି ପ୍ରକ୍ରିୟାକୁ ପୁନଃ ଆରମ୍ଭ କରିଛୁ,

ଯାହା

ଗତ ଦଶ ବର୍ଷ ଧରି ପ୍ରାୟ ଅଚଳ ଥିଲା। ଏପର୍ଯ୍ୟନ୍ତ ପ୍ରାୟ ୭୦ ହଜାର ଲୋକଙ୍କୁ ଚାକିରି ପ୍ରଦାନ

କରାଯାଇଛି।

ଏହା ସହିତ, ଆମେ ନିର୍ବାଚନୀ ପ୍ରତିଶ୍ରୁତି ପୂରଣ କରି ରାଜସ୍ୱ ସେବାକୁ ଗ୍ରାମ

ସ୍ତର ପର୍ଯ୍ୟନ୍ତ ପହଞ୍ଚାଇଛୁ। ରାଜ୍ୟର ୧୦,୯୫୪ଟି ରାଜସ୍ୱ ଗ୍ରାମକୁ କ୍ଲଷ୍ଟରରେ

ବିଭକ୍ତ କରି ଗ୍ରାମ ପ୍ରଶାସନିକ ଅଧିକାରୀ ନିଯୁକ୍ତ କରାଯାଇଛନ୍ତି। ସେହିପରି ୫,୫୨୦ ଲାଇସେନ୍ସପ୍ରାପ୍ତ

ସର୍ଭେୟର ମଧ୍ୟ ନିଜ ସେବା ପ୍ରଦାନ କରୁଛନ୍ତି।

ହାଇଦ୍ରାବାଦ, ଫ୍ୟୁଚର ସିଟି ଏବଂ ବିମାନବନ୍ଦର ବିସ୍ତାର

ପ୍ରଶ୍ନ: ଦେଶର ପ୍ରମୁଖ ମହାନଗରମାନଙ୍କ ମଧ୍ୟରେ ଥିବା ହାଇଦ୍ରାବାଦର ବିକାଶ ଏବଂ ଆଞ୍ଚଳିକ

ପୂର୍ବାଧାର ବିସ୍ତାରକୁ ନେଇ ଆପଣଙ୍କ ଯୋଜନା କ’ଣ?

ଉତ୍ତର: ହାଇଦ୍ରାବାଦକୁ ଆନ୍ତର୍ଜାତୀୟ ମାନଦଣ୍ଡ ଅନୁଯାୟୀ ବିକଶିତ କରିବାର ଯୋଜନା ରହିଛି।

ମେଟ୍ରୋ ରେଲ୍ ନେଟୱର୍କର ବିସ୍ତାର ପ୍ରକ୍ରିୟା ଆରମ୍ଭ ହୋଇସାରିଛି। କ୍ୟାଣ୍ଟୋନମେଣ୍ଟ ଅଞ୍ଚଳକୁ GHMC

ସହିତ

ମିଶାଇବା ପାଇଁ ଜନସାଧାରଣଙ୍କ ଦୀର୍ଘଦିନର ଦାବି ପୂରଣ କରାଯାଇଛି।

ସରକାର ୩୦ ହଜାର ଏକର ଅଞ୍ଚଳରେ ‘ଫ୍ୟୁଚର ସିଟି’

ନାମକ

ନୂତନ ସହର ନିର୍ମାଣ କରିବାକୁ ନିଷ୍ପତ୍ତି ନେଇଛି। ବିକାଶ ରଣନୀତି ଅନୁଯାୟୀ ରାଜ୍ୟକୁ ତିନିଟି

ଅଞ୍ଚଳରେ ବିଭକ୍ତ କରାଯାଇଛି।

ଆଉଟର ରିଙ୍ଗ ରୋଡ୍ ଭିତର ଅଞ୍ଚଳକୁ ‘କୋର ଅର୍ବନ ତେଲଙ୍ଗାନା’,

ଆଉଟର

ରିଙ୍ଗ ରୋଡ୍ ଓ ପ୍ରସ୍ତାବିତ ରିଜିଅନାଲ ରିଙ୍ଗ ରୋଡ୍ ମଧ୍ୟର ଅଞ୍ଚଳକୁ ‘ଅର୍ବନ ତେଲଙ୍ଗାନା’

ଏବଂ

ରିଜିଅନାଲ ରିଙ୍ଗ ରୋଡ୍ ବାହାର ଅଞ୍ଚଳକୁ ‘ରୁରାଲ ତେଲଙ୍ଗାନା’

ଭାବେ

ବିକଶିତ କରାଯାଉଛି।

ରାଜ୍ୟର ବିଭିନ୍ନ ଅଞ୍ଚଳରେ ନୂତନ ବିମାନବନ୍ଦର ସ୍ଥାପନ କରାଯିବ,

ଯାହାମାନଙ୍କ

ମଧ୍ୟରେ ୱାରାଙ୍ଗଲ (ମମନୂର), ଆଦିଲାବାଦ,

ପେଦ୍ଦାପଲ୍ଲୀ

(ବସନ୍ତନଗର)/ରାମାଗୁଣ୍ଡମ, କୋଠାଗୁଡେମ ଆଦି ଅଞ୍ଚଳ ସମ୍ମିଳିତ ଅଛି।

କୃଷକ କଲ୍ୟାଣ ଏବଂ କୃଷି ପ୍ରୋତ୍ସାହନ

ପ୍ରଶ୍ନ: ତେଲଙ୍ଗାନାରେ ବର୍ତ୍ତମାନ କେଉଁ କେଉଁ କୃଷକ ପ୍ରୋତ୍ସାହନ ଯୋଜନା ଚାଲୁ ଅଛି?

ଗତ

ଢାଇ ବର୍ଷରେ କେତେ ଖର୍ଚ୍ଚ କରାଯାଇଛି?

ଉତ୍ତର: ରାୟଥୁ ଭରୋସା ଯୋଜନା ଅନ୍ତର୍ଗତ ଯୋଗ୍ୟ କୃଷକମାନଙ୍କୁ ପ୍ରତି ଏକର ପ୍ରତିବର୍ଷ ₹୧୨,୦୦୦ କୃଷି ନିବେଶ ସହାୟତା

ଦିଆଯାଉଛି। ଏଥିରେ ଖରିଫ ଫସଲ ପାଇଁ ୬,୦୦୦ ଏବଂ ରବି ଫସଲ ପାଇଁ ୬,୦୦୦ ପ୍ରଦାନ କରାଯାଉଛି।

କୃଷକମାନଙ୍କୁ ଋଣଭାରରୁ ମୁକ୍ତି ଦେବା ପାଇଁ ୧୨ ଡିସେମ୍ବର ୨୦୧୮ରୁ ୯ ଡିସେମ୍ବର ୨୦୨୩

ମଧ୍ୟରେ ନିଆଯାଇଥିବା ୨ ଲକ୍ଷ ପର୍ଯ୍ୟନ୍ତର ସ୍ୱଳ୍ପକାଳୀନ ଫସଲ ଋଣର ଏକ କିସ୍ତି ଛାଡ ପ୍ରକ୍ରିୟା

ଆରମ୍ଭ କରାଯାଇଛି।

ନ୍ୟୂନତମ ସମର୍ଥନ ମୂଲ୍ୟବ୍ୟତୀତ କୃଷକମାନଙ୍କ ଉତ୍ପାଦିତ ସୂକ୍ଷ୍ମ

ଧାନ ଉପରେ ପ୍ରତି କ୍ୱିଣ୍ଟାଲକୁ ୫୦୦ ବୋନସ୍ ଦିଆଯାଉଛି।

କୌଣସି କୃଷକଙ୍କ ଆକସ୍ମିକ ମୃତ୍ୟୁ ଘଟିଲେ ତାଙ୍କ ପରିବାରକୁ ଆର୍ଥିକ ସୁରକ୍ଷା ଦେବା ପାଇଁ ୫

ଲକ୍ଷର ନିଃଶୁଳ୍କ ବୀମା ଯୋଜନା ଜାରି ରହିଛି, ଯାହାର ସମ୍ପୂର୍ଣ୍ଣ

ପ୍ରିମିୟମ ସରକାର ବହନ କରୁଛି।

ରାୟଥୁ ଭରୋସା ଯୋଜନା ଅନ୍ତର୍ଗତ ଏପର୍ଯ୍ୟନ୍ତ ୧୮,୦୦୦ କୋଟିରୁ ଅଧିକ ରାଶି

ସିଧାସଳଖ କୃଷକମାନଙ୍କ ଖାତାରେ ଜମା କରାଯାଇଛି। ଚଳିତ ଆର୍ଥିକ ବର୍ଷରେ ୭୦ ଲକ୍ଷ କୃଷକଙ୍କ ପାଇଁ

ପ୍ରାୟ ୯,୦୦୦ କୋଟି ପର୍ଯ୍ୟାୟକ୍ରମେ ଜାରି କରାଯାଉଛି।

ଫସଲ ଋଣ ମାଫ ଯୋଜନା ଅନ୍ତର୍ଗତ ସରକାର ତିନୋଟି କିଷ୍ଟିରେ ୧୮,୦୦୦–୨୦,୦୦୦ କୋଟି ପର୍ଯ୍ୟନ୍ତ

ବ୍ୟାଙ୍କଗୁଡ଼ିକୁ ଜାରି କରିଛି। ସରକାର ଦୁଇ ବର୍ଷ ମଧ୍ୟରେ କୃଷି କଲ୍ୟାଣ ଯୋଜନାମାନଙ୍କୁ ନେଇ ୧

ଲକ୍ଷ କୋଟିରୁ ଅଧିକ ଖର୍ଚ୍ଚ କରିଛି।

କୃଷି କ୍ଷେତ୍ରରେ ପରିବର୍ତ୍ତନ ଆଣିବା ଏବଂ ତେଲଙ୍ଗାନାକୁ ଧାନ ଉତ୍ପାଦନରେ ଅଗ୍ରଣୀ କରିବା

ପାଇଁ ପ୍ରତିବର୍ଷ ୨୪,୦୦୦ କୋଟିରୁ ଅଧିକ ବଜେଟ୍ କୃଷି

ବିଭାଗକୁ ଦିଆଯାଉଛି। ରାୟଥୁ ବୀମା ଯୋଜନା ଅନ୍ତର୍ଗତ ୨୦୨୫–୨୬ ଆର୍ଥିକ ବର୍ଷରେ ୪୨

ଲକ୍ଷରୁ ଅଧିକ କୃଷକଙ୍କୁ ବୀମା ସୁରକ୍ଷା ଦିଆଯାଉଛି।

ଜାତୀୟ ନିର୍ବାଚନ ପ୍ରଚାରର ଅନୁଭବ

ପ୍ରଶ୍ନ: ଆପଣ ବିହାର, କେରଳ ଓ ଅନ୍ୟାନ୍ୟ ରାଜ୍ୟର ବିଧାନସଭା

ନିର୍ବାଚନ ପ୍ରଚାରରେ ଅଂଶଗ୍ରହଣ କରିଥିଲେ। ଆପଣଙ୍କ ଅନୁଭବ କେମିତି ଥିଲା?

ଉତ୍ତର: କଂଗ୍ରେସ ହାଇକମାଣ୍ଡଙ୍କ ନିର୍ଦ୍ଦେଶ ଅନୁଯାୟୀ ମୁଁ ସମ୍ବନ୍ଧିତ ରାଜ୍ୟଗୁଡ଼ିକରେ ନିର୍ବାଚନ

ପ୍ରଚାରରେ ଅଂଶ ନେଇଥିଲି। ବିହାରରେ ମୋତେ ତିନୋଟି ବିଧାନସଭା କ୍ଷେତ୍ରର ପର୍ଯ୍ୟବେକ୍ଷକ

କରାଯାଇଥିଲା ଏବଂ ଆମେ ସେଥିରୁ ଗୋଟିଏ ଆସନରେ ଜୟଲାଭ କରିଥିଲୁ।

କେରଳରେ ଆମର ମୁଖ୍ୟମନ୍ତ୍ରୀ ରେଭନ୍ତ ରେଡ୍ଡି ସହ ଅନେକ ମନ୍ତ୍ରୀ ପ୍ରଚାରରେ ଅଂଶ ନେଇଥିଲେ।

ମୋତେ ଖୁସି ଲାଗୁଛି ଯେ ଯେଉଁ ୧୦ଟି ନିର୍ବାଚନ କ୍ଷେତ୍ରରେ ମୁଁ ଆମର ନେତା ରାହୁଲ ଗାନ୍ଧୀଙ୍କ

ସହ ପ୍ରଚାର କରିଥିଲି, ସେଠାରେ ଜୟ ମିଳିଥିଲା। ଆମକୁ ପୂର୍ବରୁ

ହିଁ ବିଶ୍ୱାସ ଥିଲା ଯେ କେରଳରେ କଂଗ୍ରେସ ସଫଳତା ପାଇବ। ରାହୁଲ ଗାନ୍ଧୀଙ୍କ ପ୍ରଭାବ ସେଠାରେ

ସ୍ପଷ୍ଟ ଭାବରେ ଦେଖାଯାଇଥିଲା। ୱାୟନାଡରୁ ଜୟ ପରେ ସେ କଂଗ୍ରେସକୁ ଲୋକମାନଙ୍କ ସହ ଅଧିକ ନିକଟ

କରିଥିଲେ।

୨୦୨୯ ପାଇଁ ତେଲଙ୍ଗାନାର ରାଜନୈତିକ ପରିଦୃଶ୍ୟ

ପ୍ରଶ୍ନ: ଆପଣ ୨୦୨୯ ନିର୍ବାଚନରେ ତେଲଙ୍ଗାନାରେ କଂଗ୍ରେସର ସମ୍ଭାବନାକୁ କିପରି ଦେଖୁଛନ୍ତି?

ଉତ୍ତର: ରାଜ୍ୟର ୧୧୯ଟି ବିଧାନସଭା ଆସନ ମଧ୍ୟରୁ ଏଥର ୧୦୦ରୁ ଅଧିକ ଆସନରେ ଜିତିବାର ବିଶ୍ୱାସ

ରହିଛି। ଜନସାଧାରଣ ସମ୍ପୂର୍ଣ୍ଣ ଭାବରେ ଆମ ସହିତ ଅଛନ୍ତି। ଆମର ଲକ୍ଷ୍ୟ କେବଳ ଜନକଲ୍ୟାଣ ଏବଂ

ଆମେ କୌଣସି ଦୁର୍ନୀତି ବିନା ଶାସନ ଚାଲାଉଛୁ। ଏହାହିଁ ଆମର ସବୁଠାରୁ ବଡ଼ ଶକ୍ତି।

ପ୍ରଶ୍ନ: ପୁଣିଥରେ ସତ୍ତାକୁ ଫେରିବାର ବିଶ୍ୱାସ ଆପଣଙ୍କୁ କେଉଁ କାରଣରୁ ମିଳୁଛି?

ଉତ୍ତର: ମୁଖ୍ୟମନ୍ତ୍ରୀ ରେଭନ୍ତ ରେଡ୍ଡିଙ୍କ ନେତୃତ୍ୱରେ ଆମ ସରକାର ଦ୍ୱାରା କାର୍ଯ୍ୟକରୀ

କରାଯାଉଥିବା ବିକାଶ ଏବଂ କଲ୍ୟାଣ କାର୍ଯ୍ୟକ୍ରମମାନେ ହିଁ ଆମର ଜୟ ନିଶ୍ଚିତ କରିବ। ସତ୍ତାକୁ

ଆସିବା ପରେ ହୋଇଥିବା ଲୋକସଭା ନିର୍ବାଚନ, ଦୁଇଟି ବିଧାନସଭା ଉପନିର୍ବାଚନ,

ପଞ୍ଚାୟତ

ଏବଂ ପୌର ନିର୍ବାଚନରେ ଜନତା ଆମକୁ ସ୍ପଷ୍ଟ ଜନାଦେଶ ଦେଇଛନ୍ତି।

କଂଗ୍ରେସ କ୍ୟାଣ୍ଟୋନମେଣ୍ଟ ଏବଂ ଜୁବିଲି ହିଲ୍ସ ଭଳି ଅଞ୍ଚଳରେ ମଧ୍ୟ ଜୟ ହାସଲ କରିଛି,

ଯାହା

ପୂର୍ବରୁ ବିଆରଏସ୍ ନିକଟରେ ଥିଲା। ଆଗାମୀ ଦିନରେ ମଧ୍ୟ ଏହି ପରିଣାମ ପୁନରାବୃତ୍ତି ହେବ।

ତେଲଙ୍ଗାନାରେ ବିଆରଏସ୍ର ଅଧ୍ୟାୟ ସମାପ୍ତ ହୋଇସାରିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା