ଗ୍ୟାଙ୍ଗଟକ, ମେ 28 (ହି.ସ)। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଗୁରୁବାର ଦିନ ସିକିମ ପୋଲିସକୁ ରାଷ୍ଟ୍ରପତିଙ୍କ ପୋଲିସ ରଙ୍ଗ ପୁରସ୍କାର 'ନିଶାନ' ପ୍ରଦାନ କରିବେ। ରାଜଧାନୀର ପାଲଜୋର ଷ୍ଟାଡିୟମରେ ଆୟୋଜିତ ହେବାକୁ ଥିବା ଏକ ଭବ୍ୟ ସମାରୋହ ମଧ୍ୟରେ ସିକିମ ପୋଲିସକୁ ସମ୍ମାନିତ କରାଯିବ।

ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସିକିମକୁ ତିନି ଦିନିଆ ସରକାରୀ ଗସ୍ତ ଆଜି ଶେଷ ହେଉଛି। ଶେଷ ଦିନରେ ରାଷ୍ଟ୍ରପତି ସିକିମ ପୋଲିସକୁ ଭାରତର ରାଷ୍ଟ୍ରପତିଙ୍କ ପୁଲିସ ରଙ୍ଗ ପୁରସ୍କାର 'ନିଶାନ ପ୍ରଦାନ କରିବେ। ରାଜ୍ୟବାସୀଙ୍କ ପ୍ରତି ଉଲ୍ଲେଖନୀୟ ସେବା ପାଇଁ ସିକିମ ପୋଲିସକୁ ଏହି ପୁରସ୍କାର ପ୍ରଦାନ କରାଯାଉଛି। ଏହି ପୁରସ୍କାର ପାଇବାରେ ସିକିମ ହେଉଛି ଦେଶର 15ତମ ରାଜ୍ୟ।

ସ୍ମରଣଯୋଗ୍ୟ ଯେ ରାଷ୍ଟ୍ରପତି ତିନି ଦିନିଆ ଗସ୍ତରେ ମେ 26 ରେ ଗ୍ୟାଙ୍ଗଟକ୍ ପହଞ୍ଚିଥିଲେ। ପ୍ରଥମ ଦିନରେ ସେ ରାଜଧାନୀର ମୈତ୍ରେୟ ମଞ୍ଜରୀ କମ୍ପ୍ଲେକ୍ସରେ ଥିବା ଅର୍କିଡାରିୟମ୍ ପରିଦର୍ଶନ କରିଥିଲେ, ଯାହା ରାଜ୍ୟର ସୁବର୍ଣ୍ଣ ଜୟନ୍ତୀକୁ ଚିହ୍ନିତ କରେ | ସେହିଦିନ ସେ ରାଜଧାନୀ ନିକଟସ୍ଥ ଦେଉରାଲୀରେ ଥିବା ନାମଗ୍ୟାଲ୍ ଇନଷ୍ଟିଚ୍ୟୁଟ୍ ଅଫ୍ ତିବ୍ଦତୋଲୋଜି ପରିଦର୍ଶନ କରିଥିଲେ।

ହିନ୍ଦୁସ୍ଥାନ ସମାଚାର / ସ୍ୱାଗତିକା