ନୂଆଦିଲ୍ଲୀ, ୦୯ ମେ (ହି.ସ.)। ହର୍ମୁଜ୍ ପ୍ରଣାଳୀ ନିକଟରେ ସାଧାରଣ ସାମଗ୍ରୀ ବୋଝେଇ

ଯାଉଥିବା ଗୋଟିଏ କାଠର ନୌକାରେ ଅଗ୍ନିକାଣ୍ଡ ଘଟିବା ପରେ ଏହା ଓଲଟିଯାଇଛି। ଏହି ଦୁର୍ଘଟଣାରେ

ଜଣେ ଭାରତୀୟ ନାବିକଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ଚାରିଜଣ ଆହତ ହୋଇଛନ୍ତି। ନୌକାରେ ମୋଟ ୧୮

ଜଣ ଭାରତୀୟ କ୍ରୁ ସଦସ୍ୟ ଥିଲେ। ଶନିବାର ଅଧିକାରୀମାନେ ଏହି ସୂଚନା ଦେଇଛନ୍ତି।

ସରକାରୀ ସୂତ୍ର ଅନୁସାରେ, ସାମଗ୍ରୀ ବୋଝେଇ ଯାଉଥିବା ଏହି କାଠର ନୌକାରେ ଗୁରୁବାର ଅଗ୍ନିକାଣ୍ଡ

ଘଟିବା ପରେ ଏହା ଓଲଟିଯାଇଥିଲା। ଅଗ୍ନିକାଣ୍ଡର ସଠିକ କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ।

ଦୁର୍ଘଟଣା ପରେ ସେଠାରୁ ଯାଉଥିବା ଅନ୍ୟ ଗୋଟିଏ ଜାହାଜ ଚାଳକ ଦଳର ସଦସ୍ୟମାନଙ୍କୁ ଉଦ୍ଧାର

କରିଥିଲା। ଏହି ଘଟଣାରେ ଜଣେ ଭାରତୀୟ ନାଗରିକଙ୍କ ମୃତ୍ୟୁ ଘଟିଥିବାବେଳେ ଚାରିଜଣ ଦଗ୍ଧ

ହୋଇଛନ୍ତି। ଆହତମାନଙ୍କୁ ଦୁବାଇରେ ଚିକିତ୍ସା କରାଯାଉଛି ଏବଂ ସେମାନେ ସୁରକ୍ଷିତ ଅଛନ୍ତି।

ଭାରତୀୟ ବାଣିଜ୍ୟ

ଦୂତାବାସର ଅଧିକାରୀମାନେ ଶୁକ୍ରବାର ରାତିରେ ଉଦ୍ଧାର ହୋଇଥିବା ଭାରତୀୟ ନାଗରିକମାନଙ୍କ ସହିତ

ସାକ୍ଷାତ କରିଥିଲେ ଏବଂ ନୌକା ମାଲିକଙ୍କ ସହିତ ମଧ୍ୟ ସମ୍ପର୍କରେ ଅଛନ୍ତି। ବାଣିଜ୍ୟ ଦୂତାବାସ

ପ୍ରଭାବିତ ଭାରତୀୟମାନଙ୍କୁ ସମ୍ଭବ ସମସ୍ତ ସହାୟତା ଯୋଗାଇ ଦେଉଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା