ଭୁବନେଶ୍ୱର, ୨୬ ଜୁନ (ହି.ସ.)-
ରାଜ୍ୟପାଳ ଡ.ହରିବାବୁ କମ୍ଭମପତି ରାଜ୍ୟ ଚଳଚ୍ଚିତ୍ର ପୁରସ୍କାର ୨୦୨୩ ଏବଂ ୨୦୨୪ ପାଇଁ ମନୋନୀତ
ସମସ୍ତ ଚଳଚ୍ଚିତ୍ର, କଳାକାର ଓ ଚଳଚ୍ଚିତ୍ର ଜଗତ ସହ ଜଡ଼ିତ ବ୍ୟକ୍ତିବିଶେଷଙ୍କୁ
ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି।
ସୋସିଆଲ ମିଡିଆରେ ସେୟାର
କରିଥିବା ନିଜ ବାର୍ତ୍ତାରେ ରାଜ୍ୟପାଳ କହିଛନ୍ତି ଯେ,
ପୁରସ୍କାର ପ୍ରାପ୍ତ ସମସ୍ତ କଳାକାର ଓ ଚଳଚ୍ଚିତ୍ର ନିର୍ମାତାଙ୍କ
ପ୍ରତିଭା, ସୃଜନଶୀଳତା, ସମର୍ପଣ
ଏବଂ ନିରନ୍ତର ପରିଶ୍ରମ ଓଡ଼ିଆ ସିନେମାକୁ ନୂତନ ଉଚ୍ଚତାରେ ପହଞ୍ଚାଇବା ସହ ଏହାର ସମୃଦ୍ଧ
କଳାତ୍ମକ ଯାତ୍ରାକୁ ଅଧିକ ଗୌରବମୟ କରିଛି।
ରାଜ୍ୟପାଳ ନିଜ ବାର୍ତ୍ତାରେ
କହିଛନ୍ତି, “ରାଜ୍ୟ
ଚଳଚ୍ଚିତ୍ର ପୁରସ୍କାର ୨୦୨୩ ଓ ୨୦୨୪ ପାଇଁ ମନୋନୀତ ସମସ୍ତ ଚଳଚ୍ଚିତ୍ର, କଳାକାର
ଓ ବ୍ୟକ୍ତିବିଶେଷଙ୍କୁ ହାର୍ଦ୍ଦିକ ଅଭିନନ୍ଦନ। ଆପଣମାନଙ୍କର ଉତ୍ସାହ, ସୃଜନଶୀଳତା
ଓ କଠିନ ପରିଶ୍ରମ ଓଡ଼ିଆ ସିନେମାକୁ ନିରନ୍ତର ନୂତନ ଉଚ୍ଚତାକୁ ନେଇଯାଉଛି ଏବଂ ଏହାର କଳାତ୍ମକ
ଯାତ୍ରାରେ ଅମିଟ ଛାପ ଛାଡ଼ୁଛି। ଭବିଷ୍ୟତରେ ମଧ୍ୟ ଆପଣମାନେ ଏହିଭଳି ନୂତନ ସଫଳତା ହାସଲ କରନ୍ତୁ, ଏହାହିଁ
ମୋର ଶୁଭେଚ୍ଛା।”
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
