କାଠମାଣ୍ଡୁ, ଜୁଲାଇ 16 (ହି.ସ)। ନେପାଳର ଉପରାଷ୍ଟ୍ରପତି ରାମ ସହାୟ ପ୍ରସାଦ ଯାଦବ ଦୋହାରେ କତାରର ଅମିର (ରାଜା) ଶେଖ୍ ତମିମ୍ ବିନ୍ ହମଦ୍ ଅଲ୍ ଥାନିଙ୍କୁ ସୌଜନ୍ୟମୂଳକ ସାକ୍ଷାତ କରିଥିଲେ। ଉପରାଷ୍ଟ୍ରପତିଙ୍କ କାର୍ଯ୍ୟାଳୟ ଅନୁଯାୟୀ, କତାର ଗସ୍ତ ସମୟରେ ଦୁଇ ନେତା ଦୋହାର ଲୁସାଇଲ ପ୍ୟାଲେସରେ ଏକ ଉଚ୍ଚସ୍ତରୀୟ ବୈଠକ କରିଥିଲେ।
କତାରର ପୂର୍ବତନ ଅମିର ଶେଖ ହମାଦ ବିନ ଖଲିଫା ଅଲ ଥାନିଙ୍କ ବିୟୋଗରେ ନେପାଳ ସରକାର ଏବଂ ଜନତାଙ୍କ ତରଫରୁ ଶ୍ରଦ୍ଧାଞ୍ଜଳି ଏବଂ ସମବେଦନା ଜଣାଇବା ପାଇଁ ଉପରାଷ୍ଟ୍ରପତି ଯାଦବ କତାରରେ ଅଛନ୍ତି। ଏହି ବୈଠକରେ ସେ ଅମିର ଶେଖ ତମିମ, ରାଜ ପରିବାର ଏବଂ କତାରର ଜନସାଧାରଣଙ୍କୁ ଗଭୀର ସମବେଦନା ଜଣାଇବା ସହ ଏହି ଦୁଃଖଦ ସମୟରେ ଧୈର୍ଯ୍ୟ ଓ ଶକ୍ତି କାମନା କରିଛନ୍ତି।
ଏହି ଅବସରରେ ଉପରାଷ୍ଟ୍ରପତି ଯାଦବ ନେପାଳ ରାଷ୍ଟ୍ରପତି ରାମଚନ୍ଦ୍ର ପାଉଦେଲଙ୍କ ଦ୍ୱାରା ମହାମହୀମ ଶେଖ ତମିମ ବିନ୍ ହମାଦ ଅଲ ଥାନିଙ୍କୁ ପଠାଯାଇଥିବା ଶୋକବାର୍ତ୍ତାକୁ ହସ୍ତାନ୍ତର କରିଥିଲେ। ନେପାଳୀ ପ୍ରତିନିଧି ଦଳର ସଦସ୍ୟ ଏବଂ କତାରର ବରିଷ୍ଠ ସରକାରୀ ଅଧିକାରୀମାନେ ମଧ୍ୟ ଏହି ବୈଠକରେ ଉପସ୍ଥିତ ଥିଲେ।
--------
ହିନ୍ଦୁସ୍ଥାନ ସମାଚାର / ସ୍ୱାଗତିକା
20 Jul 2026