ନୂଆଦିଲ୍ଲୀ, ଜୁଲାଇ 17 (ହି.ସ)
ଘରୋଇ ସରାଫା ବଜାରରେ ଆଜି ପ୍ରାରମ୍ଭିକ କାରବାର ସମୟରେ ସୁନା ଦରରେ ହ୍ରାସର ଧାରା ଦେଖାଯାଇଛି। ଅନ୍ୟପଟେ, ରୂପା ଦରରେ ଆଜି ଲଗାତାର ପଞ୍ଚମ ଦିନ ପ୍ରାରମ୍ଭିକ କାରବାରରେ କୌଣସି ପରିବର୍ତ୍ତନ ହୋଇନାହିଁ। ଚେନ୍ନାଇକୁ ଛାଡ଼ି ଦେଶର ଅଧିକାଂଶ ସରାଫା ବଜାରରେ ଆଜି ସୁନା ଦର ୧୦ ଗ୍ରାମ ପିଛା ୨୭୦ ଟଙ୍କାରୁ ୩୦୦ ଟଙ୍କା ପର୍ଯ୍ୟନ୍ତ କମିଛି। ଚେନ୍ନାଇରେ ଆଜି ସୁନା ଦରରେ ୧୦ ଗ୍ରାମ ପିଛା ୩୨୦ ଟଙ୍କାରୁ ୩୫୦ ଟଙ୍କା ପର୍ଯ୍ୟନ୍ତ ହ୍ରାସ ରେକର୍ଡ କରାଯାଇଛି।
ଦର ହ୍ରାସ ପାଇବାରୁ ଦେଶର ଅଧିକାଂଶ ସରାଫା ବଜାରରେ ୨୪ କ୍ୟାରେଟ ସୁନା ଆଜି ୧୦ ଗ୍ରାମ ପିଛା ୧,୪୩,୨୮୦ ଟଙ୍କାରୁ ୧,୪୩,୪୫୦ ଟଙ୍କା ମଧ୍ୟରେ କାରବାର ହେଉଛି। ସେହିପରି ୨୨ କ୍ୟାରେଟ ସୁନାର ଦର ୧୦ ଗ୍ରାମ ପିଛା ୧,୩୧,୩୪୦ ଟଙ୍କାରୁ ୧,୩୧,୪୯୦ ଟଙ୍କା ମଧ୍ୟରେ ରହିଛି। ରୂପା ଦରରେ କୌଣସି ପରିବର୍ତ୍ତନ ନ ହେବାରୁ ଦିଲ୍ଲୀ ସରାଫା ବଜାରରେ ଆଜି ମଧ୍ୟ ରୂପା ପ୍ରତି କିଲୋଗ୍ରାମ ୨,୩୪,୯୦୦ ଟଙ୍କାରେ ବିକ୍ରି ହେଉଛି।
ଦିଲ୍ଲୀରେ ଆଜି ୨୪ କ୍ୟାରେଟ ସୁନାର ଦର ୧୦ ଗ୍ରାମ ପିଛା ୧,୪୩,୪୩୦ ଟଙ୍କା ଥିବାବେଳେ, ୨୨ କ୍ୟାରେଟ ସୁନାର ଦର ୧୦ ଗ୍ରାମ ପିଛା ୧,୩୧,୪୯୦ ଟଙ୍କା ରହିଛି। ଦେଶର ଆର୍ଥିକ ରାଜଧାନୀ ମୁମ୍ବାଇରେ ୨୪ କ୍ୟାରେଟ ସୁନା ୧୦ ଗ୍ରାମ ପିଛା ୧,୪୩,୨୮୦ ଟଙ୍କା ଏବଂ ୨୨ କ୍ୟାରେଟ ସୁନା ୧୦ ଗ୍ରାମ ପିଛା ୧,୩୧,୩୪୦ ଟଙ୍କାରେ ବିକ୍ରି ହେଉଛି। ସେହିପରି ଆହମଦାବାଦରେ ୨୪ କ୍ୟାରେଟ ସୁନାର ଖୁଚୁରା ଦର ୧୦ ଗ୍ରାମ ପିଛା ୧,୪୩,୩୩୦ ଟଙ୍କା ଏବଂ ୨୨ କ୍ୟାରେଟ ସୁନାର ଦର ୧୦ ଗ୍ରାମ ପିଛା ୧,୩୧,୩୯୦ ଟଙ୍କା ରେକର୍ଡ କରାଯାଇଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
20 Jul 2026