ଶିଲିଗୁଡ଼ି, ୧୮ ଜୁଲାଇ(ହି.ସ.) – ଭାରତର ସାର୍ବଭୌମତ୍ୱ ଏବଂ ଭୌଗୋଳିକ ଅଖଣ୍ଡତା ଦୃଷ୍ଟିରୁ ରଣନୈତିକ ଦୃଷ୍ଟିରୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଥିବା ସିଲିଗୁଡ଼ି କରିଡର(ଚିକେନ ନେକ)ର ସୁରକ୍ଷାକୁ ଆହୁରି ସୁଦୃଢ଼ କରିବା ଉଦ୍ଦେଶ୍ୟରେ କେନ୍ଦ୍ର ସରକାର ଏବଂ ପଶ୍ଚିମବଙ୍ଗ ସରକାର ଅନେକ ଗୁରୁତ୍ୱପୂର୍ଣ୍ଣ ନିଷ୍ପତି ନେଇଛନ୍ତି। କେନ୍ଦ୍ର ସ୍ୱରାଷ୍ଟ୍ର ଏବଂ ସହଯୋଗ ମନ୍ତ୍ରୀ ଅମିତ ଶାହା ଶନିବାର ଦିନ ସିଲିଗୁଡ଼ିର ଫୁଲବାରୀ ଏବଂ ଉତରକନିଆ ସଚିବାଳୟରେ ଅନୁଷ୍ଠିତ ଉଚ୍ଚସ୍ତରୀୟ ବୈଠକରେ ଭାରତ-ବାଂଲାଦେଶ ସୀମା ସୁରକ୍ଷା ବ୍ୟବସ୍ଥା, ସୀମା ପରିଚାଳନା, ଆଧୁନିକ ତଦାରଖ ବ୍ୟବସ୍ଥା ଏବଂ ଭିତିଭୂମିର ବ୍ୟାପକ ସମୀକ୍ଷା କରିଛନ୍ତି। ଏହି ସମୟରେ, ସୀମା ସୁରକ୍ଷାକୁ ଅଧିକ ପ୍ରଭାବଶାଳୀ ଏବଂ ପ୍ରଯୁକ୍ତିବିଦ୍ୟା ଆଧାରିତ କରିବା ପାଇଁ ସେ ଅଧିକାରୀମାନଙ୍କୁ ଅନେକ ଆବଶ୍ୟକୀୟ ନିର୍ଦ୍ଦେଶ ଦେଇଥିଲେ।

ଶୁକ୍ରବାର ବିଳମ୍ବିତ ରାତିରେ ବାଗଡୋଗରା ବିମାନ ବନ୍ଦରରେ ପହଂଚିବା ପରେ ସ୍ୱରାଷ୍ଟ୍ର ମନ୍ତ୍ରୀ ପ୍ରଥମେ ଶନିବାର ସକାଳେ ଜଳପାଇଗୁଡ଼ି ଜିଲ୍ଲାର ରାଜଗଞ୍ଜ ଥାନା ଅଂଚଳରେ ଭାରତ-ବାଂଲାଦେଶ ସୀମାରେ ଥିବା ସମ୍ବେଦନଶୀଳ ଗ୍ରାମ ଜୁମ୍ମାଗାଚରେ ପହଂଚିଥିଲେ। ଏଠାରେ ସେ ସୀମାରେ ସ୍ଥଳଭାଗର ସ୍ଥିତି, ବି.ଏସ୍.ଏଫ୍. ନିୟୋଜନ, ସୁରକ୍ଷା ଭିତିଭୂମି ଏବଂ ସ୍ଥାନୀୟ ସ୍ଥିତି ସମ୍ପର୍କରେ ଅନୁଧ୍ୟାନ କରିଥିଲେ। ମୌସୁମୀ ସମୟରେ ନଦୀ ଅଂଚଳରେ ସୃଷ୍ଟି ହେଉଥିବା ଆହ୍ୱାନ, ଅନୁପ୍ରବେଶ ଏବଂ ଚୋରାଚାଲାଣ ସମ୍ଭାବନା ବିଷୟରେ ମଧ୍ୟ ଅଧିକାରୀମାନେ ସେମାନଙ୍କୁ ଅବଗତ କରାଇଥିଲେ।

ଏହାପରେ ଅମିତ ଶାହା ସିଲିଗୁଡ଼ିରେ ରାଜ୍ୟର ମିନି-ସଚିବାଳୟ ଉତରକାନ୍ୟାରେ ପହଂଚିଥିଲେ, ଯେଉଁଠାରେ ରାଜ୍ୟ ସରକାର, କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ, ସୀମା ସୁରକ୍ଷା ବାହିନୀ(ବିଏସ୍ଏଫ୍) ଏବଂ ଅନ୍ୟାନ୍ୟ ସୁରକ୍ଷା ଏଜେନ୍ସିଗୁଡ଼ିକର ବରିଷ୍ଠ ଅଧିକାରୀଙ୍କ ସହ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ସୀମା ସୁରକ୍ଷାକୁ ସୁଦୃଢ଼ କରିବା, ବିଭିନ୍ନ ଏଜେନ୍ସି ମଧ୍ୟରେ ଉତମ ସମନ୍ୱୟ ଏବଂ ଆଧୁନିକ ଟେକ୍ନୋଲୋଜିର ସର୍ବୋତମ ବ୍ୟବହାର ଉପରେ ବିଶେଷ ଗୁରୁତ୍ୱ ଦିଆଯାଇଥିଲା।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି