ଝାରସୁଗୁଡ଼ା, ୨୦ ଜୁଲାଇ (ହି.ସ.)ରାମଗଡ଼ ଅଞ୍ଚଳର ବାସିନ୍ଦା ରଞ୍ଜନ କୁମାର ରାଉତଙ୍କ ପକ୍ଷରୁ ତାଙ୍କ ପାର୍କିଂ କରାଯାଇଥିବା ଟ୍ରକରୁ ଦୁଇଟି ବ୍ୟାଟେରୀ, ଗୋଟିଏ କେବିନ୍ ଫ୍ୟାନ୍, ଗୋଟିଏ ସ୍ପିକର ଏବଂ ଗୋଟିଏ ମ୍ୟୁଜିକ୍ ପ୍ଲେୟାର ଚୋରି ହୋଇଥିବା ନେଇ ଅଭିଯୋଗ ପାଇବା ପରେ ଓରିଏଣ୍ଟ ଥାନା ପୋଲିସ ତୁରନ୍ତ ତଦନ୍ତ ଆରମ୍ଭ କରିଥିଲା।

ପୋଲିସର ତ୍ୱରିତ ଓ ସଫଳ କାର୍ଯ୍ୟାନୁଷ୍ଠାନ ଫଳରେ ମାତ୍ର ୨ ଘଣ୍ଟା ମଧ୍ୟରେ ବ୍ରଜରାଜନଗର ଥାନା ଅନ୍ତର୍ଗତ ରତାଖଣ୍ଡ ଗ୍ରାମର ଟିଙ୍କୁ ମୁଣ୍ଡାଙ୍କୁ ଗିରଫ କରାଯାଇଥିଲା।

ଅଭିଯୁକ୍ତଙ୍କ ନିକଟରୁ ଦୁଇଟି ଟ୍ରକ୍ ବ୍ୟାଟେରୀ, ଦୁଇଟି ମ୍ୟୁଜିକ୍ ପ୍ଲେୟାର, ଗୋଟିଏ ସ୍ପିକର, ଗୋଟିଏ କେବିନ୍ ଫ୍ୟାନ୍ ଏବଂ ଚୋରି ଘଟଣାରେ ବ୍ୟବହୃତ ଏକ ସାଇକେଲ ଜବତ କରାଯାଇଛି।

ଗିରଫ ଅଭିଯୁକ୍ତଙ୍କୁ ଆଇନଗତ ପ୍ରକ୍ରିୟା ପରେ ମାନ୍ୟବର ଅଦାଲତରେ ହାଜର କରାଯିବ।

---------------

ହିନ୍ଦୁସ୍ଥାନ ସମାଚାର / ସଞ୍ଜୟ