ଦେହରାଦୁନ, ୨୨ ଜୁଲାଇ (ହି.ସ.) ଉତରାଖଣ୍ଡରେ ଆସନ୍ତା କିଛି ଦିନ ପର୍ଯ୍ୟନ୍ତ ମୌସୁମୀ ବର୍ଷା ସକ୍ରିୟ ରହିବାର ସମ୍ଭାବନା ରହିଛି। ପାଣିପାଗ ବିଭାଗ ୨୨ ରୁ ୨୬ ଜୁଲାଇ ପର୍ଯ୍ୟନ୍ତ ରାଜ୍ୟର ବିଭିନ୍ନ ଜିଲ୍ଲାରେ ପ୍ରବଳ ବର୍ଷା, ବଜ୍ରପାତ ଏବଂ ଆକାଶୀୟ ବିଜୁଳି ପାଇଁ ସତର୍କତା ଜାରି କରିଛି। ଲଗାତାର ବର୍ଷା ହେତୁ ମସୁରୀ-ଦେହରାଦୁନ ମାର୍ଗରେ ଭୂସ୍ଖଳନ ଏବଂ କେଦାରନାଥ ପଦଯାତ୍ରା ମାର୍ଗରେ ମଲବା ଆସିବା ଫଳରେ ଯାତାୟାତ ପ୍ରଭାବିତ ହୋଇଛି।
ପାଣିପାଗ ବିଭାଗ ଅନୁସାରେ, ବୁଧବାର ଉତରକାଶୀ, ରୁଦ୍ରପ୍ରୟାଗ, ଚମୋଲି, ନୈନିତାଳ, ବାଗେଶ୍ୱର ଏବଂ ପିଥୋରାଗଡ଼ ଜିଲ୍ଲାର କେତେକ ସ୍ଥାନରେ ପ୍ରବଳ ବର୍ଷାର ସମ୍ଭାବନା ରହିଛି। ପାହାଡ଼ିଆ ଅଂଚଳରେ ବଜ୍ରପାତ, ଆକାଶୀୟ ବିଜୁଳି ଏବଂ ତୀବ୍ରରୁ ଅତି ତୀବ୍ର ବର୍ଷା ପାଇଁ ମଧ୍ୟ ସତର୍କତା ଜାରି କରାଯାଇଛି। ୨୩ ଜୁଲାଇରେ ଦେହରାଦୁନ, ବାଗେଶ୍ୱର, ଚମୋଲି ଏବଂ ପିଥୋରାଗଡ଼, ୨୪ ଜୁଲାଇରେ ଦେହରାଦୁନ, ରୁଦ୍ରପ୍ରୟାଗ, ବାଗେଶ୍ୱର, ପିଥୋରାଗଡ଼ ଏବଂ ନୈନିତାଳ, ୨୫ ଜୁଲାଇରେ ଦେହରାଦୁନ, ବାଗେଶ୍ୱର, ରୁଦ୍ରପ୍ରୟାଗ, ଚମୋଲି, ଟିହରୀ ଏବଂ ନୈନିତାଳ ତଥା ୨୬ ଜୁଲାଇରେ ଉତରକାଶୀ, ଦେହରାଦୁନ ଏବଂ ପିଥୋରାଗଡ଼ ଜିଲ୍ଲାର କେତେକ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ବ୍ୟକ୍ତ କରାଯାଇଛି।
ସାତ ଦିନର ପୂର୍ବାନୁମାନ ଅନୁଯାୟୀ ୨୪ ରୁ ୨୮ ଜୁଲାଇ ପର୍ଯ୍ୟନ୍ତ ରାଜ୍ୟର ଅଧିକାଂଶ ଅଂଚଳରେ ହାଲୁକାରୁ ମଧ୍ୟମ ବର୍ଷା ଜାରି ରହିବାର ସମ୍ଭାବନା ରହିଛି। ବିଭାଗ ଭୂସ୍ଖଳନ, ପଥର ଖସିବା ଏବଂ ଜଳଜମାର ଆଶଙ୍କାକୁ ଦୃଷ୍ଟିରେ ରଖି ଲୋକମାନଙ୍କୁ ସତର୍କ ରହିବା ଏବଂ ଅନାବଶ୍ୟକ ଯାତ୍ରାରୁ ନକରିବାକୁ ପରାମର୍ଶ ଦେଇଛି। ଗତ ୨୪ ଘଂଟା ମଧ୍ୟରେ ଲୋହାରଖେତରେ ୮୧ ମି.ମି., ମସୁରୀରେ ୪୭.୩ ମି.ମି., ଉତରକାଶୀରେ ୪୪ ମି.ମି., ପିଥୋରାଗଡ଼ରେ ୩୫.୪ ମି.ମି. ଏବଂ ଦେହରାଦୁନରେ ୨୭ ମି.ମି. ବର୍ଷା ରେକର୍ଡ କରାଯାଇଛି।
-------------------------
---------------
ହିନ୍ଦୁସ୍ଥାନ ସମାଚାର / ଗଗନ