ନୂଆଦିଲ୍ଲୀ, ୨୫ ଜୁଲାଇ(ହି.ସ.) – ଦିଲ୍ଲୀ ମେଟ୍ରୋର ପ୍ରମୁଖ ଷ୍ଟେସନ ମଧ୍ୟରେ ରାଜୀବ ଚୌକ, ମଣ୍ଡି ହାଉସ ଏବଂ କେନ୍ଦ୍ରୀୟ ସଚିବାଳୟର ଫାଟକ, ଯାହା ସୁରକ୍ଷା କାରଣରୁ ଏବଂ ବିରୋଧ ଯୋଗୁଁ ବନ୍ଦ ରହିଥିଲା, ଶନିବାର ୩.୪୪ ଅପରାହ୍ନ ସମୟରେ ଯାତ୍ରୀମାନଙ୍କ ପାଇଁ ଖୋଲାଯାଇଥିଲା। ତେବେ କେନ୍ଦ୍ରୀୟ ଦିଲ୍ଲୀର ଅନ୍ୟ ଷ୍ଟେସନଗୁଡ଼ିକ ଏବେବି ବନ୍ଦ କିମ୍ବା ପ୍ରତିବନ୍ଧିତ ରହିଛି।

ଦିଲ୍ଲୀ ମେଟ୍ରୋ କର୍ପୋରେସନ୍ ଲିମିଟେଡ୍(ଡିଏମ୍ଆର୍ସି) ଏକ୍ସ ପୋଷ୍ଟରେ କହିଛି ଯେ ରାଜୀବ ଚୌକ, ମଣ୍ଡି ହାଉସ ଏବଂ କେନ୍ଦ୍ରୀୟ ସଚିବାଳୟ ମେଟ୍ରୋ ଷ୍ଟେସନର ପ୍ରବେଶ ଦ୍ୱାର ଆଜି ମଧ୍ୟାହ୍ନ ୩.୪୪ ମିନିଟରେ ଖୋଲାଅଛି। ଏହାସହିତ, ଏହି ତିନୋଟି ପ୍ରମୁଖ ଇଂଟରଚେଞ୍ଜ ଷ୍ଟେସନରେ ଯାତ୍ରୀଙ୍କ ପ୍ରବେଶ ସ୍ୱାଭାବିକ ଭାବରେ ଆରମ୍ଭ ହୋଇଛି।

ଏହି ଷ୍ଟେସନଗୁଡ଼ିକର ପ୍ରବେଶ ଦ୍ୱାର ବନ୍ଦ ଥିବାରୁ ଯାତ୍ରୀମାନଙ୍କୁ ବିକଳ୍ପ ଷ୍ଟେସନ କିମ୍ବା ଅନ୍ୟ ପ୍ରବେଶ ପଥ ବ୍ୟବହାର କରିବାକୁ ପଡ଼ିଥିଲା। ବର୍ତମାନ ଯେହେତୁ ପ୍ରବେଶ ପୁନଃସ୍ଥାପିତ ହୋଇଛି, ଦୈନିକ ଯାତ୍ରୀ, କାର୍ଯ୍ୟାଳୟ ଯାଉଥିବା ବ୍ୟକ୍ତି ଏବଂ ଅନ୍ୟ ଯାତ୍ରୀମାନେ ବହୁତ ଆରାମ ପାଇବେ ଏବଂ ଭିଡ଼ ପରିଚାଳନାରେ ମଧ୍ୟ ସାହାଯ୍ୟ କରିବେ। ଏହାଦ୍ୱାରା ଆନ୍ଦୋଳନକାରୀ ଛାତ୍ରଛାତ୍ରୀମାନେ ସହଜରେ ନିଜ ଘରକୁ ଫେରିପାରିବେ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି