କାଠମାଣ୍ଡୁ, ୨୭ ଜୁଲାଇ (ହି.ସ.)- ନେପାଳ ସରକାର ସୁନସରୀ ଜିଲ୍ଲାରେ ଘଟିଥିବା ସାମ୍ପ୍ରଦାୟିକ ଦଙ୍ଗା ପରେ ଆଜି ସନ୍ଧ୍ୟାରେ ଏଠାରେ କେନ୍ଦ୍ରୀୟ ସୁରକ୍ଷା ସମିତିର ି ବୈଠକ ଡାକିଛନ୍ତି ।

ଘଟଣାର ତଦନ୍ତ ପାଇଁ ପାଂଚ ସଦସ୍ୟ ବିଶିଷ୍ଟ ସମିତି ଗଠନ କରିବା ପରେ ସରକାର ସନ୍ଧ୍ୟା ପାଂଚଟାରେ କେନ୍ଦ୍ରୀୟ ସୁରକ୍ଷା ସମିତିର ବୈଠକ ଡାକିଛନ୍ତି। ଗୃହମନ୍ତ୍ରୀ ସୁଦନ ଗୁରୁଙ୍ଗଙ୍କ ଅଧ୍ୟକ୍ଷତାରେ ହେବାକୁ ଥିବା ଏହି କେନ୍ଦ୍ରୀୟ ସମିତିରେ ଗୃହ ସଚିବ, ନେପାଳ ପୋଲିସର ମହାନିରୀକ୍ଷକ (ଆଇଜିପି), ସଶସ୍ତ୍ର ପୋଲିସ ବଳର ମହାନିରୀକ୍ଷକ, ଜାତୀୟ ଅନୁସନ୍ଧାନ ବିଭାଗର ମୁଖ୍ୟ ଅନୁସନ୍ଧାନ ନିର୍ଦ୍ଦେଶକ ଏବଂ ନେପାଳୀ ସେନାର ପ୍ରତିନିଧି ସାମିଲ ହେବେ। ସେମାନେ ସୁନସରୀ ଘଟଣା ସମେତ ଦେଶର ସାମଗ୍ରିକ ଶାନ୍ତି ଓ ସୁରକ୍ଷା ପରିସ୍ଥିତିର ବିଶ୍ଳେଷଣ କରି ଆବଶ୍ୟକ ରଣନୀତି ପ୍ରସ୍ତୁତ କରିବେ।

ସୁନସରୀର ଏହି ଘଟଣା ପରେ ଗୃହମନ୍ତ୍ରୀ ସୁଦନ ଗୁରୁଙ୍ଗ ମନ୍ତ୍ରଣାଳୟରେ ସୁରକ୍ଷା ପ୍ରମୁଖମାନଙ୍କ ସହ ଏକ ବୈଠକ କରିଥିଲେ। ସେହି ଆଲୋଚନା ପରେ ସୁନସରୀ ଘଟଣାର ତଦନ୍ତ ପାଇଁ ଗୃହ ମନ୍ତ୍ରଣାଳୟର ସହ-ସଚିବ ଭୂପେନ୍ଦ୍ର ଥାପାଙ୍କ ସଂଯୋଜନାରେ ଏକ ୫ ସଦସ୍ୟ ବିଶିଷ୍ଟ ସମିତି ଗଠନ କରାଯାଇଛି।

ଗୃହ ମନ୍ତ୍ରଣାଳୟର ସହ-ପ୍ରବକ୍ତା ରମା ଆଚାର୍ଯ୍ୟଙ୍କ ଅନୁସାରେ, ତଦନ୍ତ ସମିତିକୁ ତାହାର ରିପୋର୍ଟ ଦାଖଲ କରିବା ପାଇଁ ଏକ ସପ୍ତାହ ସମୟ ଦିଆଯାଇଛି।

----------------------

---------------

ହିନ୍ଦୁସ୍ଥାନ ସମାଚାର / ଗଗନ