ସମ୍ବଲପୁର, ୦୩, ଅଗଷ୍ଟ (ହି.ସ.)ସମ୍ବଲପୁର ପୋଲିସ ଜିଲ୍ଲା ଅନ୍ତର୍ଗତ ବୁର୍ଲା ଥାନା ପୋଲିସ କାଲାମାଟି ରୋଡ଼ ନିକଟରେ ଥିବା ଏକ ତେଜରାତି ଦୋକାନରୁ ହୋଇଥିବା ଚୋରି ଘଟଣାର ପର୍ଦ୍ଦାଫାସ କରି ସମ୍ପୃକ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତକୁ ଚିହ୍ନଟ କରିବାରେ ଗୋଶାଳା କାଲାପଡା ଅଂଚଳର ୨୦ ବର୍ଷିୟ ରାଜୀବ ଦୀପ ବୋଲି ଜଣାପଡିଛି । ଅଭିଯୋଗ ଅନୁସାରେ ଗତ ଅଗଷ୍ଟ ୧ ତାରିଖ ବିଳମ୍ବିତ ରାତିରେ ପବନ ଅଗ୍ରୱାଲଙ୍କ ତେଜରାତି ଦୋକାନର ଆଜବେଷ୍ଟସ୍ ଛାତ ଭାଙ୍ଗି ଦୁର୍ବୃର ନଗଦ ୧.୫ ଲକ୍ଷ ଟଙ୍କା ସହ ବିଡ଼ି, ସିଗାରେଟ ଓ ଅନ୍ୟାନ୍ୟ ସାମଗ୍ରୀ ଚୋରି କରି ନେଇଥିଲା। ସିସିଟିଭି ଫୁଟେଜ ଓ ସାକ୍ଷ୍ୟ ଆଧାରରେ ପୋଲିସ ଅଭିଯୁକ୍ତଙ୍କୁ ଚିହ୍ନଟ କରି ଚିପିଲିମା ଅଂଚଳକୁ ଯାଉଥିବା ବେଳେ କାବୁ କରିଥିଲା। ଅଭିଯୁକ୍ତଙ୍କ ନିକଟରୁ ୮୫,୯୯୫ ଟଙ୍କା ନଗଦ, ବିଭିନ୍ନ ବ୍ରାଣ୍ଡର ୬୧ ପ୍ୟାକେଟ ସିଗାରେଟ ଏବଂ ୨ ପ୍ୟାକେଟ ବିଡ଼ି ଜବତ କରାଯାଇଛି। ଅଭିଯୁକ୍ତକୁ ବୁର୍ଲା ଥାନାରେ ରୁଜ୍ଜୁ ୩୩୬/୨୬ ମାମଲାରେ ପୋଲିସ ଗିରଫ କରି ସୋମବାର କୋର୍ଟ ଚାଲାଣ କରିଛି ।
---------------
ହିନ୍ଦୁସ୍ଥାନ ସମାଚାର / ଶୈଳେଶ
