ସମ୍ବଲପୁର, ୩୧, ଅଗଷ୍ଟ (ହି.ସ.) ସ୍ଥାନୀୟ ନନ୍ଦପଡା ଠାରେ ଆଗାମୀ ନୁଆଁଖାଇ ଉତ୍ସବ ପାଳନ ଅବସରରେ ଚିତ୍ରୋତ୍ପଳା ଯୁବକ ସଂଘ ପକ୍ଷରୁ ବାଲୁଙ୍କେଶ୍ଵର କଲ୍ୟାଣ ମଣ୍ଡପ ଠାରେ

ଜିଲ୍ଲା ସ୍ତରୀୟ ଚେସ ପ୍ରତିଯୋଗିତା ଆୟୋଜିତ ହୋଇଯାଇଛି । ଜିଲ୍ଲା ଚେସ ଏସୋସିଏସନର ସହଯୋଗରେ ଆୟୋଜିତ ଏହି ପ୍ରତିଯୋଗିତାରେ ୯୦ ଜଣ ପ୍ରତିଯୋଗୀ ବିଭିନ୍ନ ବର୍ଗରେ ଅଂଶଗ୍ରହଣ କରିଥିଲେ । ଓପନ ବର୍ଗରେ ଆୟୋଜିତ ଏହି ପ୍ରତିଯୋଗିତାରେ ସମୁଦାୟ ୧୦ଟି ପୁରସ୍କାର ଓ ଟ୍ରଫି ପ୍ରଦାନ କରାଯିବ । ପ୍ରତିଯୋଗିତାର କୃତୀ ପ୍ରତିଯୋଗୀ ମାନଙ୍କ ଆଗାମୀ ସେପ୍ଟେମ୍ବର ୧୬ ତାରିଖରେ ଆୟୋଜିତ ହେବାକୁ ଥିବା ନୁଆଁଖାଇ ଭେଟଘାଟ କାର୍ଯ୍ୟକ୍ରମରେ ସମ୍ବର୍ଦ୍ଧିତ କରାଯିବ । ଏହି ପ୍ରତିଯୋଗିତାକୁ ଚିତ୍ରୋତ୍ପଳା ଯୁବକ ସଂଘର ଅନୀଲ ପଣ୍ଡା, ଶିବ ମିଶ୍ର, ବାଲଗୋପାଳ ନନ୍ଦ, ନିହାର ରଞ୍ଜନ ମିଶ୍ର ଓ ଅଂଶୁମାନ ଦାଶ ଏବଂ ଜିଲା ଚେସ ସଂଘର ବିଧୁଭୂଷଣ ମିଶ୍ର, ସଞ୍ଜୟ ମହାପାତ୍ର, ସଂଘମିତ୍ରା ଷଡଙ୍ଗୀ ପ୍ରମୁଖ ପରିଚାଳନା କରିଥିଲେ ।

---------------

ହିନ୍ଦୁସ୍ଥାନ ସମାଚାର / ଶୈଳେଶ