ନୂଆଦିଲ୍ଲୀ, ୨୨ ସେପ୍େଟମ୍ବର (ହି.ସ.)- ନିର୍ବାଚନ ଆୟୋଗ ଉତର ପ୍ରଦେଶର ୧୦ଟି ଏବଂ ଉତରାଖଣ୍ଡର ଗୋଟିଏ ରାଜ୍ୟସଭା ଆସନ ପାଇଁ ଦ୍ୱିବାର୍ଷିକ ନିର୍ବାଚନ ଏବଂ ପଶ୍ଚିମବଙ୍ଗର ଗୋଟିଏ ଆସନ ପାଇଁ ଉପନିର୍ବାଚନର କାର୍ଯ୍ୟସୂଚୀ ମଙ୍ଗଳବାର ଘୋଷଣା କରିଛି। ସମସ୍ତ ୧୨ଟି ଆସନ ପାଇଁ ୧୬ ଅକ୍ଟୋବରରେ ମତଦାନ ହେବ ଏବଂ ସେହି ଦିନ ସନ୍ଧ୍ୟା ପାଂଚଟାରୁ ଭୋଟ ଗଣତି ହେବ।

ଆୟୋଗ ଅନୁଯାୟୀ, ଉତର ପ୍ରଦେଶ ଏବଂ ଉତରାଖଣ୍ଡର ୧୧ଟି ରାଜ୍ୟସଭା ଆସନର ବର୍ତମାନର ସଦସ୍ୟମାନଙ୍କର କାର୍ଯ୍ୟକାଳ ୨୫ ନଭେମ୍ବରରେ ଶେଷ ହେଉଛି। ଏଥିରେ ଉତର ପ୍ରଦେଶର ୧୦ଟି ଆସନ ଏବଂ ଉତରାଖଣ୍ଡର ଗୋଟିଏ ଆସନ ସାମିଲ ଅଛି।

ଉତର ପ୍ରଦେଶରୁ ଯେଉଁ ସଦସ୍ୟମାନଙ୍କର କାର୍ଯ୍ୟକାଳ ଶେଷ ହେଉଛି, ସେମାନଙ୍କ ମଧ୍ୟରେ କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ଏବଂ ସମାଜବାଦୀ ପାର୍ଟିର ରାମଗୋପାଳ ଯାଦବଙ୍କ ବ୍ୟତୀତ ଅରୁଣ ସିଂହ, ବୃଜଲାଲ, ବିଏଲ ବର୍ମା, ନୀରଜ ଶେଖର, ଗୀତା ଓରଫ ଚନ୍ଦ୍ରପ୍ରଭା, ରାମଜୀ, ସୀମା ଏବଂ ଦିନେଶ ଶର୍ମା ସାମିଲ ଅଛନ୍ତି। ଉତରାଖଣ୍ଡରୁ ନରେଶ ବଂସଲଙ୍କ କାର୍ଯ୍ୟକାଳ ମଧ୍ୟ ୨୫ ନଭେମ୍ବରରେ ଶେଷ ହେବ।

ସେହିପରି, ପଶ୍ଚିମବଙ୍ଗର ଗୋଟିଏ ରାଜ୍ୟସଭା ଆସନରେ ରୁକ୍ମିଣୀ ମଲିକଙ୍କ ଇସ୍ତଫା ଯୋଗୁଁ ହୋଇଥିବା ଆକସ୍ମିକ ଖାଲି ପଦ ପୂରଣ ପାଇଁ ଉପନିର୍ବାଚନ କରାଯାଉଛି।

ନିର୍ବାଚନ ଆୟୋଗ ପକ୍ଷରୁ ଜାରି କାର୍ଯ୍ୟସୂଚୀ ଅନୁଯାୟୀ ନିର୍ବାଚନର ବିଜ୍ଞପ୍ତି ୨୯ ସେପ୍େଟମ୍ବରରେ ଜାରି ହେବ ଏବଂ ନାମାଙ୍କନ ଦାଖଲର ଶେଷ ତାରିଖ ୦୬ ଅକ୍ଟୋବର ହେବ। ନାମାଙ୍କନ ପତ୍ରଗୁଡ଼ିକର ଯାଂଚ ୦୭ ଅକ୍ଟୋବରରେ ହେବ ଏବଂ ପ୍ରାର୍ଥୀମାନେ ୦୯ ଅକ୍ଟୋବର ପର୍ଯ୍ୟନ୍ତ ନିଜ ନାମ ପ୍ରତ୍ୟାହାର କରିପାରିବେ।

୧୬ ଅକ୍ଟୋବରରେ ସକାଳ ୦୯ଟାରୁ ସନ୍ଧ୍ୟା ୦୪ଟା ପର୍ଯ୍ୟନ୍ତ ମତଦାନ ହେବ। ମତଦାନ ଶେଷ ହେବା ପରେ ସନ୍ଧ୍ୟା ୦୫ଟାରୁ ଭୋଟ ଗଣତି ଆରମ୍ଭ ହେବ।

-----------------------

---------------

ହିନ୍ଦୁସ୍ଥାନ ସମାଚାର / ଗଗନ