ଭୁବନେଶ୍ୱର, 27 ସେପ୍ଟେମ୍ବର (ହି.ସ.)- ରାଜା ରାମମୋହନ
ରାୟଙ୍କ ପୁଣ୍ୟତିଥିରେ ତାଙ୍କୁ ଶ୍ରଦ୍ଧାଂଜଳି ଜ୍ଞାପନ କରିଛନ୍ତି ଉପମୁଖ୍ୟମନ୍ତ୍ରୀ ଓ
ସ୍ୱାସ୍ଥ୍ୟମନ୍ତ୍ରୀ ।
ଏନେଇ ସୋସିଆଲ ମିଡିଆ
ଏକ୍ସରେ ଏକ ବାର୍ତ୍ତା ଜାରି କରି ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ କହିଛନ୍ତି ଯେ, ରାଜା
ରାମମୋହନ ରାୟଙ୍କ ପୁଣ୍ୟତିଥିରେ ତାଙ୍କୁ ସ୍ମରଣ କରୁଛି। ସେ ଜଣେ ଅଗ୍ରଣୀ ସମାଜ ସଂସ୍କାରକ ଏବଂ
ଭାରତୀୟ ନବଜାଗରଣର ଅନ୍ୟତମ ପ୍ରମୁଖ ସ୍ଥପତି ଥିଲେ। ଯୁକ୍ତିବାଦ, ଆଧୁନିକ
ଶିକ୍ଷା, ସାମାଜିକ
ସଂସ୍କାର ଓ ମାନବୀୟ ମର୍ଯ୍ୟାଦା ପାଇଁ ତାଙ୍କର ଦୃଢ଼ ପ୍ରଚାର ଓ ପ୍ରୟାସ ଭାରତୀୟ ସମାଜରେ ଏକ
ନୂତନ ଚେତନାର ଜାଗରଣରେ ସହାୟକ ହୋଇଥିଲା ଏବଂ ପରିବର୍ତ୍ତନଶୀଳ ସାମାଜିକ ପରିବର୍ତ୍ତନର ଭିତ୍ତି
ସ୍ଥାପନ କରିଥିଲା।
ସ୍ୱାସ୍ଥ୍ୟମନ୍ତ୍ରୀ ଡ.ମୁକେଶ
ମହାଲିଙ୍ଗ କହିଛନ୍ତି ଯେ, ଆଧୁନିକ ଭାରତର ଜନକ, ମହାନ
ସମାଜ ସଂସ୍କାରକ ରାଜା ରାମମୋହନ ରାୟଙ୍କ ପୁଣ୍ୟତିଥିରେ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି। ଭାରତୀୟ
ସମାଜକୁ ଅନ୍ଧବିଶ୍ୱାସ, କୁସଂସ୍କାର ଏବଂ କୁପ୍ରଥାରୁ
ମୁକ୍ତ କରି ଏକ ନୂତନ ଦିଗଦର୍ଶନ ଦେବାରେ ତାଙ୍କ ଅବଦାନ ଅତୁଳନୀୟ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
