ସମ୍ବଲପୁର, ୨୪ ନଭେମ୍ବର (ହି.ସ.)- ସମ୍ବଲପୁର ବରେଇପାଲି ଥାନା ପୋଲିସ ନିଶା କାରବାର କରୁଥିବା ଏକ ଆଉଟ୍ ସୋର୍ସିିଙ୍ଗ କମ୍ପାନୀର ୩ ଜଣ କର୍ମଚାରୀଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ମାନେ ଟ୍ରେନ ଯୋଗେ କୋଲକାତାରୁ କଫସିରପ ଆଣି ସମ୍ବଲପୁରରେ ବେଆଇନ ଭାବେ ନିଶା କାରବାର କରୁଥିଲେ । ତେବେ ରେମେଡ ଚେପେଟି ପୁଲିଆ ନିକଟରୁ ଏମାନଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ ମାନେ ବରଗଡ ଜିଲ୍ଲା ଭଟଲି ଥାନା ଅନ୍ତର୍ଗତ ଟରକାନା ଗ୍ରାମର ସୁଦାମ ସୁହାନୀ(୨୬), ସମ୍ବଲପୁର ଜିଲ୍ଲା ବରେଇପାଲି ଥାନା ମିଲପଡାର ମୁକ୍ତିଲାଭ ମହାକୁଡ(୧୯) ଓ କ୍ଷେତରାଜପୁର ଥାନା ତାଲଭଟ୍ଟାପଡାର ସୁନୀଲ ମହାନ୍ତି(୨୦) ବୋଲି ଜଣାପଡିଛି । ଏମାନଙ୍କ ଠାରୁ ୧୧୫ ବୋତଲ କଫସିରପ, ୧୫ଟି ମଦ ପାଉଚ୍‌, ୨ ପତା ନିଶା ବଟିକା, ଏକ ବୋତଲ ଅପମିଶ୍ରିତ କଫସିରପ ସହ ୨୦୦ଟଙ୍କା ଜବତ କରିଛି ।

ସୂଚନାଯୋଗ୍ୟ, ଏମାନେ କିଙ୍ଗ ଗ୍ରୁପ୍ ନାମକ ଆଉଟ୍ ସୋର୍ସିଙ୍ଗ କମ୍ପାନୀରେ ରେଳ ସଫେଇ କାମରେ ନିୟୋଜିତ ଅଛନ୍ତି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ